Podcast: Download (Duration: 5:39 — 3.1MB)
PANALANGIN NG BAYAN
Ika-29 Linggo sa Karaniwang Panahon
Sabado
Ang Diyos ay mapagtiis at mulat sa ating mga paghihirap. Manalangin tayo sa kanya upang tulungan niya tayo sa daan ng pagbabago at pagbabalik-loob.
Panginoon, dinggin mo ang aming panalangin.
o kaya
Maging karapat-dapat nawa kami sa iyong mga biyaya, Panginoon.
Ang mga pinuno ng Simbahan nawa’y humikayat sa atin sa mas maalab na debosyon kay Kristo, manalangin tayo sa Panginoon.
Ang ating mga komunidad nawa’y makamit ang bunga ng sama-samang pananalangin at pagbabalik-loob, at harapin ang luklukan ng paghahatol ng Diyos nang may katapatan ng puso at kababaan ng kalooban, manalangin tayo sa Panginoon.
Ang mga taong may pusong hungkag at nanlalamig nawa’y mapag-alab natin, manalangin tayo sa Panginoon.
Ang mga nagdurusa nawa’y magkaroon ng lakas na tumawag sa Panginoon na malapit sa atin, manalangin tayo sa Panginoon.
Ang mga yumao nawa’y makita ang mukha ni Jesus at manatili sa kanyang presensya magpakailanman, manalangin tayo sa Panginoon.
Mapagmahal na Ama, tanggapin mo ang mga panalangin ng iyong nagbabalik-loob na bayang lumalapit sa iyo nang may kababaang-loob at pananampalataya. Hinihiling namin ito sa pamamagitan ni Kristong aming Panginoon. Amen.
Pages: 1 2
« Biyernes, Oktubre 21, 2022
Linggo, Oktubre 23, 2022 »
{ 4 comments… read them below or add one }
Pagninilay: Ang Diyos ay puno ng awa at habag sa atin sa kabila ng ating mga pagkakasala at pagkukulang sa buhay. Makikita natin sa Ebanghelyo ang mga tao ay lumapit kay Hesus upang ibalita sa kanya ang mga Galileong ipinatay ni Poncio Pilato habang naghahandog sa Diyos. Kaya’t tinanong sila ni Hesus kung ang mga Galileong pinaslang ay makasalanan ba o hindi, o kaya mas higit pa ba ang kasalanan ng mga taong taga-Siloe na nabagsakan ng torre. Ang sagot niya diyan ay hindi palaging ganyan ang interpretasyon. Bagkus inanyayahan niya sa mga tao na sa totoong buhay kung hindi sila magsisisi, mapapahamak sila. Kaya’t ikinuwento ng Panginoon ang Talinghaga ng Puno ng Igos na hindi magbunga. Makikita natin sa talinhagang ito na halos hindi nang makatimpi ang may-ari ng ubasan nang ipautos niya na iputol ang puno ng igos na tila walang pag-asang magpabunga. Ngunit ang naging tugon ng hardinero sa kanyang amo na huwag po munang putulin, at hayaan pa ng iilang araw ang puno kung ito’y magpapabunga ng igos, at kung hindi ay saka na lang maaring putulin ito. Ang parabula ay may koneksyon sa kasaysayan ng kaligtasan ng tao. Ang Diyos Ama ay ang may-ari ng ubasan na ibig sabihin na hawak niya ang mundo sa kanyang mga kamay at umaasang may mabubuting bunga mula sa bawat panig ng mundo. Ang puno ng igos ay tayo mismo sapagkat inaasahan tayo ng Diyos na mamunga nang masagana upang maghari nawa ang kabutihan at katuwiran ng puso sa bawat isa. Ngunit ang bawat punong hindi mamunga o kaya magpabunga ng masasamang binhi ay mga taong nagsuway na sa kanya at pinili ang daan ng kasama. Kaya nga ang tagapag-alaga ng mga punong ito ay walang iba kundi si Hesus. Dahil sa kanyang lakas ng loob na tuparin ang dakilang kalooban ng kanyang Ama, pinatunayan niya sa pamamagitan ng kanyang buhay kasama ang naging hantungan ng pag-aalay nito sa Krus ay nagkaroon tayo ng pagkakataon na patatagin muli ang ating pananampalataya. Ito ang kaligtasang niloob sa atin ng Ama na patuloy niya tayong minamahal kahit sa mga pagkakataong hindi tayo’y naging tapat sa kanya. At mayroon tayong mga pagkakataon upang pagsisihan ang bawat kasalananang ating ginagawa at ang bawat kabutihang hindi natin/kinakalimutang gawin. At kapag tayo ay tunay na nagsisisi sa ating mga kasalanan at nagbabalik-loob sa Panginoon, tayo ay inaanyahan na patuloy na mamuhay na naayon sa kanyang mga pamantayan. Kaya’t sabi nga ni San Pablo sa Unang Pagbasa na ang grasya ng Diyos ay gumagabay sa ating panawagan/misyon sa daigdig na maging kanyang mga saksi. Nawa tayo ay makibahagi sa patuloy na pagpapalaganap ng Mabuting Balita tungkol sa kanyang Paghahari.
Maraming pagkakataon ang ibinibigay sa atin ng Panginoon para maglingkod at magpakabuti. Kung meron mang hindi magandang nangyayari sa ating buhay, hindi ibig sabihin nun na tayo ay pinarurusahan na. Maraming pagsubok ang dumarating ngunit minsan ito ay pamamaraan ng Diyos upang tayo ay manatiling nagtitiwala sa Kanyang kapangyarihan ng may pagmamahal at pag-asa na ang lahat ay ating malalampasan sa awa at tulong Niya.
Panginoon nawa’y mapatawad mo ako sa aking mga pagkakasala, at makagawa ako sa araw araw ng kahit na isang maliit na bagay na ikalulugod Mo. Hinihiling ko po na sana ay gumaling na ako sa aking mga karamdaman, hiling ko rin po ang paggaling ng sakit ng aking asawa, kapatid na si Jaime , mga kamag-anak at mgs kaibigan kong may karamdaman, I asked this in the name of Jesus, For this Lord I praise You and I thank You and I claimed we are healen in Jesus name, Aleluya. Jesus Maria please pray for us. Amen
Lord thank you for everything…hindi po ako mabuting tao madalas na nakkagawa ng kasalan..patawad po sa mga nagagawa kong kasalanan sa isip sa salita at sa gawa..kung may nasasaktan po akong tao na hindi ko po sinasadya patawad po..nawa po’y ma bless nyo puso’t isipan nya at mapatawad ako kung may ngawa po akong pagkakamali..bless us oh lord and keep us safe everytime…thank you oh Lord??
Sa pagbabasa ko rito sa Awit at Papuri, ako ay nabigyan ng abono para sa karagdagang kaalaman sa ating Panginoong Diyos.
O Panginoong Hesu Kristo, patuloy nyo po kaming gamitin bilang isang matibay mong instrumento upang patuloy din kaming mamahagi sa Inyong mga Banal Salita at maging buhay mong Saksi.