Podcast: Download (Duration: 8:05 — 5.7MB)
Miyerkules ng Ika-3 Linggo sa Karaniwang Panahon (I)
Hebreo 10, 11-18
Salmo 109. 1. 2. 3. 4
Ika’y paring walang hanggang katulad ni Melquisedec.
Marcos 4, 1-20
Subscribe to Awit at Papuri Communications YouTube Channel
Wednesday of the Third Week in Ordinary Time (Green)
UNANG PAGBASA
Hebreo 10, 11-18
Pagbasa mula sa sulat sa Mga Hebreo
Bawat saserdote ay nakatayong naglilingkod araw-araw at naghahandog ng iyon at iyon ding mga hain, subalit hindi makapapawi ng kasalanan ang mga haing iyon. Ngunit si Kristo ay minsan lamang naghandog dahil sa mga kasalanan, at ito’y sapat na. Pagkatapos, lumuklok siya sa kanan ng Diyos. At naghihintay siya roon hanggang sa lubusang pasukuin sa kanya ng Diyos ang kanyang mga kaaway. Samakatwid, sa pamamagitan ng isa lamang paghahandog ay kanyang pinagpaging-banal magpakailanman ang mga nililinis niya.
Ang Espiritu Santo’y nagpapatotoo rin sa atin tungkol dito. Una’y sinabi niya,
“Ito ang aking magiging tipan sa kanila
pagdating ng mga araw na iyon, sabi ng Panginoon:
Iuukit ko sa kanilang puso ang aking mga utos,
at itatanim ko ang mga ito sa kanilang mga isip.”
At kanya ring sinabi pagkatapos, “Hindi ko na aalalahanin pa ang kanilang mga kasalanan at mga kasamaan.” Sapagkat ipinatawad na ang mga kasalanan, hindi na kailangan pang maghandog dahil sa kasalanan.
Ang Salita ng Diyos.
SALMONG TUGUNAN
Salmo 109. 1. 2. 3. 4
Ika’y paring walang hanggan katulad ni Melquisedec.
Sinabi ng Poon, sa Hari ko’t Panginoon,
“Maupo ka sa kanan ko,
hanggang ang kaaway mo
ay lubos na mapasuko,
pagkat iyong matatalo.”
Ika’y paring walang hanggan katulad ni Melquisedec.
Magmula sa dakong Sion,
ay palalawakin niya ang lupaing iyong sakop;
“At lahat ng kaaway mo’y
sakupin at pagharian,” gayun ang kanyang utos.
Ika’y paring walang hanggan katulad ni Melquisedec.
Sasamahan ka ng madla,
kung dumating ang panahong lusubin ka ng kaaway;
magmula sa mga bundok,
lalabas at sasamahan ka ng mga kabataan.
Ika’y paring walang hanggan katulad ni Melquisedec.
Panginoo’y may pangako na ito’y tiyak mangyayari,
ganito ang kanyang saysay:
“Katulad ni Melquisedec,
gagawin kang saserdote, na hindi na wawakasan.”
Ika’y paring walang hanggan katulad ni Melquisedec.
ALELUYA
Aleluya! Aleluya!
Salita ng D’yos ang buto
na tanim ni Hesukristo
upang tumubo sa tao.
Aleluya! Aleluya!
MABUTING BALITA
Marcos 4, 1-20
Ang Mabuting Balita ng Panginoon ayon kay San Marcos
Noong panahong iyon, muling nagturo si Hesus sa tabi ng Lawa ng Galilea. Pinagkalipumpunan siya ng napakaraming tao, kaya’t lumulan siya sa isang bangkang nasa tubig at doon naupo. Ang karamihan nama’y nasa dalampasigan, nasa gilid na ng tubig. At sila’y tinuruan niya ng maraming bagay sa pamamagitan ng talinhaga. Ganito ang sabi niya: “Pakinggan ninyo! May isang magsasaka na lumabas maghasik. Sa kanyang paghahasik ay may binhing nalaglag sa daan. Dumating ang mga ibon at tinuka ang mga iyon. May binhi namang nalaglag sa kabatuhan. Agad sumibol ang mga iyon, sapagkat manipis lamang ang lupa doon; ngunit nang tumindi ang sikat ng araw, nalanta at natuyo ang mga binhing tumubo, palibhasa’y walang gaanong ugat. May binhi namang nalaglag sa dawagan; lumago ang mga dawag at ininis ang mga binhing tumubo kaya hindi nakapamunga. At may binhing nalaglag sa matabang lupa, at ito’y tumubo, lumago, at nag-uhay na mainam – may uhay na tigtatatlumpu, tig-aanimnapu, at tigsasandaan ang butil.” Sinabi pa ni Hesus, “Ang may pandinig ay makinig.”
Nang nag-iisa na si Hesus, ang ilang nakarinig sa kanya ay lumapit na kasama ang Labindalawa, at hiniling na ipaliwanag ang talinghaga. Sinabi niya, “Sa inyo’y ipinagkaloob na malaman ang lihim tungkol sa paghahari ng Diyos; ngunit sa iba, ang lahat ng bagay ay itinuturo sa pamamagitan ng talinghaga. Kaya nga’t,
‘Tumingin man sila nang tumingin ay hindi sila makakita.
At makinig man nang makinig ay hindi makaunawa.
Kundi gayon, marahil sila’y magbabalik-loob sa Diyos at patatawarin naman niya.’”
Pagkatapos tinanong sila ni Hesus, “Hindi pa ba ninyo nauunawaan ang talinghagang ito? Paano ninyo mauunawaan ang ibang talinghaga? Ang inihahasik ay ang Salita ng Diyos. Ito ang mga nasa daan, na nahasikan ng Salita: pagkatapos nilang mapakinggan ito, pagdaka’y dumarating si Satanas, at inaalis ang Salitang napahasik sa kanilang puso. Ang iba’y tulad naman ng napahasik sa kanilang puso. Ang iba’y tulad naman ng napahasik sa kabatuhan. Pagkarinig nila ng Salita, ito’y agad nilang tinatanggap na may galak. Ngunit hindi naman ito tumitimo sa kanilang puso, kaya’t hindi sila nananatili. Pagdating ng kahirapan o pag-uusig dahil sa Salita, agad silang nanlalamig. Ang iba’y tulad ng napahasik sa dawagan. Dininig nga nila ang Salita, ngunit sila’y naging abala sa mga bagay ukol sa mundong ito, naging maibigin sa mga kayamanan, at mapaghangad sa iba pang mga bagay, anupa’t ang Salita’y nawalan na ng puwang sa kanilang mga puso kaya’t hindi sila nakapamunga. Ngunit ang iba’y tulad sa binhing napahasik sa matabang lupa: pinakikinggan nila at tinatanggap ang Salita, at sila’y nagsisipamunga – may tigtatatlumpu, may tig-aanimnapu, at may tigsasandaan.”
Ang Mabuting Balita ng Panginoon.
Pages: 1 2
« Martes, Enero 28, 2025
Huwebes, Enero 30, 2025 »
{ 4 comments… read them below or add one }
PAGNINILAY: Ang Unang Pagbasa ngayon ay mula pa rin sa Sulat sa mga Hebreo, na palaging nakatuon sa ating Panginoong Hesukristo bilang Tagapamagitan at walang hanggang saserdote, na dahil sa kanyang sakripisyo ay napatibay ang ating pananampalataya sa Diyos Ama at napabilang tayo bilang kanyang mga anak. Gumawa na ang Diyos ng tipan para sa kanyang bayang Israel, at ang tanda nito ay ang ritwal ng Pampaskuwa, nang sila ay nag-aalay ng mga hayop at kinukuha ang dugo nila para iwisik sa mga nagdiriwang ng pista. Subalit ipinahayag dito ng manunulat si Hesus ay pumasok sa dambana ng Diyos sa pag-upo niya sa trono ng Krus sa Golgota. At ginawa ni Kristo ang dakilang pag-aalay ng kanyang buhay, na siya namang bagong Korderong Pampaskuwa, bilang ganap na pagtubos sa sanlibutan laban sa mga kasalanan.
Kaya nga ginawa na ng Panginoong Hesus ang ganap na sakripisyong nagpapatibay sa inukit na tipan ng Diyos Ama. At ang paggunita sa dakilang misteryong ito ay tanda na tayong lahat ay inaanyayahang mas maging matapat sa kalooban ng Ama, at isabuhay ang diwa ng pagmamahal.
Si Hesus sa Ebanghelyo ay nagtuturo sa atin ng Parabula ng Manghahasik ng Lupa. Siya ang manghahasik na itinatanim ang mga butong nangangahulugan sa Salita ng Diyos. Ikinakalat niya ang mga buto hindi dahil nagsasayang siya ng oras, kundi makikita dito kung paano dapat mamunga ang Salitang ito sa buhay ng bawat tao. Ang apat na lugar ay nangangahulugang ang realidad na may ilang taong ayaw makinig sa Salita ng Diyos, may ilan naman naririnig ngunit tinutukso ng mga pagsubok at pang-uusig, may ilan naman naririnig ngunit ayaw isantabi ang mga makamundong bagay, at may ilan ang tunay na pinaninindigan ang Salita at isinasabuhay nito upang mamunga sa pagpapahayag ng mensahe ng Diyos.
Kaya nga mahalaga yung pagiging matapat sa kalooban ng Panginoon sa pamamagitan ng pakikinig at paninindigan ng kanyang Salita. Nawa’y tunay na maging bukas-loob tayo sa kanyang mga pagpapala upang ipalaganap ito sa iba.
Sa unang pagbasa ito’y patungkol sa ating pagdiriwang ng banal sa eukaristiya ang mataas na pskikipag ugnayan natin sa Diyos
PAGNINILAY:
Ang Talinghaga ng Manghahasik ay sumasalamin sa iba’t ibang uri ng pagtugon ng tao sa Salita ng Diyos. Ang Salita ay laging inihahasik sa atin sa pamamagitan ng Banal na Kasulatan, Eukaristiya, mga homiliya, at iba’t ibang pamamaraan ng ebanghelisasyon. Ngunit nakasalalay sa atin kung paano ito tatanggapin at isasabuhay.
Sa Daan – Ang mga butong nahulog sa daan ay mga taong nakakarinig ng Salita ngunit agad itong nawawala. Maraming tukso at kasalanan ang pumipigil sa kanila upang ito’y tumubo.
Sa Batuhan – Ang mga butong tumubo ngunit mabilis na natuyo ay mga taong masigla sa simula ngunit nawawalan ng pananampalataya kapag dumating ang pagsubok.
Sa Dawagan – Ang mga butong sinakal ng dawag ay mga taong nalululong sa makamundong bagay, kayamanan, at pansariling interes kaya’t hindi nila kayang isabuhay ang Salita.
Sa Mabuting Lupa – Ito ang mga taong may bukas na puso at matibay na pananampalataya. Inalagaan at pinapamunga nila ang Salita sa kanilang buhay sa pamamagitan ng paggawa ng mabuti at pagsasabuhay ng ebanghelyo.
Sa ating buhay-Kristiyano, tayo’y tinatawag upang maging mabuting lupa na tatanggap ng Salita ng Diyos. Tanungin natin ang ating sarili: Anong uri ng lupa ang puso ko ngayon? Bukas ba ako sa Salita ng Diyos? Pinapakinggan ko ba ito nang may kababaang-loob?
Ang Talinghaga ng Manghahasik ay paalala sa atin na hindi sapat ang makinig lamang; mahalaga ang magsabuhay. Tularan natin ang mabuting lupa na nagbubunga ng mabuting gawa. Upang mangyari ito, kailangan natin ng matibay na ugat ng pananampalataya na hindi matitinag ng anumang pagsubok o tukso.
Magtiwala tayo sa biyaya ng Diyos na tumutulong sa atin upang magbunga ang Salita sa ating buhay. Patuloy tayong manalangin at sikaping alisin ang mga bagay na humahadlang sa ating pananampalataya upang maging tunay tayong halimbawa ng masaganang ani para sa Kaharian ng Diyos.
Manalangin tayo. Panginoon, buksan Mo ang aming mga puso upang kami’y maging mabuting lupa na tatanggap sa Iyong Salita. Tulungan Mo kaming alisin ang anumang humahadlang sa aming pananampalataya at buhayin ang Salita sa aming pang-araw-araw na pamumuhay. Amen.
REFLECTION:
The Parable of the Sower reflects the different ways people respond to the Word of God. The Word is constantly sown in us through the Sacred Scriptures, the Eucharist, homilies, and various means of evangelization. However, it depends on us how we will receive and live it.
1. On the Path – The seeds that fell on the path represent people who hear the Word but immediately lose it. Many temptations and sins prevent it from taking root.
2. On Rocky Ground – The seeds that sprouted quickly but withered are like people who are enthusiastic at first but lose faith when trials come.
3. Among Thorns – The seeds choked by thorns symbolize people consumed by worldly concerns, wealth, and selfish desires, preventing them from living out the Word.
4. On Good Soil – These are people with open hearts and strong faith. They bear fruit through good deeds and by living out the Gospel.
In our Christian journey, we are called to be good soil that receives the Word of God. Let us ask ourselves: What kind of soil is my heart today? Am I open to the Word of God? Do I listen to it with humility?
The Parable of the Sower reminds us that it is not enough to merely listen; what matters is living it out. Let us imitate the good soil that bears good fruit. For this to happen, we need a firm foundation of faith that remains steadfast amidst trials and temptations.
Let us trust in God’s grace to help the Word bear fruit in our lives. Let us continue to pray and strive to remove anything that hinders our faith so we may truly become a bountiful harvest for the Kingdom of God.
Let us pray.
Lord, open our hearts that we may become good soil to receive Your Word. Help us to remove anything that hinders our faith and bring the Word to life in our daily lives. Amen.