Podcast: Download (Duration: 5:37 — 4.1MB)
PANALANGIN NG BAYAN
Patnubay sa Misa
Sumasampalataya tayo sa Banal na Santatlo at alam nating gayon na lang ang pag-ibig ng tatlong Banal na Persona para sa atin. Buong pananalig tayong dumulog sa kanila at manalangin:
Ama, Anak, at Espiritu Santo, dinggin kami!
Para sa buong Simbahan, ang mag-anak ng Banal na Santatlo sa lupa: Nawa tupdin nito ang kautusan ni Kristong ipangaral ang Ebanghelyo sa lahat ng bansa nang walang hadlang at pangamba. Manalangin tayo!
Para sa ating Santo Papa at sa lahat ng mga obispo: Nawa lalo nilang palakasin ang ating pananampalataya at pagmamahal sa Banal na Persona. Manalangin tayo!
Para sa lahat ng binyagan sa iba’ t ibang sektang Kristiyano: Nawa, sa kanilang magkaisang pananampalataya sa Banal na Santatlo, magbunga ang kanilang pagsisikap na pasiglahing muli ang naglahong pagkakaisa. Manalangin tayo!
Para sa lahat ng misyonerong nagpapahayag sa Ebanghelyo ng Pag-ibig at Buhay sa lahat ng tao: Nawa makita sa kanilang asal ang pag-ibig ng tatlong Banal na Persona. Manalangin tayo!
Para sa ating mga Basic Ecclesial Communities: Nawa alalahaning lagi ng mga kaanib nito na sila’y inaasahang magpatunay sa kanilang buhay ng pag-iibigan at pagkakaisa ng Banal na Santatlo. Manalangin tayo!
Tahimik nating ipanalangin ang ating sariling mga kahilingan. (Tumigil sandali.)
Manalangin tayo!
Makapangyarihang Diyos: Ama, Anak, at Espiritu Santo, sa Iyo kami nagmula, nabubuhay, at uuwi. Tanggapin Mo kami sa kabila ng aming di pagiging karapat-dapat at loobin Mong kami’ y makibahagi sa Iyong buhay na walang hanggan. Amen!
Pages: 1 2
« Sabado, Hunyo 11, 2022
Linggo, Hunyo 19, 2022 »
{ 3 comments… read them below or add one }
Pagninilay: Ipinagdiriwang natin ngayon ang Dakilang Kapistahan ng Banal na Santatlo, o mas kilala bilang “Santissima Trinidad” at “Tatlong Persona sa Isang Diyos”. Maraming mga ibang sekta ang palaging nagsasabi sa atin, “O kayong mga Katoliko, wala naman sa Bibliya ang salitang ‘Trinity’ eh. Ni hindi man itinuro ito ni Hesus at ng mga Apostol.” “Kung turo ninyo ‘Tatlong Persona sa Isang Diyos’, eh parang sinasabi ninyo na may tatlong diyos.” Mga kapatid, ang doktrina ng Santissima Trinidad ay tinatawag na “misteryo,” na sa Griyego ay nangunguhulugang “pagtitikom ng bibig”. Ito’y sapagkat hindi maipapakita nang pisikal na paraan ang paliwanag tungkol dito o kaya magsasalita upang ihanap ang mga ebidensiya. Ang doktrinang ito ay tinanggap natin ng buong pananampalataya dahil na rin sa pag-aaral ng ating mga ninuno ng ating Simbahan sa Banal na Kasulatan. Sa katunayan, pinaniniwalaan natin na iisa lamang ang Diyos na ating sinasamba, ngunit ang Diyos na ito ay nagpakita at nakilala sa anyo ng Tatlong Persona: ang Diyos Ama, ang Diyos Anak, at ang Diyos Espiritu Santo. Kaya ang ekwasyon ng Trinity ay “1+1+1=1”, hindi “1+1+1=3”. Pero pa’nong nangyari iyon na tatlong Persona, pero iisa lang ang Diyos? Kaya itinuturo ng ating mga Pagbasa ngayon ang pinakabuod ng doktrinang ito ay “pag-ibig”.
Narinig natin sa Unang Pagbasa ang kagandahan ng Karunungan ng Diyos. Siya ang pinagmulan sa mga sangnilikha. Ito ay nagmula kasama ang Diyos bago pa man ilikha ang sandaigdigan. At ipinahayag nga sa simula ng Ebanghelyo ni San Juan na ang Karunungan ay ang Salita ng Diyos, at ang Salitang ito ay nagkatawang-tao upang makapamuhay sa atin. Kaya ang Salita ng Diyos ay walang iba kundi ang Anak ng Diyos Ama na si Hesukristo. Si Hesus ay isinugo upang bigyang halaga ang buhay na ipinagkaloob ng Ama sa bawat isa. Kahit tayo ay nagkasala ay minamahal pa rin tayo ng iisang Diyos na lumikha, at ito rin ang Diyos na nagligtas sa atin mula sa ating mga kasalanan. Narinig natin sa Ebanghelyo bago umalis si Hesus pabalik sa Amang nasa langit, ipinangako niya na isusugo niya ang Espiritu Santo na magiging Tagapagtanggol at gabay nila upang malaman ang dakilang kalooban ng Diyos. At narinig natin mula kay San Pablo sa Ikalawang Pagbasa na binigyan tayo ng Panginoon ng pagpapala mula tayo’y likhain at tubusin, at patuloy tayong pinapabanal. Ang lahat ng mga bagay na ito ay kaloob ng iisang Diyos na nasa anyo ng Tatlong Persona. Ito ang kwento ng kaligtasan na nakasentro sa pag-ibig.
Mga kapatid, ang buhay-Kristiyano ay nakasentro sa Banal na Santatlo. Iisa lang ang Diyos, ngunit ang Diyos ay nagpakita sa atin sa anyo ng tatlong Persona bilang Tagapaglikha (Ama), Tapagligtas (Anak), at Tagapagbanal (Espiritu Santo). Ito’y hindi dahil sa imbetong aral lang ng ating Simbahan, kundi ang pinakabuod ng doktrinang ito at ang Banal na Kasulatan ay pag-ibig. Ipinapaalala sa atin ni San Pablo sa Ikalawang Pagbasa ang tamang kilos bilang mga Kristyano, at iyan ay ang pagkakaisa, pamumuhay nang mapayapa, at pagbabati nang may buong galang at pagmamahal dahil sabi nga sa bawat Pagbati ng Pari sa simula ng Misa: “Ang pagpapala ng ating Panginoong Hesukristo, ang pag-ibig ng Diyos Ama, at ang pakikipagkaisa ng Espiritu Santo’y nawa’y sumainyong lahat” (bersikulong 13). At tuwing ginagawa natin ang Tanda ng Krus, inaala natin ang pag-ibig at biyayang ipinakita ng Diyos na lumalang, nagligtas, at patuloy na nagpapabanal sa atin. Kaya dapat tayo’y mamuhay nang kalugud-lugod sa kanyang paningin sa pamamagitan ng paggawa ng mabuti sa ating mga kapwa, pagkakaisa para sa katotohanan, katarungan at karunungang kanyang hatid, at pagsusunod sa dakilang kalooban ng Diyos.
I really confused of three persons in one God, who is the Father God, The Son, and the holy Spirit, who is the Holy Spirit, is it the Father God or the Spirit of Jesus
Noong nakaraan linggo ating pinagdiwang ang Pagbaba ng banal na Espirtu Santo sa mga unang alagad at ito rin ang pagsilang ng simbahan. Na nabuo ito dahil sa pagkaunawa natin sa tulong ng banal na Espiritu Santo. At ngayon ang dakilang kapistahan ng Santissima Trinidad. Isang mahalagang doktrina ng simbahan na sinasampalatayanan natin At Ito ang pinaka sentro ang ating pananampalataya . Ito ang ating Puso ng ating panananpalataya. Ang Puso ito ang siyang nag bibigay buhay sa atin simbahan. Kung wala ang Santissima Trinidad sa simbahan hindi ito mabubuhay, magtatagal.at magiging banal. Alam natin na ito’y mahirap ipaliwanag ngunit hindi ito mahirap maramdaman. Ang hangin ay hindi mo nakikita pero nararamdaman mo siya. Nararamdaman mo siya dahil nakikita mo na ang dahon ay sumawasaya kapag ito nahanginan. Ang Santissima Trinidad ay sinimulan natin na maunawan sa pamamagitan nang isang pamamaraan ng kaya ng isip ng tao. Naipakilala ng AMA ang anak sa lumaman tipan na darating ang kayang Anak nasusuguin para tayo’y iligtas. At ang Anak ay ipinakilala naman sa atin ang AMa dahil naparito siya hindi upang sundin ang kalooban niya kung ang kalooban na nagsugo sa kanya ang Ama, at nang turuan tayo manalangin ng Ama namin. At nang muling nabuhay sa HEsus ay sinugo niya ang Espiritu Santo na siya naman nagbigay sa atin na hingit na pag unawa sa Ama, Anak at Espiritu Santo, nag sinabi ni Hesus na binyagan ninyo sila sa ngalan ng AMA, ng Anak at ng Espiritu Santo. Iisang Diyos sa tatlong persona. Nais nang pagdiriwang na ito nang hindi upang maunawaan natin ang pagkilos ng Diyos , intellectual knowlege, pero sa maramdaman natin mahal tayo ng Diyos. Minsan sinasabi natin sa atin mga mahal. Hindi mo mauunawaan bakit ko nagawa ito pero sana gusto ko maramdaman mo na mahal kita….Ang Santssima Trinidad ay larawan ng mapagmahal na Diyos. Ating purihin at sambahin. Amen