Podcast: Download (Duration: 7:01 — 5.0MB)
Kapistahan ni Apostol Santiago
2 Corinto 4, 7-15
Salmo 125, 1-2ab, 2kd-3. 4-5. 6
Ang nagtanim na
may luha ay aaning natutuwa.
Mateo 20, 20-28
Subscribe to Awit at Papuri Communications YouTube Channel
Feast of Saint James, Apostle (Red)
UNANG PABGASA
2 Corinto 4, 7-15
Pagbasa mula sa ikalawang sulat ni Apostol San Pablo sa mga taga-Corinto
Mga kapatid, kaming pinagkalooban ng kayamanang espirituwal na ito ay hamak — kung baga sa sisidlan ay palayok lamang — upang ipakilalang ang di malirip na kapangyarihan ay sa Diyos, at hindi amin. Ginigipit kami sa kabi-kabila ngunit di nagagapi. Kung minsa’y nag-aalinlangan kami ngunit di nawawalan ng pag-asa. Pinag-uusig kami ngunit di nawawalan ng kaibigan; naibubuwal ngunit di tuluyang nailulugmok. Lagi kong taglay sa aking katawan ang kamatayan ni Hesus upang sa pamamagitan ng katawan ko’y mahayag ang kanyang buhay. Kami’y laging nabibingit sa kamatayan alang-alang kay Kristo upang sa aming katawang may kamatayan ay mahayag ang kanyang buhay. Anupat habang ako’y dahan-dahang namamatay, nagkakaroon naman kayo ng buhay na walang hanggan.
Sinasabi sa Kasulatan, “Nagsasalita ako sapagkat ako’y sumasampalataya.” Bunga ng gayong diwa ng pananampalataya, nagsasalita rin ako sapagkat ako ma’y sumasampalataya. Sapagkat nalalaman kong ang Diyos na muling bumuhay sa Panginoong Hesus ang siya ring bubuhay sa akin kasama niya, at magdadala sa inyo at sa akin sa kanyang piling. Ang lahat ng pagtitiis ko ay sa kapakanan ninyo upang sa pagdami ng mga nakatatanggap ng mga kaloob ng Diyos, lalo namang dumami ang magpapasalamat at magpupuri sa kanya.
Ang Salita ng Diyos.
SALMONG TUGUNAN
Salmo 125, 1-2ab, 2kd-3. 4-5. 6
Ang nagtanim na may luha
ay aaning natutuwa.
Nang lingapin tayo ng Diyos at sa Sion ay ibalik
ang nangyaring kasaysaya’y parang isang panaginip.
Lahat tayo ay natuwa, masasayang nagsiawit.
Ang nagtanim na may luha
ay aaning natutuwa.
Ang sabi ng mga bansang nagmamasid sa paligid,
“Ang ginawa ng Diyos nila ay dakila, anong rikit!”
Dakila ngang masasabi, pambihira ang ginawa,
kaya naman kami ngayon, kagalaka’y di kawasa!
Ang nagtanim na may luha
ay aaning natutuwa.
Kung paanong inuulan yaong mga tuyong batis,
sa sariling bayan namin, kami, Poon, ay ibalik.
Silang mga nagbubukid na nagtanim na may luha,
bayaan mo na mag-aning masasaya’t natutuwa.
Ang nagtanim na may luha
ay aaning natutuwa.
Yaong mga nagsihayong dala’y binhi’t nananangis,
ay aawit na may galak, dala’y ani pagbalik!
Ang nagtanim na may luha
ay aaning natutuwa.
ALELUYA
Juan 15, 16
Aleluya! Aleluya!
Hinirang tayo ni Kristo
upang mamungang totoo
bilang mabubuting tao.
Aleluya! Aleluya!
MABUTING BALITA
Mateo 20, 20-28
Ang Mabuting Balita ng Panginoon ayon kay San Mateo
Noong panahong iyon, lumapit kay Hesus ang asawa ni Zebedeo, kasama ang kanyang mga anak. May ibig siyang hilingin, kaya’t lumuhod siya sa harapan ni Hesus. “Ano ang ibig mo?” Tanong ni Hesus. Sumagot siya, “Sana’y ipagkaloob ninyo sa dalawa kong anak na ito ang karapatan na makaupong katabi ninyo sa inyong kaharian — isa sa kanan at isa sa kaliwa.” “Hindi ninyo nalalaman ang inyong hinihingi,” sabi ni Hesus sa kanila. “Mababata ba ninyo ang hirap na babatahin ko?” “Opo,” tugon nila. Sinabi ni Hesus, “Ang hirap na babatahin ko’y batatahin nga ninyo. Ngunit wala sa akin ang pagpapasiya kung sino ang mauupo sa aking kanan at sa aking kaliwa. Ang mga luklukang sinasabi ninyo’y para sa mga pinaghandaan ng aking Ama.”
Nang marinig ito ng sampung alagad, nagalit sila sa magkapatid. Kaya’t pinalapit sila ni Hesus at sinabi sa kanila, “Alam ninyo na ang pinuno ng mga Hentil ay naghahari sa kanila, at ang mga dinadakila ang siyang nasusunod. Ngunit hindi ganyan ang dapat umiral sa inyo. Sa halip, ang sinuman sa inyo na ibig maging dakila ay dapat maging lingkod. At sinumang ibig maging pinuno ay dapat maging alipin ninyo, tulad ng Anak ng Tao na naparito, hindi upang paglingkuran kundi upang maglingkod at ialay ang kanyang buhay upang matubos ang marami.”
Ang Mabuting Balita ng Panginoon.
Pages: 1 2
« Lunes, Hulyo 24, 2023
Miyerkules, Hulyo 26, 2023 »
{ 4 comments… read them below or add one }
Pagninilay: Ipinagdiriwang natin ngayon ang Kapistahan ni Apostol Santiago, ang kapatid ni San Juan na isa sa mga anak ni Zebedeo. Kilala silang 2 bilang “Boanerges” o “mga anak ng kidlat” sapagkat kapag sila’y nagsasalita ay parang malakas ang epekto ng kanilang mensahe.
Ang ating Ebanghelyo ay nagpapakita kung gaano ninanais nila na itugon ni Hesus ang kanilang tugon. Ang kanilang ina [Santa Salome] ay lumapit kay Hesus at hiniling na kapag iniluwalhati na diya bilang Anak ng Diyos, ipaupo sina Santiago at Juan sa kanan at kaliwa niya. Ngunit alam ni Kristo na hindi gaanong madali ang hiniling nila, sapagkat ayon sa kanya ay kailangan nilang uminom sa kalis ng pagdurusa. At sa paggalit ng iba pang Apostol dahil sa kanilang hiling, tinipon sila ng Panginoon at ipinahayag tungkol sa pagkakamit ng kadakilaan.
Nais ipahiwatig sa atin ni Hesus na ang pagkakaroon ng maraming tagumpay ay kinakailangang magdusa hindi dahil tayo’y pinaparusa ng Diyos, kundi upang maging mas matatag pa ang pananampalataya natin sa kanya. At tungkol sa pagiging una at dakila, kinakailangan nating magpakumbaba at maglingkod gaya ng ginawa ni Hesus nang ialay niya ang kanyang buhay para sa kaligtasan ng karamihan.
Kaya nga si Santiago ay ang kauna-unahang Apostol na pinatay noong ika-44 ng Taon ng Panginoon sa utos ni Haring Herodes Agripa I (Cf. Gawa 12:2). Bago pa man mangyari iyan, sinasabi na nagpunta siya sa Espanya upang ipagpatuloy ang pagpapahayag ng Mabuting Balita ni Kristo.
Kaya’t sa ating buhay, nawa’y tayo’y maging mga tunay na Kristiyano sa pagbibigay-saksi sa Panginoon nang buong lakas, kababang-loob, at paglilingkod sa ating kapwa at sa ibang tao.
Dinadakila ka namin Panginoon sapagkat ayon po sa gospel reading kung saan iPinagtitibay po ninyo kami sa Pananampalataya sa kabila ng pandemyang aming Dinaranas ay Patuloy po ninyo kaming Iniingatan at Ginagabayan SALAMAT po PANGINOON SALAMAT PINUPURI’T SINASAMBA at PINASASALAMAT ka namin PANGINOON.
Tunay nga na gagawin ng ina ang lahat para sa ikabubuti ng kanyang mga anak. Ganyan tayong mga ina gusto natin na makita ang ating mga anak na nasa maayos ang kanilang buhay.Tulad ni Salome lakas loob sya lumapit kay Hesus para sa 2 nya anak na maupo sa kaliwa at kanan pag sya ay naluwalhati nasa sa langit.Hindi naman ganun kadali ang gusto nya mangyari at hindi dn naman tinanggihan ni Hesus si Salome para sa kanya 2 anak. kaya lng nananaig p dn sa kalooban ni Hesus kung sino ang itatakda ng kanyang Ama. Ganun na lamang ang pagpapahalaga ni Hesus sa kanyang Ama, kung sakaling umayon si Hesus sa gustong mangyari ni Salome at hindi naman natupad mas lalong masasaktan ang isang ina. kaya minabuti ni Hesus na ipaubaya ang lahat sa kanyang Ama.Sa paglilingkod maraming kaakibat na sakripisyo pero kung ang hahangarin natin na maipalaganap ang salita ng Diyos sa ating kapwa at sa kanya lng tayo naka focus siguro magiging magaang at masaya ang paglilingkod na meron tayo ngayon. At sa ating paglilingkod makita sa atin na si Hesus ang ating pinaglilingkuran hindi yung posisyon na iniingatan natin.Hingin natin ang kalooban ng Diyos kung ano ang makabubuti para sa atin. Patuloy lng tayo magtiwala at manalig sa Diyos na hindi nya tayo pababayaan kung ito ay gawain ng Panginoon.Sabi nga sa Salmong tugunan ang nagtanim ng may luha, ay aaning natutuwa.
2 Corinthians 4:15 comes in a section where Paul is describing his ministry to the Corinthian church. It hasn’t been easy for him, and he’s kind of explaining why he keeps doing it: For it is all for your sake, so that as grace extends to more and more people it may increase thanksgiving, to the glory of God.
For all things are for your sakes, that the abundant grace might through the thanksgiving of many redound to the glory of God.
For Gospel today;
The gospel that we have today is a reminder of what service is all about and that is “to serve and not to be served… whoever wishes to be great among you will be your servant; whoever wishes to be first among you will be the slave of all”.
Jesus is calling the disciples (and all who are in Christ) to follow the same path to greatness: humble, sacrificial service to each other. Matthew 20:20–28 follows Jesus’ clear description of His impending death with a poorly timed request from James and John, through their mother.