Podcast: Download (Duration: 7:23 — 5.2MB)
PANALANGIN NG BAYAN
Ikalimang Linggo ng Pasko ng Pagkabuhay
Lunes
Buong pagtitiwalang itaas natin ang ating mga puso sa Diyos Ama na gumagabay sa atin sa pamamagitan ng kanyang Salita.
Panginoon, dinggin Mo ang aming panalangin.
o kaya
Ama, panatilihin Mo kami sa iyong pag-ibig.
Ang Simbahan nawa’y isabuhay ang diwa ng Ebanghelyo at isagawa ang kalooban ng Diyos sa kanyang paglilingkod, manalangin tayo sa Panginoon.
Tayong lahat nawa’y magsikap na itaguyod ang katarungan at karangalan ng tao lalo na ng mga mahihina at mahihirap, manalangin tayo sa Panginoon.
Bilang isang pamayanan, nawa’y itaguyod at tulungan natin ang bawat isa sa pamamagitan ng pag-ibig at kabutihang ipinakita sa atin ng Panginoon, manalangin tayo sa Panginoon.
Ang mga may karamdaman sa kanilang katawan, pag-iisip, at kaluluwa nawa’y makatagpo ng ganap na paggaling, manalangin tayo sa Panginoon.
Ang mga namayapa nawa’y makapasok sa lugar na inihanda ni Kristo para sa kanila, manalangin tayo sa Panginoon.
Amang makapangyarihan, dinggin mo ang aming mga panalangin at buksan ang aming mga puso upang tanggapin at ibigin ang aming mga kapatid na nangangailangan. Hinihiling namin ito sa pamamagitan ni Kristo na aming Panginoon. Amen.
Pages: 1 2
« Linggo, Abril 28, 2024
Martes, Abril 30, 2024 »
{ 4 comments… read them below or add one }
PAGNINILAY: Habang tayo ay naghahanda para sa pagdiriwang ng Dakilang Kapistahan ng Pag-akyat sa Langit ng Panginoon, ang mga Ebanghelyo ay nagsasalaysay sa mga huling habilin ni Kristo sa kanyang mga alagad. Ngayon ay inaanyayahan niya ang mga Apostol ang pagtanggap sa kanya ay ipapakita ng Diyos ang kanyang pag-ibig. Ngunit tinanong ni San Judas Tadeo kung bakit hindi para sa lahat ang pag-ibig ng Diyos. Tugon ni Hesus ang sinumang tumatanggap sa kanyang salita ay ipapakita ang pagmamahal ng Ama. Alam ni Hesus na ang planong pangkaligtasan ay para sa lahat ng tao, ngunit iilan lang ang mayroong pananampalataya sa kanya. Siguro itong mga hinirang ay unang tinanggap ang pagpapala ng Mabuting Balita upang mas ipalaganap ang pangalan ni Kristo sa ibang mga tao, lalung-lalo na sa mga Hentil. At ang tanda ng misyon ng Simbahan ay ang Patnubay, ang Espiritu Santo, na gumagabay sa ating pagpapalaganap at pagbibigay-saksi sa Mabuting Balita. Ang Espiritu ang magiging lakas natin upang mas maging matapat pa tayo sa pagtupad ng ating misyon bilang mga Kristiyano.
Ganun ang nangyari kina San Pablo at San Bernabe nang ipinadala nila ang Mabuting Balita sa mga bayan ng Licaonia at Lystra, nang ipnagaral nila ang kaligtasan ng Diyos na natupad kay Hesukristo at ang paggawa ng mga mabubuting bagay, katulad ng pagpapagaling sa isang lalaking hindi makalakad. Ito’y nangyari upang mas kilalanin pa ng tao ang Diyos at sila’y sumampalataya sa kanya. Alam natin na ang kaligtasan at pagmamahal ng Maykapal ay para sa lahat, subalit hindi lahat ay nakikilala siya.
Kaya ang hamon sa atin ay maging mga saksi ng kanyang pagmamahal nang may buong pagtanggap sa kanyang Salita na si Hesus. At nawa’y maging puspos tayo ng Espiritu Santo upang makiisa tayo sa misyon ng Simbahan para sa kaligtasan ng mga kaluluwa.
Ano ang aral at hamon ng ebanghelyo ngayon?
Marahil marami sa atin ang nagbabasa o nakikinig ng Mabuting Balita pero tinutupad ba natin ito? Sa misa tuwing tayo ay dumadalo ay naririnig natin ang Salita ng Diyos at ang paliwanag ng kaparian sa pamamagitan ng Homiliya. At kung mapapansin nyo ay inuulit ulit din ang mga ebanghelyo. Paulit ulit pero tayo ba ay natututo? Isansabuhay ba natin ang mga aral ni Hesus? Ginagawa ba natin itong gabay sa pang araw araw na buhay o paglabas ng simbahan ay wala na agad?
Ito ang sinasabi ni Hesus sa ebanghelyo ngayon, “Ang umiibig sa akin ay tumutupad sa aking Salita, at mananahan kami ng Ama sa kanya.
Kaya’t wag nating gawing “useless” ang ating pananampalataya, huwag tayong maging mga hangal, huwag tayong maging ipokriti, at huwag tayong maging mga mapag imbabaw. Isapuso natin ang Salita ng Diyos, sapagkat ang Diyos lamang ang ating tanging pag-asa sa buhay na ito.
Sa Ebanghelyong ito ipinapakita sa atin ng Panginoong Jesus na Siya ay tunay na sumasaatin. Imagine na pinaliit ng Panginoon ang Kanyang Sarili sa anyong maliit na tinapay at kung tanggapin natin Siya ng buong pananalig at pananampalataya sa Banal na Misa, Siya ay kaisa natin Sa Katawan, Kaluluwa, Espiritu. We are so much blessed in our time. Na anumang kalagayan natin nababatid niya, nadarama ang lahat lahat sa atin sapagkat Siya ay sumasaatin. Ang gagawin lang ay buong puso buong kaluluwa natin ito panaligan paniwalaan paninindigan ng walang pagdududa. Ika nga never ever give space to doubt in your heart and you will really experience the Glory of God.
Tinawag na ako ng Panginoon sa Kanyang Fellowship sa El Shaddai wala pa akong anak. That was 36 years ago. God is so good sapagkat lahat ng aking natutunan ay aking isini share sa aking mga anak. We have Fellowship everyday. At araw araw ko silang kinukuwentuhan ng mga kwento sa Biblia. Aside from that we practice what we preach by observing our actions our lips. Salamat sa Diyos sila lumaki na masunurin, matapat, humble, loving at higit sa lahat nagmamahal sa Diyos. Dala nila sa puso nila ang Salita ng Diyos kaya ako na magulang ay panatag na patuloy silang ginagabayan ng Espiritu na kaloob sa atin niJesus.
Ang latest na himala sa akin ng Panginoon ay nadama ko ang Kanyang Presensiya sa paninindigan ko sa Kanyang Salita noong ako ay tinamaan ng covid. Di pa ako vaccinated.
I practice all the teachings of God.
1. Huag matakot.
2.Do not ever give space ang doubt sa puso mo.
3. All healing of mankind physically, spiritually ay mula sa Diyos.
4.His Words is active and alive.
5.That our God is with us, within us because we received Him in the Holy Eucharist.
Napakahalaga sa Panginoon ang lahat ng ito upang maranasan natin sa araw araw ang himala Niya.
God is so good.
I prayed to and talked to God heartfully,sabi ko sa Kanya…
Ayaw ko magpa hospital sapagkat delikado dun.
Ibig ko Ikaw Lord ang magpagaling sa akin personally.
Iaalay ko ang suffering na ito for others sake.
Ako na lang po at walang mahawa sa aking pamilya. Wala po nahawa diko nag isolate.
Ako po ay nakadama ng panghihina, walang lakas, parang nauupos na kandila ang pakiramdam ko,
God protected my breathing pero wala akong panlasa at pang amoy.
Hindi ako makapanalangin dahil naiiba ang pakiramdam ko.As if dumaan ako sa purification.
Sa puso at isipin ko ang tanging laman ay ang Panginoon.
Tumagal ito ng 10 days na umabot ng 49 ang lagnat ko.
On the 10th day biglang nawala at nag flash sa paningin ko ang ibat ibang mukha ni Jesus sa Cross. Kahit ipikit idilat ko mata ko ay nakikita ko ito.
Sa Diyos ang Papuri, Kaluwalhatian, Karangalan magpakailanman. Amem.
REFLECTION: Ano ang aral at hamon ng ebanghelyo ngayon?
Marahil marami sa atin ang nagbabasa o nakikinig ng Mabuting Balita pero tinutupad ba natin ito? Sa misa tuwing tayo ay dumadalo ay naririnig natin ang Salita ng Diyos at ang paliwanag ng kaparian sa pamamagitan ng Homiliya. At kung mapapansin nyo ay inuulit ulit din ang mga ebanghelyo. Paulit ulit pero tayo ba ay natututo? Isansabuhay ba natin ang mga aral ni Hesus? Ginagawa ba natin itong gabay sa pang araw araw na buhay o paglabas ng simbahan ay wala na agad?
Ito ang sinasabi ni Hesus sa ebanghelyo ngayon, “Ang umiibig sa akin ay tumutupad sa aking Salita, at mananahan kami ng Ama sa kanya.
Kaya’t wag nating gawing “useless” ang ating pananampalataya, huwag tayong maging mga hangal, huwag tayong maging ipokriti, at huwag tayong maging mga mapag imbabaw. Isapuso natin ang Salita ng Diyos, sapagkat ang Diyos lamang ang ating tanging pag-asa sa buhay na ito.