Sabado, Pebrero 19, 2022

February 19, 2022

PANALANGIN NG BAYAN
Ikaanim na Linggo sa Karaniwang Panahon
Sabado

Nagbagong-anyo ang ating Tagapagligtas sa harap nina Pedro, Jaime, at Juan sa itaas ng bundok, at nakita nila ang kaluwalhatian ng Diyos. Halina at ating hilingin sa Diyos na pakinggan ang ating panalangin.

Panginoon, dinggin Mo ang aming panalangin.
o kaya
Ama, punuin Mo kami ng Iyong kaluwalhatian.

Ang mga pinuno ng ating Simbahan sa pamamagitan ng kanilang pagpapaliwanag at paggabay, nawa’y akayin tao sa kaluwalhatian ng makalangit na tahanan, manalangin tayo sa Panginoon.

Tayo nawa’y gawing laging mulat sa tuwinang presensya at luwalhati ng Diyos sa pagbabagong-anyo ni Jesus, manalangin tayo sa Panginoon.

Ang lahat ng tao nawa’y asamin ang makapiling ang Diyos, kasama si Maria at lahat ng banal sa Langit, manalangin tayo sa Panginoon.

Ang mga nagdurusa ng pagkakasakit nawa’y ang nagbagong-anyong si Kristo ang maging kanilang tanda ng kalakasan ng kalooban, manalangin tayo sa Panginoon.

Ang ating mga mahal na yumao nawa’y masiyahan sa banal na pagkakita sa banal na kaluwalhatian ng Diyos, manalangin tayo sa Panginoon.

Makalangit na Ama, palalimin mo ang aming mga pananampalataya habang naglalakbay kami sa mahirap na sandali ng aming buhay. Tulungan mo kaming makilala ang iyong presensya sa mga taong nakakasalamuha namin, at makita na ang iyong kamay ang gumagalaw sa bawat sandali. Hinihiling namin ito sa pamamagitan ni Kristong aming Panginoon. Amen.

Pages: 1 2

Mga Pagbasa Kahapon
«
Mga Pagbasa Bukas
»

{ 3 comments… read them below or add one }

Mark Jefferson Criste December 8, 2021 at 6:48 am

Salamat sa Diyos!

Reply

Reynald Perez February 17, 2022 at 3:39 pm

PAGNINILAY: Ang ating Ebanghelyo ay ang maluwalhating salaysay ng Pagbabangong-Anyo ng ating Panginoong Hesukristo sa Bundok na Tabor (Transfiguration event). Ang salitang “transfiguration” ay nagmula sa wikang Latino na salita ‘transfigurare,’ na nangangahulugang “lumampas pa sa orihinal na anyo”. Isinasalaysay nga ng Ebanghelyo kung paanong si Hesus sa tuktok ng Bundok na Tabor ay nagliwanag ng damit na parang busilak ng puti at nagningning ang kanyang mukha na parang sikat na araw. At nagpakita sina Moises at Elias na nangungusap sa kanya, at bilang napalibot ang isang alapaap sa lugar na iyon habang nagpapahayag ang tinig ng Diyos Ama sa kanyang Bugtong na Anak na dapat pakinggan. Ang nakasaksi sa pangyayaring ito ay ang tatlong malapit na Apostol ni Kristo na sina San Pedro, Santiago, at San Juan, na pinagbilinan na huwag munang ipahayag ang pangyayaring iyon sapagkat hindi pa muling mabubuhay muli ang Anak na Tao mula sa kamatayan. Hindi nila maunawaan ang ibig sabihin nito, maski si Pedro na nagplano sana na magtayo ng tatlong tolda sa kinaroroonan nila (mga toldang para kina Hesus, Moises, at Elias).

Sa Pagbabagong-Anyo ni Hesus, ipinahayag dito ang pagiging Anak ng Diyos at Anak ng Tao ni Hesukristo. Bilang Anak ng Tao, naparito siya upang tuparin ang kalooban ng Ama. Kaya ang papel nina Elias at Moises sa pangyayaring ito ay upang ipahayag na si Hesus ang kaganapan sa Kasulatan at ng mga Propeta, na siya ay mas nakahandang tumungo ng Jerusalem upang pagdaananan ang kanyang paparating na Pagpapakasakit at Pagkamatay sa Krus. Subalit dahil napagdaanan niya ito nang may kababang-loob, siya’y nabuhay na muli bilang pagpapatunay na siya ang Anak ng Kataas-taasang Diyos at nang iakyat sa langit makalipas ang 40 araw, ipinamahala sa kanya ang Kaharian ng Langit. Ito’y sapagkat nakahanda na ang langit para sa atin, at ang hamon na Ama ay makinig tayo sa Anak niya at katulad ni Kristo ay dumaan din tayo sa tunay na pagbabago.

Reply

Ferdy Baetiong Pariño February 19, 2022 at 10:47 am

Ang Unang Pagbasa ay patungkol sa kapangyarihan ng dila. Maliit na parte ng katawan ngunit kayang magdulot ng kapayapaan o kaguluhan. Ang dila o salita ang gamit natin sa pagpapsalamat at pagpupuri sa Diyos, ito rin ang gamit natin sa pag aalimura kapag tayo’y nagagalit sa ating kapwa. Ang pinupunto ng pagbasang ito ay ang og iingat natin sa mga lumalabas sa ating bibig. Marami ang nasirang relasyon ng pamilya, kaibigan at magkakamag-anak ng dahil sa masasakit na salita nabitiwan. Mayroon ding mga nakaramdam ng lubos na kalungkutan, pagkapahiya, minaliit, niyabangan, naging sanhi ng gyera, o may mga nagpatiwakal dahil sa narinig. Ilan lamang ang mga iyan sa masamang epekto ng hindi pagpipigil sa dila. Gamitin natin ang ating dila sa pagpupuri sa Diyos, pagppramdam ng pagmamahal sa kapwa at pagkalinga.

Ang ebanghelyo ay ang pagbabagong anyo ni Hesus. Inaanyayahan tayo na simulan din ang pagbabago sa ating mga sarili. Lahat tayo ay maksalanan sapagkat tayo ay tao lamang subalit maaari tayong magbago, kailan? Ngayon na! Paano?
– Aminin at pagsisihan ang mga nagawang sala.
– Ihingi ito ng kapatawaran sa Ama
– Sikapin nang matalikuran ang kasamaan at maiwasan ang tukso.

Kinalulugdan ni Hesus ang makasalanang tao na nagbabalik loob sa kanya.

Reply

Leave a Comment



Previous post:

Next post: