Podcast: Download (Duration: 8:26 — 10.1MB)
PANALANGIN NG BAYAN
Linggo ng Pasko ng Muling Pagkabuhay
Patnubay sa Misa
Pinupuspos tayo ng galak at pag-asa ng mensahe ng Pasko ng Pagkabuhay. Nadarama natin ang tapat na hangaring magpanibagong buhay na may katapatan, kalinisan, pagtatalaga at pag-ibig. Hingin natin sa Panginoon na ang lahat ng ito’y magkaroon ng katuparan habang idinadalangin natin:
Panginoon, dinggin Mo kami!
Upang ang sambayanan ng mga mananampalataya ay magbigay saksi sa muling pagkabuhay ni Kristo sa pamamagitan ng kanilang patuloy na pagbabagong-loob, manalangin tayo!
Upang ang Santo Papa, ating Obispo, at lahat ng ating mga pinunong espirituwal ay magtamo ng kasiyahan at kapayapaang buhat sa muling pagkabuhay ni Kristo, manalangin tayo!
Upang ang mga nasa madilim na libingan ng kasalanan ay makatagpo sa Muling Pagkabuhay ng lakas upang mamuhay nang tapat sa Ebanghelyo, manalangin tayo!
Upang ang mga nasisiraan ng loob sa di-masupil na karahasan, paniniil at paghihirap ay makatagpo sa Muling Pagkabuhay ng kinakailangang lakas ng loob upang magpatuloy sa pagtatatag ng isang matinong lipunan, manalangin tayo!
Upang tayong lahat ay makatanggap ng pagpapala ng Muling Pagkabuhay – isang malalim na pagpapanibago sa ating pagpapahalagang moral, panlipunan, pangkabuhayan at pulitikal na mga institusyon, manalangin tayo!
Ipanalangin natin ang ating mga pansariling kahilingan. (Tumahimik sandali.) Manalangin tayo!
Panginoong Diyos, ang kaningningan nawa ng Muling Pagkabuhay ni Kristo ang tumanglaw lagi sa aming mga buhay. At ang aming mga kaisipan, salita at gawain nawa ang magpatotoo sa bagong buhay na ipinagkaloob Mo sa amin. Isinasamo namin ito sa ngalan ni Hesukristong aming Panginoon. Amen!
Pages: 1 2
« Sabado, Marso 30, 2024
Lunes, Abril 1, 2024 »
{ 5 comments… read them below or add one }
Pagninilay: Sa pelikulang nangangalang “The Croods,” makikita natin ang isang pamilya ng mga nakatira sa kuweba. Humahanap sila ng mga pagkain at inuman para makapagligtas. Habang lumilipas ang panahon, unti-unting nagkakaroon ng mga pagbabago sa mundo dahil sa mga iba’t ibang klima at panahon. Kapag ganito ang mga pangyayari, tumatago ang pamilya sa kanilang kuweba. Ang padre de pamilya na nangangalang Grug ay laging strikto sa pangangalaga sa kanila. Subalit ang kanyang anak na babae na ngangalang Eep ay biglang sumunod sa liwanag, kung saan nakasalubong ito sa isang lalaking nangangalang Guy. Sumusunod si Eep sa lalaki, kasama ang kanyang pamilya para makahanap ang lugar ng paraiso. Naiingit si Grug kay Guy, kaya tinatago niya ang kanyang pamilya sa isang kuweba tuwing may paparating na panganib. Ngunit sa bandang huli, naunawaan ng ama na dapat sundan ang liwanag at huwag tumago sa kadiliman. Natapos ang pelikulang ito nang makarating sila sa isla ng paraiso. Mga kapatid, katulad ba tayo ni Grug na laging tumatago sa kadiliman para makapagligtas, hanggang maunawaan natin ang pagsusunod sa kaliwanagan? Katulad ba tayo ni Eep na sundan ang liwanag para makamtan ang magagandang kinabukasan? Katulad ba tayo ni Guy na gumgabay ang ating mga kapwa patungo sa isang masaganang lupain? Ngayong pagdiriwang ng Dakilang Kapistahan ng Muling Pagkabuhay ng Panginoon, makikita natin kung paanong muling nabuhay ang ating Panginoong Hesus mula sa kamatayan. Ang kanyang Misteryong Paskwal ay parang pagtatalo ayon sa kanyang mga kaaway, ngunit ito ay isang tagumpay. Namatay si Hesus sa krus para iligtas tayo sa kasalanan, at nabuhay siya na mag-uli at tinalo ang kasalanan at kamatayan. Dahil siya’y muling nabuhay, binigyan niya tayo ng bagong buhay, bagong kapanganakan, at bagong pag-asa. Totoong naparito siya para sa lahat, ngunit yung mga naniwala at sumunod sa kanya, katulad ng kanyang mga Apostol, ay nailigtas niya at nakikibahagi sa dakilang pag-ibig ng Ama. Mahigit na 500 tao ang nakakita sa kanya na muling nabuhay. Pagkatapos ng Pagbaba ng Espiritu Santo, biglang ipinahayag ni San Pedro at ng mga Apostol na hindi patay si Kristo, ngunit buhay. Ang Kristong nabuhay ang siyang nagpakumberto kay San Pablo mula sa manguusig ng Simbahan hanggang sa pagiging Apostol ng mga Hentil. Lahat ng mga taong nagtanggap at naniwala kay Hesus bilang Anak ng Diyos ay nagsama-sama sa isang malaking grupong ngayong tinatawag na mga Kristiyano. Sa kanyang Misteryong Paskwal, si Hesus ay nagdaan mula sa Kamatayan hanggang sa kanyang Muling Pagkabuhay. Kaya tayo rin ay tinaguriang “Easter people,” na dumadaan mula sa kasalanan hanggang sa pagpapala ng Diyos. Sa ating paglakbay sa daan ng Pasko ng Muling Pagkabuhay, ipahayag natin ang Mabuting Balita ng nabuhay na Panginoon, at isabuhay ito araw-araw sa paninirahan natin sa kanyang kaliwanagan.
MALIGAYANG PASKO NG PAGKABUHAY PO SA INYONG LAHAT! ?
AMEN, GOD BLESS US ALL??
PAGNINILAY
Patuloy tayong namamangha sa paraan ng paggawa ng Diyos. Walang mangyayari kung hindi pinahihintulutan ng Diyos. Walang swerte. Hindi tayo pinalad na magkaroon ng buhay. Ito ay niloob ng Diyos – ang Diyos ay patuloy na naglalaan para sa atin. Magagawa pa nga ng Diyos na maging mga pagpapala ang pinakamasamang sitwasyon. Ano ang maaaring mas masahol pa kaysa sa pagkamatay ng Anak ng Diyos sa krus? Gayunpaman, mula sa libingan kung saan inilagay ang ipinako na si Hesus, ang bagong buhay ay dumating. Si Hesus ay buhay sa Kanyang niluwalhating katawan. Dinaig Niya hindi lamang ang kasalanan at kamatayan, ginawa Niyang posible para sa atin na magkaroon ng panibagong relasyon sa Diyos na lumikha sa atin. At ang bagong relasyon na ito ay walang hanggan. Nawa’y patuloy nating maranasan kung ano ang kahulugan ng relasyon sa Diyos habang ipinagdiriwang natin ang bagong buhay na nagmumula sa Panginoong Hesus na Muling Nabuhay.
Patuloy tayong magsaya at magdiwang. Si Hesus ay buhay! Naligtas tayo!! Aleluya!!!
Panginoong muling nabuhay, salamat sa pagdala ng Iyong liwanag sa kadiliman ng aming mundo. Amen.
***
REFLECTION: Patuloy tayong namamangha sa paraan ng paggawa ng Diyos. Walang mangyayari kung hindi pinahihintulutan ng Diyos. Walang swerte. Hindi tayo pinalad na magkaroon ng buhay. Ito ay niloob ng Diyos – ang Diyos ay patuloy na naglalaan para sa atin. Magagawa pa nga ng Diyos na maging mga pagpapala ang pinakamasamang sitwasyon. Ano ang maaaring mas masahol pa kaysa sa pagkamatay ng Anak ng Diyos sa krus? Gayunpaman, mula sa libingan kung saan inilagay ang ipinako na si Hesus, ang bagong buhay ay dumating. Si Hesus ay buhay sa Kanyang niluwalhating katawan. Dinaig Niya hindi lamang ang kasalanan at kamatayan, ginawa Niyang posible para sa atin na magkaroon ng panibagong relasyon sa Diyos na lumikha sa atin. At ang bagong relasyon na ito ay walang hanggan. Nawa’y patuloy nating maranasan kung ano ang kahulugan ng relasyon sa Diyos habang ipinagdiriwang natin ang bagong buhay na nagmumula sa Panginoong Hesus na Muling Nabuhay.
Patuloy tayong magsaya at magdiwang. Si Hesus ay buhay! Naligtas tayo!! Aleluya!!!
PRAYER: Panginoong muling nabuhay, salamat sa pagdala ng Iyong liwanag sa kadiliman ng aming mundo. Amen
ANG MABUTING BALITA NG PANGINOON
ayon kay San Juan 20, 1-9
PAGNINILAY / ARAL ng Ebanghelyo
Pagnilayan natin
na kung sa ikatlong araw
hindi muling nabuhay
na mag-uli ang ating Panginoon
ang ating pananampalataya ay walang kabuluhan.
Sa Kanyang muling pagkabuhay
ang ating hapis ay naging tuwa,
ang kadiliman ay nagkaruon ng liwanag
at binigyan ng pag-asa ang nawawalan ng pag-asa.
Ipinagbubunyi natin ang buhay laban sa kamatayan
dahil binigyan tayo ng bagong buhay
sa Kanyang muling pagkabuhay.