Podcast: Download (Duration: 7:02 — 8.8MB)
PANALANGIN NG BAYAN
Sa Ebanghelyo ngayon, pinaaalalahanan tayo tungkol sa panahong itatagal ng Simbahan at sa kakayahan nitong manindigan laban sa mga pang-aatake rito ng demonyo. Bilang mga anak ng Simbahan, tayo’ y dumulog sa Panginoon para sa mga pangangailangan nito bilang pamilya ng Diyos sa lupa. Manalangin tayo:
Panginoon, dinggin ang aming panalangin!
Para sa Simbahan, ang bagong Bayan ng Diyos: Nawa magpunyagi siya sa katapatan sa kanyang Tagapagtatag habang sinusubay-bayan siya nang buong malasakit, lakas, at pagmamahal. Manalangin tayo!
Para sa Santo Papa, ang kahalili ni Pedro bilang pinaka-Pastol ng Simbahan: Nawa patuloy niyang malasap ang pamamatnubay ng Panginoon at ang kanyang pagtatanggol laban sa kasamaan. Manalangin tayo!
Para sa mga obispo, ating kura paroko, at lahat ng iba pang pinuno ng Simbahan: Nawa patnubayan nila ang kawan ng Diyos sa ulirang katapatan sa Dakilang Pinuno upang maging inspirasyon at pampasigla sa atin. Manalangin tayo!
Para sa ating mga pinunong pambayan at mga nanunungkulan: Nawa itaguyod nila ang kapakanan ng mga tao sa pamamagitan ng makatarungang mga batas. Manalangin tayo!
Para sa kabataan ng daigdig, lalo na para sa mga nagdarahop sa mga materiyal at moral na pangangailangan: Nawa ang Simbahan ay maging patnubay nila at tagapagsulong ng kanilang kapakanan. Manalangin tayo!
Tahimik nating ipanalangin ang ating sariling kahilingan. (Tumigil saglit.) Manalangin tayo!
Panginoong Hesus, salamat sa paghirang mo sa aming maging bahagi ng Simbahang itinatag mo sa matibay na bato ng pananalig ni Pedro. Ingatan mo kami sa paglilingkod sa iyo hanggang makasama namin ang iba pang tao sa kaluwalhatian ng langit upang purihin at sambahin ka magpakailanman.
Amen!
Pages: 1 2
« Sabado, Hulyo 29, 2023
Lunes, Hulyo 31, 2023 »
{ 11 comments… read them below or add one }
Pagninilay: Matapos ikinuwento ni Hesus ang mga talinghaga tungkol sa Magsasaka, ang mga Damo sa Triguhan, ang Butil ng Mastasa, at ang Lebadura, muli siyang nagkwento ng tatlo pang talinghaga: ang kayamanang nakabaon sa bukid, ang perlas na may mahahalagang presyo, at ang lambat. Ginagamit ni Hesus ang mga talinghaga dito bilang paglalarawan sa Kaharian ng Diyos. Sinasabi natin na naririto sa ating piling ang Paghahari ng Diyos dahil sa Mabuting Balita hatid ni Hesukristo. At ang Mabuting Balitang isinasabuhay natin nang may pagmamahal, kapayapaan, at katarungan ay isang batayan upang masabing naroroon ang Paghahari ng Diyos. Habang naririto ang Paghahari niya sa atin, ang kaganapan nito ay dapat nating panabikan sa darating na oras ng kaluwalhatian. Kaya ang Kaharian ng Diyos ay isang mahalagang bagay na dapat nating inaasam sa ating buhay. Katulad nito ang isang kayamanang nakabaon sa bukid, kung saan ibinenta ng lalaki ang lahat ng kanyang ari-arian upang ipagbilhin ito. Katulad rin nito ang isang perlas nang may mahahalagang presyo, na ibinenta ng isang mangangalakal ang lahat ng ari-arian upang mapasakanya ang mahalagang perlas na iyan. At katulad rin ang Paghahari ng Diyos sa isang lambat sapagkat sa huling araw ay darating ang Anak ng Tao upang ipagpasya niya ang paghuhukom batay sa ating gawain dito sa daigdig.
Kaya makikita natin sa tatlong talinghaga ang dapat nating hangarin araw-araw, at iyan ay ang Panginoon. Alam natin na mayroon tayong mga kayamanan at mga iba’t ibang mapagkukunan at ari-arian na kailangan nating upang mamuhay pa nang habambuhay sa lupang ito. At hindi naman tinututol ni Hesus ang pagkakaroon nito, lalo na ng pera. Ngunit ang nais lang niya ipunto sa atin na sa bawat paggamit natin ng mga yamang tinatanggap natin, mas kilalanin natin ang bukal ng bawat biyaya, yaman, at ari-ariang mayroon tayo: ang Panginoon. Tularan natin si Haring Solomon sa Unang Pagbasa na sa kabila ng kanyang kapangyarihan at impluwensiya bilang Hari ng Israel, idinalangin niya na magkaroon siya ng karunungan upang mas kilalanin pa niya ang Diyos at ang mga espirituwal na bagay.
Kailangan ko muna hanapin ang kaharian ng Diyos! At ang lahat ng kailangan ko sa buhay na ito ay ipagkakaloob ng Panginoon!
Inaanyayahan ako ng mga talinhaga na alamin ang pinaka mahalaga, makita ang kalooban ng
Diyos! Ipagpalit ang lahat ng mga pinahahalagahan ko sa buhay pati mga ari-arian, makamtan lang kalooban ng Diyos!
Meron mga bagay na makakapagpasaya sa atin. Subalit walang hanggang kaligayahan ang dulot ng kaharian ng Diyos kapag ito ang ating nakamtan. Kaya’t dito sana nakatuon ang ating pansin habgang tayo ay nabubuhay. Salamat Panginoon sa bitaya ng pagkilala sa ito. Amen
Mapalad tayo mga kapatid Sapananampalataya ni Hesus Kristo, kung saan Ibinabahagi sa atin ang Kahalagahan na siya lamang ang ating Pupurihin at Sasambahin habang narito pa tayo sa mundo. SALAMAT PO PANGINOON ??
Sa maikling pagbasa sa ebanghelyo ni Sa Mateo may dalawang talinghaga na ipingangaral si Hesus sa mga tao na paghahambing sa paghahari ng Diyos. Una ay, Mat. 13:44 “Natatagong kayaman sa bukid; ng nasumpungan ng isang tao, at inilihim; at sa kaniyang kagalaka’y yumaong at ipinagbili ang lahat tinatangkilik, at binili ang bukid na yaon”.
Ikalawa, Mat. 13:45-46 “Ganon din naman, ang kaharian ng langit ay katulad ng isang taong nangangalakal na humahanap ng magandang perlas, ay yumaong siya at ipinagbili ang lahat nyang tinatangkilik, at binili yaon”. Sa ating mga buhay ang dalawang talinghagang ay parehas ang pakakahulugan ito ay pagkatagpo ng dalawang lalaki ng isang buhay kay Kristo-Hesus bilang hari at Diyos ng kanilang buhay at ang mga naging desisyon na talikdan ang lahat ng kanilang mga tinatangkilik sa buhay masundan at magpasakop sa ninanais ng Diyos sa kanilang mga buhay. Ang pag-desisyon na bitawan at pagtalikod sa lahat tulad ng yaman, ari-arian, karangyaan, katanyagan, kapangyarihan at iba pang bagay na nagpapasaya sa atin ay isang sobrang hirap na pagpapasya lalo na kung ang mga ito ay pinaghirapan naman ay hindi madali. Pero kung ang pagdedesisyon na ito ay itinaas mo sa Diyos katulad ng ginawa ni Haring Solomon na sa kabila ng kanyang pagiging hari ay hiniling nya sa Diyos ang kapakanan ng Kanyang nasasakupan na itinuturi nyang tunay nyang buhay at kayamanan. Wala siyang hiningi sa Diyos na pansariling kapakanan at ikinalugod ng Diyos at ito ay ipinagkaloob sa kanya. Gayon din naman sa mga taong may kakayahan at may kapangyarihan dapat hilingin din nila at gamitin ang mga ito sa ikaluluwalhati ng Diyos. Katulad ni Haring Solomon dapat na umiral sa mga mayayaman at may kapangyarihan na hindi sila mapasailalim sa dikta ng mga kasamaan na magdadala sa kanila sa nagbabagang apoy sa impiyerno sa kabilang buhay. At nawa’y magamit nila ang rangya, at kapangyarihan ng buhay sa pamamagitan ng pagbabahaginan, kapayapaan, katanungan, upang maangkin ng lahat ang kaharian ng Diyos na ninanais ni Hesus sa lahat. Amen!
Sa mga talinghagang ito, ating napagtanto ang dalawang mahahalagang aspeto ng ating buhay bilang mga alagad ni Hesus.
Una, ang kaharian ng Diyos ay isang kayamanang dapat nating hanapin at pahalagahan nang higit sa anumang bagay sa mundong ito. Ito ay ang pagmamahal, pag-unawa, at kapatawaran ng Diyos na patuloy na bumubukas ng mga pintuan ng pag-asa sa ating mga buhay.
Pangalawa, ang pagiging tapat sa Diyos ay isang mahalagang perlas na dapat nating alamin at pangalagaan. Ito ang nagbibigay sa atin ng tunay na kagalakan, kapayapaan, at kabuluhan sa ating paglalakbay.
Sa ating mga buhay, maaaring maranasan natin ang mga pagsubok at hamon. Ngunit ang Salita ng Diyos ay patuloy na nagbibigay sa atin ng liwanag sa gitna ng kadiliman. Sa bawat paghahanap at pag-alaala ng kaharian ng Diyos, naghahanda tayo sa pag-akyat sa mas mataas na antas ng pananampalataya at pagtitiwala sa Diyos.
HANGGANG SAAN ANG KAYA MONG IBIGAY?
Tatlong talinhaga ang itinuturo sa atin ni Hesus sa linggong ito kung saan inihahalintulad ang kaharian ng Diyos. Ang kayamanang nakabaon sa bukid, ang perlas na may mahalagang presyo, at ang lambat.
Ang unang dalawang talinhaga ay nagbibigay sa atin ng halos magkatulad na punto. Marami sa atin ang nananatili sa kani-kanyang COMFORT ZONE. Nahihirapan tayong umusad, sumulong, at magpatuloy dahil ayaw nating bumangon mula sa mga bagay na ating nakasanayan. Kuntento na tayo sa kalagayan natin, kuntento na tayo sa sitwasyon natin, kuntento na tayo sa kung anong mayroon tayo. Subalit paano kung kuhanin sa atin ang lahat ng mayroon tayo, kapalit ng mas magandang hinaharap?
Marami sa atin ang SENTIMENTAL na tao. Makikita nating sa ebanghelyo, ipinagbili nila ang kanilang mga ari-arian para lamang mabili nila ang bukid kung saan may nakabaon na kayamanan, at ang perlas na may mahalagang presyo. Binitiwan nila ang maraming mahalagang ari-arian, maaring ito ay ang bahay na kanilang kinalakihan o mga gamit na bigay pa ng kanilang mga magulang. Natuto silang lumabas mula sa kanilang mga comfort zone at bumitiw sa mga bagay na mahalaga sa kanila para sa ISANG NAPAKAHALAGANG BAGAY – ANG KAHARIAN NG DIYOS.
Inaanyayahan tayong bumitiw sa mga bagay na nagbibigay sa atin ng COMFORT kung ito naman ay nagdudulot sa atin ng KASALANAN. Maraming bagay ang ating nakasanayan subalit kailangang bitiwan para sa progreso ng tunay na pagbabago. Matuto nawa tayong tumalikod sa kasalanan at sumunod sa mga utos ng Diyos. Ang pagtalikod sa kasalanan, at pagyakap sa kaharian ng Diyos.
NAATTACHED tayo sa maraming bagay na inaalok sa atin ng mundo, matuto nawa tayong MAGDETACHED upang makita natin ang higit na mahalaga, na tayo’y makabilang sa mabubuting isda na nahuli ng lambat ng Diyos at tipunin tayo sa pinakamimithi natin sa bawat pagdarasal ng Ama Namin, MAPASAAMIN ANG KAHARIAN MO!
(Pagninilay sa ika-17 Linggo sa Karaniwang Panahon | Taon A – Mateo 13, 44-52)
Sa pakakatong ito ay makikita natin kay Haring Solomon ang mapagmahal sa nasasakupan, naniniwala siya na hindi niya makakaya ng kanyang sarili ang pamumuno dahil sa kanyang pananampalataya sa Panginoo ay matutupad niya ang tunay na pagsasaayos ng kanyang nasasakupan at nakitaan natin ng pag papakimbaba ang isang Hari na tulad ni Solomon. At mararamdaman natin ang Panginoon, ang kanyang pagmamahal sa tao, gumagamit sya ng tagalaglingkod ng da gayun ay huwag tayongawalay sa kanya. Sa kasalukuyan ay madarama natin ang mga namumuno sa ating Bayan, kanaliktaran ni Haring Solomon. Alam naman natin lahat kung gaanong kalaganap ang kasamaan sa mga namumuno ngayon. Kaya’t sa ikalawang pagbasa ay alam ng Diyos kung sino ang sa Kanya. Kaya’y sa pagkakatong ito ay binukod niya ang mabuti at masa MN a. The promise of Romans 8:28 that God works for our good “in all things” is reassuring. It means that no matter the circumstance, there are only two qualifiers for God to be working all things together for our good. First, He works for “the good of those who love Him.” The truth of Romans 8:28 reminds us that although sin and Satan are powerful, God is more powerful He is able to redeem and restore anything for our good and his glory. All things may not be good, but God can and will use all things for good.
For Gospel today:
The Parable of the Hidden Treasure is a well known parable of Jesus, which appears in Matthew 13:44, and illustrates the great value of the Kingdom of Heaven. It immediately precedes the parable of the Pearl, which has a similar theme. The parable has been depicted by artists such as Rembrandt. The kingdom of heaven is like treasure hidden in a field: The field is the world, but the man does not represent the believer, because we have nothing to buy this treasure with. Instead, Jesus is the man who gave all that He had to buy the field.
Pànginoon Hesus, likhaìn nàwa ninyò sa amin ang ìsàn? pusong maunawain at karunungan na kumilala ng masàmà at magaling.
Pànginoon Hesus, likhaìn nàwa ninyò sa amin ang ìsàng pusong maunawain at karunungan na kumilala ng masàmà at magaling.
alam nating all good things comes from God.
all what is on earth is of God.
heaven and earth is creation of God.
air that we breath comes from Him.
lahat ng kinakain natin mula sa Kanya.
trabaho natin mula sa Kanya sapagkat all what is on heaven and earth ay Kanya.
wala tayong pagmamay-ari.
ngunit kung ano ang meron sa atin ay inaari natin.
kaya nga nalugod ang Diyos kay Solomon sapagkat of all leaders of the world si Solomon ang kumilala sa Diyos na pati ang kanyang panunungkulan ay mula sa Diyos.
kaya humingi sita ng wisdom to rule His people.
tulad ng perlas, ng kayaman, na pinanahahalagan natin ng higit pa sa buhay natin.
nakaligtaan natin kung sino ang tunay na nagmamay-ari nito.
na siya dapat ang ariin natin natin higit pa sa buhay mo, kayamanan mo na pinahahalagahan mo.
sino kung ganon?
walang iba kundi si JESUS.
THE HOLY TRINITY.
SILA ANG ATING KAYAMANAN.
kaya sa isip, salita,sa gawa natin sa araw araw SIYA ang inuuna natin.
then naisasabuhay natin ang paghahari ng Diyos na sa araw araw nating buhay lagi natin Siyang kasama.
may awareness tayo that God is with us, within us waiting na gawin natin Siyang laging UNA sa ating buhay.
kung ganon nga, every word we speak, every tongue we confess, every work we do, NAKIKITA SI JESUS.
WE CALL IT HOLINESS
AND WITHOUT HOLINESS NO ONE WILL SEE GOD..
ako po ay ulilang lubos
nagisnan kong ang mga magulang ko ay ang mga grandparents ko.
nag-asawa ako na wala na ang mga dinatnan kong magulang.
hindi ko nakalimutan.
dahil i have only God na ipinakilala sa akin ng mga magulang ko by our daily angelus na kinalakihan ko sa kanila.
i ask God, sabi ko, …
Lord wala akong alam sa pagpapalaki ng mga anak, how to raise them,
give me wisdom and knowledge to raise these children na ipinagkatiwala mo sa amin.
truly God is God of graces.
He pours all the graces that i needed kaya naman lumaki ang apat kung mga anak na kilala ang ating Diyos.
naranasan ang mga himala ng Diyos.
namumuhay sila na kasama ang Diyos
TO GOD BE ALL THE HIGHEST GLORY
AMEN..