Podcast: Download (Duration: 6:47 — 8.6MB)
Ika-15 Linggo sa Karaniwang Panahon (A)
Isaias 55, 10-11
Salmo 64, 10abkd. 10e-11. 12-13. 14
Nagbunga nang masagana,
binhi sa mabuting lupa.
Roma 8, 18-23
Mateo 13, 1-23
Subscribe to Awit at Papuri Communications YouTube Channel
Fifteenth Sunday in Ordinary Time (Green)
UNANG PAGBASA
Isaias 55, 10-11
Pagbasa mula sa aklat ni propeta Isaias
Ito ang sinasabi ng Panginoon:
“Ang ulan at niyebe
paglagpak sa lupa’y di na nagbabalik,
aagos na ito sa balat ng lupa’t nagiging pandilig,
kaya may pagkai’t butil na panghasik.
Ganyan din ang aking mga salita,
magaganap nito ang lahat kong nasa.”
Ang Salita ng Diyos.
SALMONG TUGUNAN
Salmo 64, 10abkd. 10e-11. 12-13. 14
Nagbunga nang masagana,
binhi sa mabuting lupa.
Umuulan sa lupain, ganito mo kinalinga,
umuunlad ang lupai’t tumataba yaong lupa;
patuloy na umaagos ang bigay mong mga batis,
sa halamang nasa lupa, ay ito ang dumidilig;
ganito ang ginawa mo na hindi mo ikinait.
Nagbunga nang masagana,
binhi sa mabuting lupa.
Sa binungkal na bukirin ang ulan ay masagana,
ang bukirin ay matubig, at palaging basang-basa;
sa banayad na tag-ulan ay lumambot yaong lupa,
kaya naman pati tanim ay malago at sariwa.
Nagbunga nang masagana,
binhi sa mabuting lupa.
Nag-aani nang marami sa tulong mong gumagawa,
at saanman magpunta ka’y masaganang-masagana.
Ang pastula’y punung-puno ng matabang mga kawan,
naghahari yaong galak sa lahat ng kaburulan.
Nagbunga nang masagana,
binhi sa mabuting lupa.
Gumagala yaong tupa sa gitna ng kaparangan,
at hitik na hitik man din ang trigo sa kapatagan;
ang lahat ay umaawit, sa galak ay sumisigaw!
Nagbunga nang masagana,
binhi sa mabuting lupa.
IKALAWANG PAGBASA
Roma 8, 18-23
Pagbasa mula sa sulat ni Apostol San Pablo
sa mga taga-Roma
Mga kapatid, sa ganang akin, ang mga pagtitiis sa kasalukuyan ay hindi maihahambing sa ihahayag ng kaluwalhatiang sasaatin. Nananabik ang sangnilikha na ihayag ng Diyos ang kanyang mga anak. Nabigo ang sangnilikha, hindi sa kagustuhan nito, kundi dahil sa ito ang niloob ng Diyos. Gayunman, may pag-asa pa, sapagkat ang sangnilikha ay palalayain sa pagkaalipin nito sa kabulukan, at makakahati sa maluwalhating kalagayan ng mga anak ng Diyos. Alam natin na hanggang ngayon ang sangnilikha ay dumaraing sa paghihirap. Hindi lamang sila! Tayo mang tumanggap ng Espiritu bilang unang kaloob ng Diyos ay napapahimutok samantalang hinihintay natin ang pag-ampon sa atin ng Diyos, ang pagpapalaya sa ating mga katawan.
Ang Salita ng Diyos.
ALELUYA
Aleluya! Aleluya!
Salita ng D’yos ang buto
na tanim ni Hesukristo
upang tumubo sa tao.
Aleluya! Aleluya!
MABUTING BALITA
Mateo 13, 1-23
Ang Mabuting Balita ng Panginoon ayon kay San Mateo
Noon ding araw na iyon, si Hesus ay lumabas ng bahay at naupo sa tabi ng lawa. Pinagkalimpumpunan siya ng makapal na tao, kaya sumakay siya sa isang bangka at doon naupo. Nasa dalampasigan naman ang mga tao. At nagturo siya ng maraming bagay sa pamamagitan ng mga talinghaga.
“May isang magsasakang lumabas upang maghasik. Sa kanyang paghahasik ay may binhing nalaglag sa tabi ng daan. Dumating ang mga ibon at tinuka ang mga iyon. May binhi namang nalaglag sa kabatuhan. Sapagkat manipis lang ang lupa roon, sumibol agad ang binhing iyon, ngunit nang mapabilad sa matinding sikat ng araw ay natuyo, palibhasa’y walang gaanong ugat. May binhi namang nalaglag sa dawagan; lumago ang mga dawag at ininis ang mga iyon. Ngunit ang binhing nalaglag sa mabuting lupa ay nag-uhay: may tigsasandaan, may tig-aanimnapu, at may tigtatatlumpung butil ang bawat uhay. Ang may pandinig ay makinig!”
Lumapit ang mga alagad at tinanong si Hesus: “Bakit po ninyo dinadaan sa talinghaga ang inyong pagsasalita sa kanila?” Sumagot siya, “Ipinagkaloob sa inyo na malaman ang mga lihim tungkol sa paghahari ng Diyos, ngunit hindi ito ipinagkaloob sa kanila. Sapagkat ang mayroon ay bibigyan pa, at mananagana; ngunit ang wala, kahit ang kakaunting nasa kanya ay kukunin pa. Nagsasalita ako sa kanila sa pamamagitan ng talinghaga, sapagkat tumitingin sila ngunit hindi nakakikita, at nakikinig ngunit hindi nakaririnig ni nakauunawa.
Natutupad nga sa kanila ang hula ni Isaias na nagsasabi:
‘Makinig man kayo nang makinig,
hindi kayo makauunawa,
at tumingin man kayo nang tumingin,
hindi kayo makakikita.
Sapagkat naging mapurol ang isip ng mga taong ito;
mahirap makarinig ang kanilang mga tainga,
at ipinikit nila ang kanilang mga mata.
Kung di gayon, disin sana’y nakakita ang kanilang mga mata,
nakarinig ang kanilang mga tainga,
nakaunawa ang kanilang mga isip,
at nagbalik-loob sa akin,
at pinagaling ko sila, sabi ng Panginoon.’
“Mapalad kayo, sapagkat nakakikita ang inyong mga mata at nakaririnig ang inyong mga tainga! Sinasabi ko sa inyo: maraming propeta at matutuwid na tao ang nagnasang makakita sa inyong nakikita, ngunit hindi ito nakita, at makarinig sa inyong naririnig, ngunit hindi ito napakinggan.”
“Pakinggan nga ninyo ang kahulugan ng talinghaga tungkol sa manghahasik. Ang mga nakikinig ng Salita tungkol sa paghahari ng Diyos ngunit hindi nakauunawa nito ay katulad ng mga binhing nahasik sa tabi ng daan. Dumarating ang Masama at inaagaw ang nahasik sa kanilang puso. Inilalarawan ng binhing nahasik sa kabatuhan ang nakikinig ng Salita at masayang tumatanggap nito kaagad. Ngunit hindi ito tumitimo sa puso nila kaya’t hindi sila nananatili. Pagdating ng mga kapighatian o pag-uusig dahil sa Salita, agad silang nanlalamig. Inilalarawan naman ng naghasik sa dawagan ang nakikinig ng Salita, ngunit naging abala sa mga bagay ukol sa mundong ito, at naging maibigin sa mga kayamanan anupat ang Salita’y nawalan na ng puwang sa kanilang puso, kaya’t hindi makapamunga. At inilalarawan ng naghasik sa matabang lupa ang mga nakikinig ng Salita at nakauunawa nito. Sila’y namumunga: may tigsasandaan, may tig-aanimnapu, at may tigtatalumpu.”
o kaya:
Mateo 13, 1-9
Ang Mabuting Balita ng Panginoon ayon kay San Mateo
Noon ding araw na iyon, si Hesus ay lumabas ng bahay at naupo sa tabi ng lawa. Pinagkalimpumpunan siya ng makapal na tao, kaya sumakay siya sa isang bangka at doon naupo. Nasa dalampasigan naman ang mga tao. At nagturo siya ng maraming bagay sa pamamagitan ng mga talinghaga.
“May isang magsasakang lumabas upang maghasik. Sa kanyang paghahasik ay may binhing nalaglag sa tabi ng daan. Dumating ang mga ibon at tinuka ang mga iyon. May binhi namang nalaglag sa kabatuhan. Sapagkat manipis lang ang lupa roon, sumibol agad ang binhing iyon, ngunit nang mapabilad sa matinding sikat ng araw ay natuyo, palibhasa’y walang gaanong ugat. May binhi namang nalaglag sa dawagan; lumago ang mga dawag at ininis ang mga iyon. Ngunit ang binhing nalaglag sa mabuting lupa ay nag-uhay: may tigsasandaan, may tig-aanimnapu, at may tigtatatlumpung butil ang bawat uhay. Ang may pandinig ay makinig!”
Ang Mabuting Balita ng Panginoon.
Pages: 1 2
« Sabado, Hulyo 15, 2023
Lunes, Hulyo 17, 2023 »
{ 8 comments… read them below or add one }
Pagninilay: Ngayong Linggong ito hanggang sa mga sumusunod na Linggo, pagninilayan natin ang ika-13 kabanta ng Ebanghelyo ni San Mateo. Noong nakaraang Linggo, pinuri ng Panginoong Hesus ang Ama nating Panginoon at Diyos sa pagpapahayag ng mga misteryo ng Paghahari sa mga mapagkumbaba at may kababang-loob na katulad ng isang bata. Kaya narinig natin sa Ebanghelyo kung paano sinabi ni Kristo na mapalad ang mga mata at tainga na nakikita at naririnig ang bawat realidad ng Salita ng Diyos. Kaya habang siya’y nangangaral sa may dalampasigan at umuupo sa bangka, maraming tao ang lumapit upang pakinggan ang kanyang mga pahayag. At dito sa kabanatang ito, nagkwento siya ng mga talinghaga. Ang talinghaga ay isang uri ng panitikan na kung saan ito’y madalas gumagamit na mga larawan, simbolismo, at iilang mga alegorya tungkol sa isang konsepto. Sa ating Parabula ngayon ng Manghahasik, ang konseptong inihambing ni Hesus sa mga buto ay ang Salita ng Diyos. Nakita natin kung paano itong inihasik ng magsasaka sa daan, mga bato, mga tinik, at sa mabuting lupa. At ipinaliwanag din ni Hesus ang parabula bilang paghahambing sa buhay ng bawat tumatanggap sa Banal na Salita. Alam ng Panginoon ang mga taong tinatakpan ang kanilang mga tainga dahil parang wala silang intensyon na makinig sa mensahe ng Diyos. May mga tao namang natutuwa nang marinig ang Salita, subalit sila’y natutukso kaya kumukupas ang kanilang kapasidad na makinig at sumampalataya. May mga tao namang may maraming palusot kung bakit ayaw nilang sundin ang Salita ng Diyos dahil sa ginhawa ng makamundong pamumuhay. Subalit ang mga taong tunay na nakikinig sa Salita ng Diyos at isinasabuhay nito ay pinagpapala, na katulad ng pag-uuhay ng mga buto sa matabang lupa nang tatlumpu, animnapu, at isang daang beses. Kaya mahalaga na pagnilayan natin kung paano nag-aani ang Diyos sa ating mga buhay. Ano kayang lupa ang nais niyang itanim sa ating mga puso? Ang tunay na pagpapala ay nakikilala sa kanyang Paghahari at ginagawa ang kanyang dakilang kalooban sa pamamagitan ng pakikinig sa kanyang Salita at pagsasabuhay nito sa pagmamahal, kapayapaan, katarungan, at pagkakaisa.
Ang pakikinig ay mahalaga kahit saan, kahit kailan, at kahit kanino dahil isang pagpapakita ito nang paggalang sa pinagmumulan Ng mensahe at pagtaggap sa kanyang sinasabi. Iyan ang aking natututunan sa unang bahagi Ng ebanghelyo. Si Jesus ay nagsalita at marami Ang nakinig sa kanyang kwento na nagbibigay aral Kung paano mabuhay. Sa aking pagsusubaybay sa ilang hearing Ng ABS-CBN sa Kongreso Lalo na nung binabangkas Ng bawat panig Ang kanilang summation bakit dapat bigyan Ng prangkisa o Hindi Ang ABS-CBN. Natutunan ko na Ang pakikinig sa dalawang panig Kung dalawa Ang nagsasalita ay nakakatulong para maunawaan natin Kung papaano Tayo magdidisisyon sa buhay. Mas madali Kung isang Tao Lang Ang may mensahe tulad Ng ating Ebanghelyo pero madalas Tayo ay napapagitnaan Tayo Ng iba’t ibang mga mensahe. Anong gagawin natin? Gmitin natin Ang dalawa nating Tenga na mapakinggan Ng nag-iisa nating puso. Maaring magsalita at mas mainam na may gawa na ikakabuti Ng ating sarili at ibang tao. Kung Hindi man tayo napakinggan Ang ating Panginoon ay patuloy na nakikinig at Ang kanyang mga Salita sa Bibliya ay may mga pinapahiwatig. Huwag tayong matakot makinig kahit Ayaw natin sa taong nagbibigay Ng mensahe dahil bawat Isa ay instrumento upang Tayo ay mamuhay sa kabanalan. Bigyan Ang bawat Isa na magsalita at mapakinggan. God bless to all! Amen!
Tayo ay Simbahang Sinodal na isang pagkakataon at biyaya na binigay ng Diyos na ang lahat ay pakikingan kung ano mang pinagdaraanan nila sa buhay sitwasyon at cultura hindi lahat pare pareho hindi p;wede ang pagkukumpara dahil lahat ay nilikha na iba iba . Pakikinig isang mahalaga rin sa isang simbahang sinodal . Naalala ko ng BEC FORUM ni Doc Stella Padilla ng Bukal ng Tipan dapat hindi lang execute ibaba dapat may consultation para malaman kung anon ang kailangan ng mag tao na nasa laylayan isang mgandang biyaya rin na ang salita ng Diyos na ipinhayag ay nagkaroon ng bunga at ito ay nakabuo ng BEC at paruloy pang nadaragdadan We are Increasing at pangarap na maging Missionary Church hindi langsa Maintenance Mode na nanatili na langsda debosyon at iba pang traditional na gawain ng isang organisation ang paglago ay pagiging Misionero abutin ang nasa laylayan at doon maghasik ng pag asa. in other words INTERMINISTERIAL na hindi lang isang grupo ang gaganap tulungan na .
Ang pakikinig ay madaming nagagawa sa buhay sa isang tao at sa mundong na ating kinabibilangan, naiiwasan nito ang mga sigalot na bunga ng hindi pagkaka-unawan sa kahit anupamang relasyon. Nagiging daan ito ng isang matiwasay na pamumuhay at sa pakikinig ay pwedeng maiwasan ang lahat ng uri ng kapahamakan at kahit pa digmaan.
Ang tagpo sa unang bahagi ng ebanghelyo ay pinagkakalimpunan si Hesus ng napakaraming tao at nakikinig sa kanyang mga salitang ipinangangaral sa pamamagitan ng mga talinghaga sa kadahilanan na hindi pa lubusang tuluyang nauuwanan ng mga tagapakinig ang tunay na diwa ng ipinangangaral ni Hesus na katulad ng pagkakaunawa ng kanyang mga napiling mga alagad. Sa paggamit ng mga talinghaga ito ay paguugnay sa uri ng kasalukuyang espirit’walidad at pamumuhay ng mga tao na kadalasan sa ganitong pamamaraan ipanararating ang mensahe sa kanila. May mga tainga pero hindi tunay na nakakarinig dahil hindi tumitimo sa puso sa mga tagapakinig ang mga salitang ipinangangaral. Kaya noong isang Linggo ang pagbasa ay patungkol sa paghahambing ng katangian ng isang bata na madaling sumunod at magtitiwala na ang mga puso nito ay siyang tunay na pinaghaharian ng Diyos. Sa kabilang banda ito’y ikinubli sa mga matatalino at marurunong.
Ang parabula ng “Manghahasik” inilalarawan nito ang uri ng isang lupa na nahasikan ng binhi at kung ano ang nagiging resulta nito sa lupang kinababagsakan. Sa ating pang-araw araw na karanasan sa buhay pwede natin suriin kung anong paano tumimo sa ating mga puso’t isipan ang mga salita ng Diyos na ating mga napapakinggan. Makikita natin ito sa ating mga sarili at maihahambing kung tayo ba’y katulad ng lupang nahasikan ng binhi na hindi sumibol dahil pinatay natin ito sa simula palang o lupang hindi manlang binigyan ng pagkakataong magkaroon ng puwang makapa-ngugat ang binhi na maikukumpara naman natin sa marahil sobra nating paniniwala sa sariling kakayanan? O lupang nahasikan ng binhi na hindi namunga ang Salita ng Diyos dahil mas binigyan natin ng halaga ang makamundong mga bagay sa ating kapaligiran at mga sariling alalahanin. Ang ipinalangin natin sa Diyos na tayo ay matulad ng lupang nahasikan ng binhi na nagkaroon ng maraming bunga, na mataniman ang ating puso ng kanyang mga salita na ipinahahayag sa Mabuting Balita at maipamahagi ito sa pamamagitan ng pagsasabuhay at tunay na paglilingkod sa ating kapwa.
Anumang mabuting itanim natin sa ating mga puso, siguradong ito ay lalago.
Mahalaga sa buhay ng tao ang PAKIKINIG sapagkat marami itong ibinubunga sa ating lahat. May mga nakikinig subalit ang layunin ay makasira, may mga taong nakikinig lamang ng mga bagay na maganda sa kanyang pandinig, at may mga taong ang hilig ay makinig lamang sa kasiraan ng kanyang kapwa. Itinuturo sa atin ni Hesus sa pamamagitan ng talinhaga ng manghahasik na tayo’y matutong UMUNAWA at TUMANGGAP sa pamamagitan ating pakikinig.
UNAWAIN natin ang mga kataga at mga aral na inihahasik ni Hesus sa ating mga puso. TANGGAPIN natin kahit na ito ay makasasakit sa ating damdamin at upang tayo ay matuto rin na tumanggap sa lahat ng mga kamaliang ating nagagawa. Kapag natuto tayong umunawa at tumanggap, matututunan din nating tanggapin, unawain at mahalin ang ating mga kapwa na siyang magbubunga ng PAGBABAGO sa ating sarili at sa bawat isa.
Marami tayong binabasa o pinakikinggan na nagbibigay sa atin ng inspirasyon. Kadalasan ito ay atin lamang pinupuri, nila-like, or ibinabahagi sa social media. Subalit hanggang share, story at post na lang ba tayo?
Ito ang hamon ngayon sa atin ng ebanghelyo; Bakit kaya hindi natin panatilihin sa ating sarili ang ating mga pinakikinggan? Bakit hindi natin ito palaguin? Bakit hindi natin ito isabuhay? Upang ang sa atin ay inihasik ay tumubo at mamunga ng masagana.
(Pagninilay sa ika-15 na Linggo sa Karaniwang Panahon | Taon A – Mateo 13, 1-23)
For as the rain and the snow come down from heaven, and do not return there until they have watered the earth, making it bring forth and sprout, giving seed to the sower and bread to the eater, so shall my word be that goes out from my mouth; it shall not return to me empty, but it shall accomplish that which I
The following verse Isaiah 55:11 says “So is my word that goes out from my mouth: It will not return to me empty, but will accomplish what I desire and achieve the purpose for which I sent it.” Everything the Lord has spoken in scripture will accomplish the purpose God has created and desired for it to accomplish.
About 2nd reading;
The fall of man had a disastrous affect on the realm of nature. The very workers that God created to care for and cultivate the realm of living things, turned against it with greed, exploitation and destruction.
We, too, wait with eager hope for the day when God will give us our full rights as his adopted children, including the new bodies he has promised us. These sterile and barren bodies of ours are yearning for full deliverance.
For Gospel;
Sa Mateo 13:1–23, nabasa natin na inihalintulad ng Tagapagligtas ang iba’t ibang uri ng lupa sa mga puso ng tao. Sa pag-aaral mo ng mga talatang ito ngayon, …
Mabuting lupa: Isang binatilyo ang nag-ukol ng maraming oras sa pag-aaral para m…
Tabi ng daan: Isang dalagita ang gustung-gustong magsimba tuwing Linggo. Gayun…
Dawagan: Isang binatilyo ang regular na nagsisimba, pero bihira lang siyang makib…
Batuhan: Isang dalagita ang regular na nagsisimba, at tahimik na ipinagdarasal na …
Pinupuri ka namin Panginoon Hesuskristo.
marami kasi sa ating mga tao madalas di naniniwala hanggat walang puweba see is to believe ka nga ba pero sa talinghaga na ipinangaral nang ating Mahal na Panginoon Hesus ay totoo lahat Ang kanyang sinasabi mas umiiral pa sa ating lahat ang tsismis kaysa sa aral na patotoo dahil Minsan mahilig kasi tayo sa pasikat na bagay yung takot malampasan nang iba kaya sa turo nang ating Mahal na Panginoon sikapin natin na isabuhay ang kanyang mga sinabi at dalhin sa hinaharap upang tayo ay guminhawa nang may kabuluhan.