Podcast: Download (Duration: 8:43 — 10.4MB)
Paggunita kay Santo Domingo, pari
Mga Bilang 12, 1-13
Salmo 50, 3-4. 5-6. 6bk-7. 12-13.
Poon, iyong kaawaan
kaming sa ‘yo’y nagsisuway.
Mateo 14, 22-36
o kaya Mateo 15, 1-2. 10-14
Subscribe to Awit at Papuri Communications YouTube Channel
Memorial of Saint Dominic, Priest (White)
Mga Pagbasa mula sa
Martes ng Ika-18 Linggo sa Karaniwang Panahon (I)
UNANG PAGBASA
Mga Bilang 12, 1-13
Pagbasa mula sa aklat ng mga Bilang
Noong mga araw na iyon, sina Miriam at Aaron ay nag-usap laban kay Moises tungkol sa asawa niyang taga-Cus. Ang sabi nila, “Si Moises lamang ba ang kinausap ng Panginoon? Hindi ba’t tayo man?” Hindi kaila sa Panginoon ang usapan nilang ito. Si Moises naman ay mapagkumbaba higit kaninumang nabuhay sa ibabaw ng lupa.
Walang anu-ano, sina Moises, Aaron at Miriam ay tinawag ng Panginoon. Sinabi niya, “Magpunta kayong tatlo sa Toldang Tipanan.” At nagpunta nga sila. Ang Panginoon ay bumaba sa anyo ng haliging ulap at lumagay sa pintuan ng Toldang Tipanan. Tinawag niya sina Aaron at Miriam. Paglapit nila, sinabi niya, “Pakinggan ninyo ito: Kung ang sinuma’y nais kong hiranging propeta, napakikita ako sa kanya sa pangitain at kinakausap ko siya sa panaginip. Ngunit kaiba ang ginawa ko kay Moises pagkat siya lamang ang lubos kong mapagtitiwalaan sa aking sambahayan. Kinausap ko siya nang harapan at sinabi ko sa kanya ang lahat sa maliwanag na paraan, hindi sa pamamagitan ng talinghaga. At siya lamang ang nakakita sa aking anyo. Bakit kayo nag-uusap laban sa kanya?” Pagkasabi niyon, galit na umalis ang Panginoon.
Nang mawala na ang ulap sa ibabaw ng Toldang Tipanan, si Miriam ay namumuti sa ketong. Nang makita ito ni Aaron, sinabi niya kay Moises, “Kapatid ko, isinasamo kong huwag mo kaming parusahan dahil sa aming kamangmangan at kasamaan. Huwag mong pabayaang matulad siya sa isang buhay na patay, parang ipinanganak nang wala ang kabiyak ng katawan.” Kaya, si Moises ay dumaing sa Panginoon na pagalingin si Miriam.
Ang Salita ng Diyos.
SALMONG TUGUNAN
Salmo 50, 3-4. 5-6a. 6bk-7. 12-13
Poon, iyong kaawaan
kaming sa ‘yo’y nagsisuway.
Ako’y kaawaan, O mahal kong Diyos,
sang-ayon sa iyong kagandahang-loob
mga kasalanan ko’y iyong pawiin,
ayon din sa iyong pag-ibig sa akin!
Linisin mo sana ang aking karumhan
at ipatawad mo yaring kasalanan!
Poon, iyong kaawaan
kaming sa ‘yo’y nagsisuway.
Ang pagsalansang ko ay kinikilala,
laging nasa isip ko at alaala.
Sa iyo lang ako nagkasalang tunay,
at ang nagawa ko’y di mo nagustuhan.
Poon, iyong kaawaan
kaming sa ‘yo’y nagsisuway.
Kaya matuwid ka na ako’y hatulan,
marapat na ako’y iyong parusahan.
Ako’y masama na buhat nang iluwal,
makasalanan na nang ako’y isilang.
Poon, iyong kaawaan
kaming sa ‘yo’y nagsisuway.
Isang pusong tapat sa aki’y likhain,
bigyan mo, O Diyos, ng bagong damdamin.
Sa iyong harapa’y h’wag akong alisin;
ang Espiritu mo ang papaghariin.
Poon, iyong kaawaan
kaming sa ‘yo’y nagsisuway.
ALELUYA
Juan 1, 49b
Aleluya! Aleluya!
Guro, Anak na butihin
ng D’yos Amang masintahin,
Ika’y Hari ng Israel.
Aleluya! Aleluya!
MABUTING BALITA
Mateo 14, 22-36
Ang Mabuting Balita ng Panginoon ayon kay San Mateo
Matapos mabusog ang mga tao, agad pinasakay ni Hesus sa bangka ang kanyang mga alagad at pinauna sa kabilang ibayo samantalang pinauuwi niya ang mga tao. Pagkaalis ng mga ito, umahon siya sa burol upang manalangin. Nag-iisa siyang inabot doon ng gabi. Samantala, nasa laot na noon ang bangka at sinasalpok ng mga alon sapagkat pasalungat sa hangin. At nang madaling araw na’y sumunod sa kanila si Hesus na naglalakad sa ibabaw ng tubig. Kinilabutan sa takot ang mga alagad nang makita nilang may lumalakad sa ibabaw ng tubig. “Multo!” sigaw nila. Ngunit agad siyang nagsalita at sinabi sa kanila, “Huwag kayong matakot; si Hesus ito!” At nagsalita si Pedro, “Panginoon, kung talagang kayo iyan, papariyanin ninyo ako sa ibabaw ng tubig.” Sumagot siya, “Halika.” Kaya’t lumunsad si Pedro sa bangka at lumakad sa ibabaw ng tubig, palapit kay Hesus. Ngunit nang mapansin niya ang hangin, siya’y natakot at nagsimulang lumubog. “Sagipin ninyo ako, Panginoon!” sigaw niya. Agad siyang inabot ni Hesus. “Napakaliit ng iyong pananalig!” sabi niya kay Pedro. “Bakit ka nag-alinlangan?” Pagkasakay nila sa bangka, tumigil ang hangin. At sinamba siya ng mga nasa bangka. “Tunay na kayo ang Anak ng Diyos!” sabi nila.
Tumawid sila ng lawa, at dumaong sa Genesaret. Nakilala si Hesus ng mga tagaroon. Agad nilang ipinamalita sa buong palibot ng lupaing iyon ang pagdating ni Hesus kaya’t dinala nila sa kanya ang lahat ng maysakit. Hiniling nila sa kanya na ipahipo man lamang sa mga maysakit kahit ang laylayan ng kanyang kasuutan. At lahat ng makahipo nito ay gumagaling.
Ang Mabuting Balita ng Panginoon.
o kaya
Mateo 15, 1-2. 10-14
Ang Mabuting Balita ng Panginoon ayon kay San Mateo
Noong panahong iyon, lumapit kay Hesus ang ilang Pariseo at mga eskribang galing sa Jerusalem. Kanilang tinanong siya, “Bakit nilalabag ng mga alagad mo ang turo na minana natin sa ating mga ninuno? Kumakain sila nang hindi muna naghuhugas ng kamay ayon sa paraang iniutos!”
Pinalapit ni Hesus ang mga tao at kanyang sinabi, “Makinig kayong lahat, at unawain ang aking sasabihin. Hindi ang pumapasok sa bibig ng tao kundi ang lumalabas ang nakapagpaparumi sa kanya sa mata ng Diyos.”
Lumapit ang mga alagad at kanilang sinabi, “Alam ninyo, nagdamdam po ang mga Pariseo sa sinabi ninyo!” Sumagot siya, “Bubunutin ang bawat halamang hindi itinanim ng aking Amang nasa langit. Hayaan ninyo sila. Sila’y mga bulag na taga-akay; at kapag bulag ang umakay sa bulag, kapwa sila mahuhulog sa hukay.”
Ang Mabuting Balita ng Panginoon.
Pages: 1 2
« Lunes, Agosto 7, 2023
Miyerkules, Agosto 9, 2023 »
{ 5 comments… read them below or add one }
PAGNINILAY: Hindi natin makakalimutan no’ng sinalanta tayo ng isang mapinsalang bagyo, at ayon sa sa ating kasaysayan, ito ang pinakamalakas at pinakamapinsalang trahedya na naganap sa ating bansa. Hindi talagang inaasahan ng ating mga kababayan na ganyang kalupit ang paghampas ng mga alon sa kanilang mga bahay, at ganundin, malungkot ang sinapitan nilang mawala ng tirahan, ari-arian, at ang kanilang mahal sa buhay. Kaya makalipas ng halos walong taon matapos ang pananalanta ni Yolanda, patuloy silang bumabangon sa kabila ng trahedyang kanilang dinanas.
Mga kapatid, kapag sinalanta tayo ng mga kalamidad katulad ng bagyo, lindol, sunog, at pagsabog ng bulkan, ang unang reaksyon natin ay takot dahil ayaw nating mamatay, lalung-lalo na ang ating mga mahal sa buhay. Kaya nagpupursigido tayong maging handa at alerto upang hindi madamay. Pero sa kabila nito, naniniwala ba tayo na ang Panginoon ay nasa piling natin? Sa ating Ebanghelyo (Mateo 14:22-36), makikita natin ang isa pang himala ni Hesus pagkatapos ang pagpapakain sa limang libong pagkain. Ang bangka ng mga alagad ay pinahahampas ng mga alon ng dagat at hangin, kaya sila’y natakot na lumubog. Biglang nagpakita sa kanila si Hesus na lumalakad sa ibabaw ng tubig. Kaya itong si Simon Pedro ay pursigidong lumakad patungo sa Panginoon. Ngunit dahil siya’y tumingala sa dagat, bigla siyang lumunod, kaya sinagip siya ni Kristo at tinanong kung bakit siyang nag-alinlangan.
Mga kapatid, makikita natin sa Ebanghelyong itong himala ni Hesus ay nakasentro sa pananampalataya. Ang kanyang pagdeklara na “AKO” ay inaalala ang pagpapahayag ng Diyos kay Moises sa nagliliyab na puno (Cf. Exodo 3:14). Ang kanyang paglalakad sa ibabaw ng tubig ay nagaalala kung paanong hinati ng Diyos sa pamamagitan ni Moises ang Pulang Dagat para makalakad ang mga Israelita sa tuyong lupain (Cf. Exodo 14:15-31). Kaya si Kristo ang bagong Moises sapagkat ang kaligtasang bigay niya ay ang pag-aalay ng kanyang buhay sa Krus.
Sa gitna ng ating mga problema sa buhay, dapat tayo’y sumampalataya sa Panginoon para tulungan tayong iharap ang mga ito nang may pagtitiis at patuloy na gumagawa ng mga mabubuting bagay. Sa ating paglalakbay sa daang ito, nawa’y lumapit tayo sa Panginoon upang tulungan tayong masolusyon ang ating mga personal na suliranin. Nawa siya’y maging kaagapay natin sa kabila ng mga “bagyo ng ating buhay”.
Ang nagpalubog kay Pedro ng sya’y lumakad sa ibabaw ng tubig ay pagkakaroon ng maliit na pananalig. Ang tao ay natatakot, naguguluhan ang isip, nangangamba ay dahil sa kawalan ng pananalig at pag aaalinlangan. Kapag tayo ay magdarasal, tanggalin mo na ang pangangamba, ibigay mo na ng husto ang pananalig kay Hesus at mapayapang maghintay ng kasagutan sa iyong mga kahilingan, Sapagkat kapagbikaw ay nagdasala at nag alinlangan pa katulad tayo ni Pedro na lulubog dahil sa liit ng pananalig. At sana tingnan natin si Hesus na tunay na anak ng Diyos Ama na sya nating tagapagligtas at hindi isang Multo.
Miriam and Aaron began to talk against Moses because of his Cushite wife, for he had married a Cushite. “Has the LORD spoken only through Moses?” they asked. “Hasn’t he also spoken through us?” And the LORD heard this. Here in Numbers 12 we find an evil accusation being brought against Moses by his own brother and sister. According to verse 1, Aaron and Miriam spoke against Moses because he had married a Cushite (Ethiopian) woman.
In Numbers 12, Moses’ brother and sister, Aaron and Miriam, try to launch a revolt against his authority. They appear to have a reasonable complaint. Moses teaches that Israelites are not to marry foreigners (Deut. 7:3), yet he himself has a foreign wife (Num. 12:1). If this complaint had been their true concern, they could have brought it to Moses or to the council of elders he had recently formed (Num. 11:16-17) for resolution. Instead, they agitate to put themselves in Moses’ place as leaders of the nation. In reality, their complaint was merely a pretext to launch a general rebellion with the aim of elevating themselves to positions of ultimate power.
God punishes them severely on Moses’ behalf. He reminds them he has chosen Moses as his representative to Israel, speaking “face to face” with Moses, and entrusts him with “all my house” (Num. 12:7-8). “Why then were you not afraid to speak against my servant Moses?” he demands (Num. 12:8). When he hears no answer, Numbers tells us that “the anger of the Lord was kindled against them” (Num. 12:9). His punishment falls first on Miriam who becomes leprous to the point of death, and Aaron begs Moses to forgive them (Num. 12:10-12). The authority of God’s chosen leader must be respected, for to rebel against such a leader is to rebel against God himself.
For the gospel;
Peter’s walk on the water teaches us that in the middle of storms we can have peace IF we keep our eyes on Jesus. The storms of life give us good reason to be afraid. But Jesus is bigger than even the scariest of storms. Jesus spoke from the place of chaos; Jesus spoke from the waves to reassure his disciples. He said, “Take heart, it is I; do not be afraid.” Now in Greek the phrase, “It is I,” is literally “I AM.” So a better translation of these verses would be, “Do not fear, the I AM is here.”
In the midst of the sea of this life, extend your hand, O lord!
Hi, sino po si ginoong Reynald Perez? Isa po ba siyang Pari? Saan po siya puedeng ma contact? Maraming salamat po.