Linggo, Oktubre 30, 2022

October 30, 2022

Ika-31 na Linggo sa Karaniwang Panahon (K)

Karunungan 11, 22 – 12, 2
Salmo 144, 1-2. 8-9. 10-11. 13kd-14

Diyos ko at aking Hari,
pupurihin kitang lagi.

2 Tesalonica 1, 11 – 2,2
Lucas 19, 1-10


Subscribe to Awit at Papuri Communications YouTube Channel

Thirty-first Sunday in Ordinary Time (Green)
Prison Awareness Sunday

UNANG PAGBASA
Karunungan 11, 22 – 12, 2

Pagbasa mula sa aklat ng Karunungan

Panginoon, sa iyong paningin,
ang buong daigdig ay para lamang isang butil na buhangin
na di halos makatikwas ng timbangan;
para lamang isang patak ng hamog sa umaga sa pisngi ng lupa.
Labis-labis ang kapangyarihan mo para gawin ang anuman,
ngunit mahabagin ka sa bawat kinapal;
pinagpapaumanhinan mo ang aming mga pagkukulang,
at binibigyan mo kami ng panahong makapagsisi.
Mahal mo ang lahat ng bagay,
at wala kang hinahamak sa iyong mga nilalang.
Kung hindi gayon, ay bakit mo pa sila nilikha?
Walang anumang bagay na mananatili kung hindi mo kalooban,
at walang makapagpapatuloy kung hindi mo nilalang.
Ipinahintulot mong manatili ang bawat nilikha sapagkat bawat isa ay sa iyo
ang lahat ng nabubuhay ay mahal mo, Panginoon.
Ang diwa mong walang kamatayan ay nasa kanilang lahat,
kaya unti-unti mong itinutuwid ang mga nagkakasala.
Ipinaaalaala at binababalaan mo sila sa kanilang mga ginawa,
upang iwanan na nila ang kanilang masamang pamumuhay at sa iyo sila manalig, Panginoon.

Ang Salita ng Diyos.

SALMONG TUGUNAN
Salmo 144, 1-2. 8-9. 10-11. 13kd-14

Diyos ko at aking Hari,
pupurihin kitang lagi.

Ang kadakilaan ng Diyos ko at Hari, aking ihahayag,
di ko titigilan magpakailanman ang magpasalamat,
aking pupurihi’t pasasalamatan siya araw-araw,
di ako titigil ng pasasalamat magpakailanman.

Diyos ko at aking Hari,
pupurihin kitang lagi.

Ang Panginoong D’yos ay puspos ng pag-ibig at lipos ng habag,
banayad magalit, ang pag-ibig niya’y hindi kumukupas.
Siya ay mabuti at kahit kanino’y hindi nagtatangi;
sa kanyang nilikha, ang pagtingin niya ay mamamalagi.

Diyos ko at aking Hari,
pupurihin kitang lagi.

Magpupuring lahat sa iyo, O Poon, ang iyong nilalang;
lahat mong nilikha ay pupurihin ka’t pasasalamatan.
Babanggitin nilang tunay na dakila ang ‘yong kaharian,
at ibabalitang tunay kang dakila’t makapangyarihan.

Diyos ko at aking Hari,
pupurihin kitang lagi.

Di ka bibiguin sa mga pangako pagkat ang Diyos ay tapat,
ang kanyang ginawa kahit ano ito ay mabuting lahat.
Siya’y tumutulog sa lahat ng tao na may suliranin;
yaong inaapi’y inaalis niya sa pagkagupiling.

Diyos ko at aking Hari,
pupurihin kitang lagi.

IKALAWANG PAGBASA
2 Tesalonica 1, 11 – 2,2

Pagbasa mula sa ikalawang sulat ni Apostol San Pablo sa mga taga-Tesalonica

Mga kapatid, lagi namin kayong isinasama sa aming mga dalangin sa Diyos na nawa’y maging karapat-dapat kayo sa pagkatawag niya sa inyo. At ipagkaloob nawa niya sa inyo sa pamamagitan ng kanyang kapangyarihan ang lahat ng mabuti ninyong hangarin at lubusin ang inyong mga gawang bunga ng pananampalataya. Kung magkagayon, mabibigyan ninyo ng karangalan ang pangalan ng ating Panginoong Hesus, at kayo naman ay bibigyan din ng karangalan ayon sa kagandahang loob ng Diyos at ng Panginoong Hesukristo.

Tungkol naman sa pagparito ng ating Panginoong Hesukristo at sa pagtitipon niya sa atin, ipinamamanhik namin sa inyo, mga kapatid, na huwag kayong magugulat agad o mababahala sa balitang dumating na ang Araw ng Panginoon. Huwag kayong maniniwala kahit sabihin nilang ito’y hula o pahayag, o kaya’y sulat na galing sa amin.

Ang Salita ng Diyos.

ALELUYA
Juan 3, 16

Aleluya! Aleluya!
Kaylaki ng pagmamahal
ng Diyos sa sanlibutan
kaya’t Anak n’ya’y ‘binigay.
Aleluya! Aleluya!

MABUTING BALITA
Lucas 19, 1-10

Ang Mabuting Balita ng Panginoon ayon kay San Lucas

Noong panahong iyon, pumasok si Hesus sa Jerico, at naglakad sa kabayanan. Doo’y may isang mayamang puno ng mga publikano na nagngangalang Zaqueo. At pinagsikapan niyang makita si Hesus upang makilala kung sino ito. Ngunit siya’y napakapandak, at dahil sa dami ng tao, hindi niya makita si Hesus. Kaya’t patakbo siyang nagpauna at umakyat sa isang puno ng sikomoro upang makita si Hesus na magdaraan doon. Pagdating ni Hesus sa dakong iyon, siya’y tumingala at sinabi sa kanya, “Zaqueo, bumaba ka agad, sapagkat kailangan kong tumuloy ngayon sa bahay mo.” Nagmamadali siyang bumaba, at tuwang-tuwang tinanggap si Hesus. Lahat ng nakakita nito ay nagbulung-bulungan. “Nakikituloy siya sa isang makasalanan,” wika nila. Tumayo si Zaqeuo at sinabi, “Panginoon, ibibigay ko po sa mga dukha ang kalahati ng aking ari-arian. At kung ako’y may nadayang sinuman, apat na ibayo ang isasauli ko sa kanya.” At sinabi sa kanya ni Hesus, “Ang kaligtasa’y dumating ngayon sa sambahayang ito; lipi rin ni Abraham ang taong ito. Sapagkat naparito ang Anak ng Tao upang hanapin at iligtas ang naligaw.”

Ang Mabuting Balita ng Panginoon.

PANALANGIN NG BAYAN

Pages: 1 2

Mga Pagbasa Kahapon
«
Mga Pagbasa Bukas
»

{ 4 comments… read them below or add one }

Reynald Perez October 28, 2019 at 8:30 am

Pagninilay: Ang Panginoon ay dakila sa kanyang pagmamahal sa atin na bagamat tayo ay nagkakalasa at nagkukulang ay patuloy pa rin tayong minamahal. Ang Ebanghelyo ay isang pagtatagpo ni Hesus sa isang publikanong si Zaqueo. Ang mga publikano/maniningil ng buwis noong kapanahunan ni Hesus ay itinuturing na mga makasalanan at traydor: makasalanan sapagkat sila’y nandadaya sa pangongolekta ng buwis, at mga traydor sapagkat sila’y nangongolekta ng buwis mula sa kanilang mga kapwa-Hudyo bilang bahagi ng sistema ng mga Romano. Si Zaqueo na taga-Jerico ay isang publikano na sinasabi rito na siya’y maliliit. Ang pagiging pandak niya ay hindi lang pisikal, kundi maaring pandak rin siya sa mga espirituwal na bagay. Siya’y ikinagagalit ng kanyang mga kababayan dahil sa kanyang pandaraya at pagtratrabaho para sa mga Romano. Pumasok sa loob niya’y nais niyang makita ang Panginoon, ngunit dahil siya’y maliliit ay umakyat siya sa puno ng sikamoro. Hindi niyang akalaing sa paghahanap niya kay Kristo, si Kristo pala ang humahanap sa kanya. Napansin siya ni Hesus at iniutos na bumaba mula sa puno upang makituloy ito sa bahay ni Zaqueo. Ito’y nagkaroon ng mainit na reaksyon mula sa taongbayan na isang itinuturing na banal na tao ay papasok sa tahanan ng isang makasalanan. Kaya buong kababaang-loob nangaki si Zaqueo na kalahati ng kanyang ari-arian ay ibibigay sa mga mahihirap at ang mga dinaya niya ay kanyan isasauli ng apat na beses. Kaya ipinahayag ng Panginoon na dumating ang kaligtasan sa kanyang tahanan, at ito’y nagpapatunay ang misyon ni Hesus na tawagin ang mga makasalanan tungo sa pagpapanumbalik ng kalooban sa Diyos. Kaya ang disposiyon natin bilang mga Kristiyano ay paging magpakumbaba sa pag-aamin na tayo’y mga tao lamang na may pagkakataong magkukulang at magkakamali. Subalit tayo rin ay may kakayahan na ipagmalaki ang ating pananampalataya sa Panginoon. Katulad ni Zaqueo, minsan inaakyat natin ang mga puno ng sikamoro na sumisimbolo sa mga pagkakataong hinahanap natin ang Panginoon. At mahalaga rin na bumaba tayo mula sa mga punong ito sa pagiging magpakumbaba sa paagawa ng kabutihan sa kapwa. At nawa’y mabuksan rin ang aming mga puso sa misyon ng awa ng Diyos na bukas para sa lahat, lalung-lalo na sa mga makasalanan. Huwag po natin hadlangan ang mga masasamang tao na lumapit sa presensiya ng Banal na Awa. Bagkus tulungan natin sila na makapanumbalik muli sa Panginoon.

Reply

Jay Adarme October 13, 2022 at 3:11 pm

Salamat po sa magandang pagninilay

Reply

Glicerio, Damoluan October 24, 2022 at 12:38 pm

Pagninilay sa mabuting bakita oct 30 2022
Mga kapatid batid natin ,ayon sa ating kaalaman si Hesus Kristo nakihalubilo sa atin upang palaguin sa mundo ang katahimikan at pagkakaisa.
Ang ebanhelyo na ayon sa banal na kasulatan ni San Lukas kapitolo 19 bersikulo 1 – 10, ditto pinatunayan ni Hesus Kristo ang nais niyang mangyari na ang may kasalanan ay maari din magbago at pagsisihan ang mga pagkamali.
Matuto tayong magpakumbaba at magpasiya ng ayon sa kagustohan ng Panginoon. Huwag natin husgahan sino man. Nakahanda tayong magpatawad sa mga nagkasala. Hayaan natin na ang hukoman ng langit ang siyang magpasiya at humusga sa mga tao at sa ating sanlibutan.
Halimbawa ditto paglalakad Ni Hesus tungo sa isang bayan. Ng malaman ito ng isang tao na tinuring ng kababayan niya na makasalanan. Minabuti niyang sumalubong kay Hesus gaya ng karamihan ngunit natakpan siya ng mga tao at di niya kayanin masaksihan ang pagdating ni Hesus kaya humanap siya ng paraan at umakyat siya sa puno na daraanan ni Hesus Kristo. Iyon ay napansin ng ating Panginoon kaya inutos niyang bumaba si Sakeyo sa puno at buong puso niyang naunawaan at tinangap ang mga pagsisikap nito at paghingi ng kapatawaran at si Hesus ay nanahan sa puso ni Sakeyo
Dakila ang pagmamahal ng ating Panginoon. Maaring nagkasala tayo at maraming pagkukulang ngunit ang pagmamahal niya ay walang katapusan.
Ito ay bigyan natin ng Halaga at hindi lamang balatkayo at bukang bibig lamang dahil ayaw natin mapuot sa atin ang mahal na Panginoon Hesus Kristo.

Reply

ruel arcega October 30, 2022 at 7:36 am

Ang ebanghelyo ay tagpo sa buhay ni Zaqueo, ang buhay niya na nasa kanya na lahat pero kulang, Kwento ng tunay na buhay na nagbabalik-loob sa Diyos. At Kwento kung paano tayo itutuwid ng Diyos sa ating mga pagkakasala. Maraming naririnig si Zaqueo tungkol kay Hesus at marami rin siya naklita na mga taong masayang nakita si Hesus. Kaya’t ito ang pagkakataon niya na si Hesus ay daraan sa Jerico, and lugar na ito ay isang pina mayaman lugar. Kaya’t sabi nga pinag sikapan na makita si Hesus. Doon palang makikita ang malinis na intensiyon ni Zaqueo sa pagbabago. PAgsisikap , at ito’y ginawa niya na iniwan ang lugar ng kayang trabaho, umakyat sa isang puno nang sikomoro, kahit siya mayaman at kilalang tao hindi niya ginamit ang makamundong kapangyarihan ginamit ang kaloob ng Diyos sa kanya. ang kababaang -loob na siya’y umayat sa puno, Pero hindi alam ni Zaqueo na siya pala ang hinanap ni Hesus, dahil nang si Hesus ay nasa tapat ng puno ng sikomoro si Hesus ay tumingala at tinawag siya Zaqueo bumababa ka diyan at gusto ko tumuloy sa bahay mo. Ang personal na pagtawag sa panglang ni Zaqueo ay isang tanda sa ting na kilala tayo ng Diyos at tatawagin tayo sa ating mga pangalan, Isang napakapersonal na uganyan natin sa Diyos. Kaya’y hindi pwede sabihin na hindi ka kilala ng Diyos, kilala pala ako ng Diyos, dahil una siya ang lumikha sa atin. ngunit sa kasalana napalayo tayo sa Diyos at hindi natin nakilla ang Diyos ni ang ating sarili. Ito ang epekto ng kasalanan. Pero ang Diyos kahit tayo may kasalanan kilalang kila tayo. At sa pag-anyaya na tumuloy si Hesus sa bahay ay isang rin magandang personal na ugnayan sa ting ng Diyos, Dahil ang tahanan o bahay at simbolo ng pagkatao mo or siguridad, mo. Kaya’t doon natin makikita ang tunay na nagbibigay ng tunay na buhay natin at anyayahan mo si Hesus sa buhay mo at sa sguridad ng atin buhay, siyang mabibigay ang ating kabuon nang ating pagkataon. Marami sa ating hindi nakikita o na uunawan ang kahulugan ng buhay dahil sila’y na lilinglang ng makamundo , pero kapag naanyayahan mo si Hesus sa buhay , nakikita mo at nauunawaan mo ang kahulugan ng buhay mo. Siguro meron tayong mga kilalang personalidad sikat na artista or magaling ng fashion designer katulad sila ni Zaqueo, nang wala pa si Hesus sa buhay nila pero nang marinig nila ang tungkol kay Hesus at kanilang inayayahan, nakita nila ang kahulungan ng buhay nila at sila pumasok sa monesterio. Ang buhay natin ay makakaroon nang tunay na kahulugan dahil kapag inyayahan mo si Hesus na matagal ka na niyang tinatawag at nakatingala sa iyo , bumababa ka diya gusto tumuloy sa bahay mo o sa buhay mo. Kaya’t sa huli anu sinabi ni Zaqueo kung meron akong nadaya tao isasauli ko hindi lang sasauli dadagdagan ko pa ito’y hindi lang katarungan , ito’y tunay na kawang gawa o pagmamahal.

Reply

Leave a Comment



Previous post:

Next post: