Tagalog Catholic Resources
Tagalog Catechism • Tagalog Prayers

Mga Pagbasa – Biyernes, Marso 27, 2020

by Jeric on March 27, 2020 · 8 comments

in Tagalog Mass Readings

Biyernes sa Ika-4 na Linggo ng 40 Araw na Paghahanda

Karunungan 2, 1a. 12-22
Salmo 33, 17-18. 19-20. 21 at 23

Sa D’yos hindi mabibigo ang mga nasisiphayo.

Juan 7, 1-2. 10. 25-30

UNANG PAGBASA
Karunungan 2, 1a. 12-22

Pagbasa mula sa aklat ng Karunungan
(c) Awit at Papuri Communications - www.awitatpapuri.com
Sinabi ng masasama:
“Tambangan natin ang taong matuwid,
pagkat hadlang sila sa ating mga balak;
ipinamumukha nila sa atin ang pagsuway sa kautusan,
at sinasabing tayo’y nagkasala laban sa ating kaugalian.
Ipinamamarali nilang nakikilala nila ang Diyos,
at sinasabing sila’y anak ng Panginoon.
Sila ang nagbibigay sa atin ng mga problema.
Makita lang natin sila’y balisa na tayo,
pagkat kaiba ang gawain nila’t pamumuhay.
Ang palagay nila sa atin ay mababang-mababa,
at nandidiri sila sa ating gawain;
sinasabi nilang kaligayahan ang wakas ng matuwid,
at ipinagmamagaling na sila’y anak ng Diyos.
Tingnan natin kung ang salita nila’y magkakatotoo,
kung ano ang mangyayari sa kanila pagkamatay nila.
Kung ang mga matuwid ay anak nga ng Diyos
sila ay tutulungan niya at ililigtas sa mga kaaway.
Subukin natin silang dustain at pahirapan,
upang malaman natin kung hanggang saan ang kanilang kagandahang-asal,
at kung hanggang kailan sila makatatagal.
Subukin nating ibingit sila sa kamatayan,
yamang ang sabi nila ay iingatan sila ng Diyos”
Iyon ang usapan ng masasama, ngunit sila’y nagkakamali,
pagkat binubulag sila ng kanilang kasamaan.
Hindi nila natalos ang lihim na panukala ng Diyos,
hindi sila umasa sa gantimpala ng kabanalan,
hindi naisip ang magandang wakas ng malinis na pamumuhay.
(c) Awit at Papuri Communications - www.awitatpapuri.com
Ang Salita ng Diyos.

SALMONG TUGUNAN
Salmo 33, 17-18. 19-20. 21 at 23

Tugon: Sa D’yos hindi mabibigo ang mga nasisiphayo.
(c) Awit at Papuri Communications - www.awitatpapuri.com
Nililipol ng Diyos yaong masasama
hanggang sa mapawi sa isip ng madla.
Agad dinirinig daing ng matuwid
inililigtas sila sa mga panganib.
(c) Awit at Papuri Communications - www.awitatpapuri.com
Tugon: Sa D’yos hindi mabibigo ang mga nasisiphayo.
(c) Awit at Papuri Communications - www.awitatpapuri.com
Tumutulong siya sa nasisiphayo
ang walang pag-asa’y hindi binibigo.
Ang taong matuwid, masuliranin man,
sa tulong Poon, agad maiibsan.
(c) Awit at Papuri Communications - www.awitatpapuri.com
Tugon: Sa D’yos hindi mabibigo ang mga nasisiphayo.
(c) Awit at Papuri Communications - www.awitatpapuri.com
Kukupkupin siya nang lubus-lubusan,
kahit isang buto’y hindi magagalaw.
Mga lingkod niya’y kanyang ililigtas,
sa napakukupkop, siyang mag-iingat!
(c) Awit at Papuri Communications - www.awitatpapuri.com
Tugon: Sa D’yos hindi mabibigo ang mga nasisiphayo.

AWIT-PAMBUNGAD SA MABUTING BALITA
Mateo 4, 4b

Ang tao ay nabubuhay
hindi lamang sa tinapay
kundi sa Salitang mahal
mula sa bibig na banal
ng Ama nating Maykapal.

MABUTING BALITA
Juan 7, 1-2. 10. 25-30

Ang Mabuting Balita ng Panginoon ayon kay San Juan
(c) Awit at Papuri Communications - www.awitatpapuri.com
Noong panahong iyon, nilibot ni Hesus ang Galilea; iniwasan niya ang Judea, sapagkat ibig siyang patayin ng mga Judio roon. Nalalapit na ang Pista ng mga Tolda, isang pista ng mga Judio. Pagkaalis ng kanyang mga kapatid, si Hesus ma’y pumunta rin sa pista, ngunit hindi hayagan. Sinabi ng ilang taga-Jerusalem, “Hindi ba ito ang taong gusto nilang patayin? Hayan! Lantaran siyang nagsasalita, ngunit wala silang sinasabi laban sa kanya! Baka naman nakilala ng mga pinuno na siya nga ang Mesiyas! Walang makaaalam kung saan magmumula ang Mesiyas pagparito niya, ngunit alam naman natin kung saan nagmula ang taong ito!”
(c) Awit at Papuri Communications - www.awitatpapuri.com
Kaya’t nang nasa templo si Hesus at nagtuturo, malakas niyang sinabi, “Ako ba’y nakikilala ninyo? Alam ba ninyo kung saan ako nagmula? Hindi ang naparito sa ganang akin lamang. Ang Totoo ang siyang nagsugo sa akin, ngunit hindi ninyo siya nakikilala. Nakikilala ko siya, sapagkat ako’y mula sa kanya, at siya ang nagsugo sa akin.” Tinangka nilang dakpin siya; ngunit walang nangahas, sapagkat hindi pa niya oras.
(c) Awit at Papuri Communications - www.awitatpapuri.com
Ang Mabuting Balita ng Panginoon.

PANALANGIN NG BAYAN

Espirituwal na Pakikinabang (Act of Spiritual Communion Tagalog)
Oratio Imperata Laban Sa COVID-19
Panalangin ni Papa Francisco sa Mahal na Birhen laban sa COVID-19

Pages: 1 2

Previous post:

Next post:

{ 8 comments… read them below or add one }

Mark Jefferson Magno February 23, 2020 at 8:20 pm

ngayon ay Biyernes sa ikaapat na linggo sa panahon ng kuwaresma.
salamat sa Diyos at pinupuri ka namin, Panginoong Hesukristo.

Reply

Barbara Silvia L. Manalo March 27, 2020 at 4:43 am

Panginoon at Diyos ko, Pinupuri at pinasasalamatan ka namin. Amen.

Reply

Liberty C.Baligod March 27, 2020 at 6:15 am

Pinupuri ka namin, Panginoong HesuKristo!

Reply

Ervin Catigan March 27, 2020 at 6:17 am

I’m so very thankful dahil merong ganitong website na may daily readings in tagalog. Keep it up po and keep safe everyone.
God bless us!

Reply

Francisco Azupardo March 27, 2020 at 7:57 am

Salamat sa Diyos! Amen!

Reply

Dond March 27, 2020 at 10:55 pm

Pinupuri ka namin panginoong hesukristo nazareno

Reply

PATRICK CU March 28, 2020 at 5:18 am

Salamat sa Diyos magpakailanman! AMEN!

Reply

Celine loveko March 28, 2020 at 5:52 am

PINUPURI KA NAMIN PANGINOON JESUS KRISTO ALLELUIA ALLELUIA!

Reply

Leave a Comment



Previous post:

Next post: