Podcast: Download (Duration: 7:30 — 5.3MB)
PANALANGIN NG BAYAN
Ikalimang Linggo ng Pasko ng Muling Pagkabuhay (B)
Patnubay sa Misa
Sa binyag, tayo’y naging kaisa ni Hesukristo at naging kabahagi ng kanyang banal na katawan. Siya ang puno ng ubas, at tayo ang mga sanga. Ang buhay natin ay nakasalalay sa ating pananatiling kaisa niya. Kung kaya’t tayo’y manalangin:
Bukal ng aming buhay, dinggin mo kami!
Nawa’y ang Simbahan ay laging maging mayabong na punong namumunga ng kabanalan, katarungan, at kapayapaan. Manalangin tayo!
Nawa’y lahat ng binyagan ay manatiling kaisa ng Panginoon sa pamamagitan ng pamumuhay alinsunod sa mga turo at pagpapahalaga ng Ebanghelyo. Manalangin tayo!
Nawa’y lahat ng mga tapat na laiko ay manatiling kaisa ni Hesus sa pamamagitan ng paghahandog ng kanilang pang-araw-araw na gawain at taimtim na panalangin. Manalangin tayo!
Nawa’y lahat ng nagkokomunyon ay lumakas sa kanilang pakikiisa kay Hesus sa pamamagitan ng buhay-paglilingkod sa kapwa. Manalangin tayo!
Nawa’y lahat ng nasa bingit na ng kamatayan ay manatiling nakakapit kay Hesus bilang natatanging bukal ng buhay at kaligtasan. Manalangin tayo!
Panginoong Hesus, bunsod ng aming pananalig sa tulong ng iyong biyaya, muli kaming matibay na nangangakong tatalikdan ang anumang maglalayo sa amin sa iyo at sa aming kapwa. Pana- tiliin mo kaming kaisa mo tulad ng iyong pakikiisa sa Ama at sa Espiritu Santo magpakailanman. Amen!
Pages: 1 2
« Sabado, Abril 27, 2024
Lunes, Abril 29, 2024 »
{ 8 comments… read them below or add one }
PAGNINILAY: Ang Ikalimang Linggo ng Pagkabuhay ni Hesus ay tanda na malapit na sa ating Liturhiya ang pagdiriwang ng Kapistahan ng Pag-akyat ni Hesus sa langit. Kaya sa mga darating na Ebanghelyo mula kay San Juan, matutunghayan natin ang mga diskurso ng ating Panginoong Hesukristo sa gabi ng Huling Hapunan. Ito’y paalala sa panahong ito na patuloy na nabubuhay ang Panginoon sa ating mga piling, at nalalasa natin ang kanyang panibagong buhay at tagumpay.
Kaya ngayon, ipinaalala ni Hesus sa Ebanghelyo na siya ang tunay na puno ng ubas, ang ama ay ang tagapangalaga, at tayo ang mga sanga nito. Sa kasaysayan ng Israel, ang ubasan ay itinanim ng Diyos sa kanyang piniling bayan bilang pagtupad sa tipang kanyang bayan ay inangkin, at siya ang Panginoon nila. Subalit hindi naging matapat ang Israel sa mga utos at pangako niya dahil sa kanilang mga katigasan ng puso. Kaya sa takdang panahon ay isinugo ng Ama ang kanyang Anak na si Hesukristo. At si Kristo ang nagtupad sa planong pangkaligtasan sa pamamagitan ng Misteryong Paskwal, ang kanyang Pagpapakasakit, Pagkamatay, at Muling Pagkabuhay. Bago nangyari ito, nagpatotoo siya na tayo’y magkaroon ng koneksyon sa ating Panginoon. Sa bawat pagkakataon at sitwasyon ay kailangan ating kumapit at manatili sa kanya, ang Salita ng Diyos, upang mamunga tayo ng masaganang ani ng kabutihan.
Kaya sa karasanan ni San Pablo sa Unang Pagbasa, siya’y naengayong mapabilang sa mga tagasunod at mananampalataya ni Kristo, nang siya’y pinakilala ni San Bernabe sa mga Apostol sa Jerusalem. Mula sa pagiging dating tagapag-usig ng Simbahan hanggang sa kanyang pagtutuos sa Muling Nabuhay sa Panginoon sa daang papuntang Damasco, siya’y naging isang Apostol na ipinahayag ang Mabuting Balita hindi lang sa mga Hudyo, kundi pati na rin sa mga Hentil.
At itong pananatili sa Panginoon ay kailangang mamunga sa ating pakikipagrelasyon sa ating kapwa. Ito ang paanayaya ni Apostol San Juan na ang sting pagkakilanlan bilang mga Kristiyano ay dahil sa pag-ibig. Hinihikayat tayo na magmahal hindi lang sa salita at pagsasalaysay ng bibig at kaisipan, kundi mula sa pagpapanig sa katotohanang hatid ni Kristo at paggawa ng kabutihan. Ang ganitong ekspresyon ng pagmamahal ay nagpapatunay na nanatili ang Panginoon sa atin, at ang Espiritu Santo ang gumagabay at patuloy na gagabay sa atin na gawin at sundin ang kanyang kalooban.
Kaya nawa’y maging matatag ang ating pananamapalataya sa pananatili sa Panginoon at pagmamalas ng kanyang pag-ibig sa ating kapwa at sa ibang tao.
Bali wala ang salita kung kulang sa gawa. Masarap pakinggan ngunit maging sila ay di kayang gawin ang sinasabi. Magaling magpayo sa iba ngunit ang buhay niya ay mas masahol pa sa kanyang pinapayuhan. Ang salita ng Diyos ay iba. Ito ay makapangyarihan at buhay. Kailangan nating manampalataya sa Diyos at isabuhay ang Kanyang utos. Maging ito man ang maging kapalit ng ating buhay. Mananatili tayo sa kanya kung ito ang ating gagawin. Ang nagmamahal sa Kanyang salita, nagpapahalaga at nagsasabuhay ay anak ng Diyos.
Tanggalin mo ang isda sa tubig at ito ay mamamatay, bunutin mo ang isang halaman mula sa lupa at ito ay mamamatay, putulin mo ang sanga sa isang puno at ito ay mawawalan ng buhay, ang sanga ay matutuyo, maagnas o masusunog kapag iginatong. Ganun din tayo mga kapatid, kapag ang sarili natin ay ihiniwalay natin sa Diyos mawawalan tayo ng direksyon sa buhay. Kailangan natin magkaroon ng koneksyon o relasyon sa Diyos upang patuloy mabuhay ang ating pisikal at espiritwal at hindi tuluyang masunog sa impyerno. Kaya’t lahat ng iisipin, sasalitain at gagawin ay dapat na naaayon sa kalooban ng Diyos upang tayong mga sanga ay hindi mapahiwalay sa puno, si Hesus.
salamat Panginoon sa lahat lahat…manatili nawa kami sa iyong mga salita na siyang tunay na nagbibigay buhay sa amin.
Ang 5 linggo ng mulling pagkabuhay ay tungkol sa Tunay na puno ng ubas! Isang paalala para sa ating na si Hesus ang Tunay na puno ng ubas at tayo ang mga sanga at inaalagaan tayo ng taga pag ngasiwa ng ubusan ang Ama . Iba mag ngalaga tagapag alaga unang ang nais ay magbunga ng sagana at masarap ! Kaya nais ipahiwatig na ang masarap na bunga at lalabasa sa sanga na nagkaugnay sa puno na inilagaan , at mapaparanglan ang nag alaga at mapaptunayan alagad dahil nag nagbunga ng masarap . Nais lang bigyan at paalalahanan tayo na lagi tayo nak?isa kay Hesus at magpunga para makilala ang Ama.
REFLECTION: Bali wala ang salita kung kulang sa gawa. Masarap pakinggan ngunit maging sila ay di kayang gawin ang sinasabi. Magaling magpayo sa iba ngunit ang buhay niya ay mas masahol pa sa kanyang pinapayuhan. Ang salita ng Diyos ay iba. Ito ay makapangyarihan at buhay. Kailangan nating manampalataya sa Diyos at isabuhay ang Kanyang utos. Maging ito man ang maging kapalit ng ating buhay. Mananatili tayo sa kanya kung ito ang ating gagawin. Ang nagmamahal sa Kanyang salita, nagpapahalaga at nagsasabuhay ay anak ng Diyos.
PAGNINILAY:
Tayo ang mga sanga na tinawag upang mamunga. Hindi tayo mamumunga ng marami maliban kung tayo ay pinuputulan upang mamunga ng mas buong paglaki at magbunga ng masaganang bunga. Kailangan natin ang ilan sa ating lumang sarili na putulin at mabago upang makatanggap tayo ng higit na pagpapakain mula sa Puno ng ubas at makagawa ng pinakamayamang ani na posible. Nakita natin ang koneksyon sa nangyari sa ating mundo dahil sa pandemya sa nakalipas na ilang taon. Ang krisis ay dapat na naging dahilan upang pag-isipan natin kung aling mga aspeto ng ating buhay ang talagang hindi nagdadala ng magandang paglago. Hindi ito nangangahulugan na ang mga nagtamo ng Covid virus ay masama, o hindi mabunga. Ito ay upang sabihin kung anong mga saloobin at kilos sa ating personal na buhay ang kailangang putulin, upang tayo ay magbunga ng higit pa. Lahat tayo ay may mga aktibidad at saloobin na hindi nagtataguyod ng positibong paglago. Kailangang tanggalin ang mga iyon upang lalo tayong maging mabunga sa ating pagsunod sa ating Panginoong Hesus.
Panginoong muling nabuhay, patuloy na alagaan kami upang kami ay magbunga ng mabuti. Amen.
***
ANG MABUTING BALITA NG PANGINOON
ayon kay San Juan 15, 1-8
PAGNINILAY / ARAL ng Ebanghelyo
Hindi ba kayo nagtataka?
Buong buhay ninyo nakakapit kayo sa Diyos
Bakit may mga sandali parang ang layo ng Diyos?
May mga pangyayaring parang pinabayaan tayo ng Diyos?
Parang kahit anong hingi natin para sa ating ikabubuti, hindi Niya ibinibigay?
BAKIT ????
Maaaring paraan ito ng Diyos!
Sabi ni Hesus…
“Pinuputol Niya (ng AMA) ang bawat sangang hindi namumunga;
at kanya namang pinuputulan
at nililinis ang bawat sangang namumunga
upang lalong dumami ang bunga”.
Maaring pamamaraan ito ng Diyos
upang tayo’y mamunga nang sagana.
Kaya’t tayo’y manatili sa Kanya.
Desperado ka ba? Nawawalan ka ba ng pag-asa?
Kapit lang kapatid… kapit!