Podcast: Download (Duration: 6:06 — 4.4MB)
PANALANGIN NG BAYAN
Ikalawang Linggo sa Karaniwang Panahon
Lunes
Manalangin tayo sa Diyos Ama upang mailapit niya tayo sa pinahahalagahan ng Ebanghelyo upang mapanibago ang Simbahan at ang sandaigdigan:
Panginoon, dinggin Mo ang aming panalangin.
o kaya
Panginoon ng banal na piging, panibaguhin Mo kami.
Ang Simbahan, ang Bayan ng Diyos at ang mga pinunong lingkod nito nawa’y sundin ang udyok ng Espiritu Santo na ipahayag sa mga tao sa ngayon ang laging napapanahong mensahe ng Ebanghelyo, manalangin tayo sa Panginoon.
Sa mga pinagkalooban ng tungkuling pangangasiwa, paggawa ng batas, at panghuhukom sa lipunan nawa’y lagi nilang ilagay ang pangkalahatang kabutihan ng tao higit pa sa ipinatutupad ng batas, manalangin tayo sa Panginoon.
Tayong lahat nawa’y maging bukas ang mga puso sa mapagligtas na kapangyarihan ng Diyos kay Kristo sapagkat higit na mahalaga ito sa alinmang sinaunang relihiyosong kaugalian, manalangin tayo sa Panginoon.
Tayong lahat nawa’y maging mga daan ng mapagmahal na pag-aaruga ng Panginoon sa mga may karamdaman sa pamamagitan ng ating pagbibigay ng kalinga at malasakit, manalangin tayo sa Panginoon.
Ang mga pumanaw nawa’y makatagpo ng walang hanggang kapayapaan sa piling ng Panginoong Muling Nabuhay, manalangin tayo sa Panginoon.
Ama naming nasa Langit, pakinggan mo ang aming mga panalangin at turuan mo kaming mamuhay bilang bagong sambayanang pinalaya sa pamamagitan ng pag-ibig ni Jesu-kristong aming Panginoon. Amen.
Pages: 1 2
« Linggo, Enero 19, 2025
Martes, Enero 21, 2025 »
{ 7 comments… read them below or add one }
Tinanong sa Mabuting Balita ni Hesus na maaari bang mang-ayuno ang mag-asawa sa pamamanhikan at habang ang lalaki ay kasama nila. Ang sagot ni Hesus ay hindi po dahil kapag nagpakasal sila ay sasabihin lamang nila.
Pagninilay: Lubos na ipinapagalala ni Hesus sa Ebanghelyo tungkol sa mga bagay na lilipas at mga bagay na mabubuhay kailanman. Tinanong ng mga Pariseo at mga alagad ni San Juan Bautista kung bakit hindi nag-aayuno sina Hesus at ang mga Apostol. Kaya ang naging tugon ng Panginoon ay isang parabula tungkol sa piging ng isang kasalan, na kung saan ang mga panauhin ay hindi nag-aayuno hanggang nakapiling nila ang lalaking ikinasal. At kapag nakaalis na ang lalaking iyon ay saka sila maaring mag-ayuno. Ang talinghagang ito ay patungkol sa presensiya ni Hesus bilang Mesiyas ng Diyos na siyang isinugo upang tipunin ang tao sa iisang Simbahan, ang Sambayanan ng Diyos. Kaya ang Unang Pagbasa ay tungkol kay Hesukristo bilang Pari kailanman na siyang punong saserdote ay naghahandog ng pinakaganap na alay ng kanyang sariling Katawan para sa pagbabayad ng mga kasalanan. Siya ang tagapamagitan sa atin patungo sa Ama dahil sa kanyang awa at pagmamahal para sa sangkatauhan. At ito ang Tipan ng Diyos Ama na katulad ng pagtatahi ng bagong kayo mula sa lumang tela at ng pagsisilid ng bagong alak sa bagong sisidlan. Kaya ipinapaalala sa atin na sa Panginoo’y nagmumula ng mga bagong bagay, mga bagay na kinakailangan natin talaga sa buhay at hindi kailanma’y lilipas. Kaya nawa’y mapanibago ang ating puso’t isipan na maging matapat sa Diyos at sa kanyang dakilang kalooban.
Ang pag-aayuno ay isinasagawa ng tahimik para sa paglilinis ng konsensya at ng pisikal na katawan.
Panginoon nawa’y linisin mo ako sa aking mga nagawang kasalanan. Itinataas ko po sa Inyo na nawa’y ipagkaloob mo ang kagalingan sa aming may mga karamdaman, ang lahat ng ito’y hinihiling ko sa pangalan ni Hesus! Amen
Amen. panginoon patawarin mo kami sa aming mga kasalanan at hipuin mo Po ang aming mga puso at isipan para kami ganap na makapanumbalik sayo???
https://youtube.com/watch?v=rHpcq6GfCDk&si=EnSIkaIECMiOmarE
Bagong alak, bagong sisidlang-balat!
Kung meron kang isang bagay nagpapahirap sayo lalot nat naglalayo sayo sa Diyos na gusto mong baguhin o tanggalin sa iyong buhay, ay kailangan mong mag-ayuno o ang tinatawag na fasting. Ito ay isang mabisang paraan para ma-disiplina ang iyong sarili para mabigyan ng importansya ang mas mahalaga. Halimbawa, mahilig kang kumain ng bawal sa iyong kalusugan. magdesisyon ka! na mag-ayuno ngayon para ituro sa tawag ng iyong laman na hindi lahat ng pagkakataon siya ang nasusunod.
Ang pag-aayuno ay isang kahanga-hangang espirituwal na kasanayan. Ito ay nakakatulong upang palakasin ang kalooban laban sa hindi maayos na mga tukso sa laman at tumutulong na magdala ng kadalisayan sa kaluluwa ng isang tao.
Ang pag-aayuno ay kailangan kapag tayo ay nagkasala at ang ating pakikipagrelasyon kay Kristo ay nagsimulang maglaho. Ito ay pagkatapos na ang personal na sakripisyo ng pag-aayuno ay tumutulong sa pagbukas muli ng ating mga puso sa ating Panginoon.
Si Hesus ang tagapamagitan sa atin patungo sa Ama dahil sa kanyang awa at pagmamahal para sa sangkatauhan. Kaya ipinapaalala sa atin na sa Panginoo’y nagmumula ng mga bagong bagay, mga bagay na kinakailangan natin talaga sa buhay at hindi kailanma’y lilipas. Kaya nawa’y mapanibago ang ating puso’t isipan na maging matapat sa Diyos at sa kanyang dakilang kalooban.
Reflect, today, upon your approach to fasting and other penitential practices. Do you fast? Do you make regular sacrifices so as to strengthen your will and help you to turn more fully to Christ? Or has this healthy spiritual practice been somewhat neglected in your life? Renew your commitment to this holy endeavor today and God will work powerfully in your life.
Panginoon, binubuksan ko ang aking puso sa bagong alak ng biyaya na nais mong ibuhos sa akin. Tulungan mo akong maging wasto sa biyayang ito at gamitin ang lahat ng paraan na kinakailangan upang maging mas bukas sa Iyo. Tulungan mo ako, lalo na, na mangako sa kahanga-hangang espirituwal na pagsasanay ng pag-aayuno. Nawa ito’y magawa kong magbigay lugod lagi sayo para magbunga ng masagana para sa Iyong Kaharian. Hesus, nagtitiwala ako sa Iyo.
PAGNINILAY:
“Ang mga alagad ba ng kasalan ay mag-aayuno habang kasama nila ang kasintahang lalaki? Hindi! Kapag nawala na ang kasintahang lalaki, saka pa lamang sila mag-aayuno.” (Marcos 2:19-20)
Ang talinghaga ng kasalan sa Ebanghelyo ay nagpapakita ng malalim na relasyon ni Hesus sa kanyang mga alagad. Si Kristo ang kasintahang lalaki, at ang kanyang presensya ay isang panahon ng kagalakan at kasiyahan. Ngunit darating ang panahon ng pagsubok, kapag siya ay aalis sa kanila. Ang pag-aayuno ay nagiging tanda ng pananabik at paghahanda sa muling pagbabalik ni Kristo.
Ang pahayag na “Siya ay aalis sa kanila” ay tumutukoy sa panahon ng paghihiwalay ni Hesus sa kanyang mga alagad. May dalawa itong pangunahing kahulugan: Pisikal na Pag-alis ni Hesus: Ito ay tumutukoy sa hinaharap na pagdurusa, pagkamatay, at muling pagkabuhay ni Hesus. Nang siya ay ipako sa krus at ilibing, naranasan ng kanyang mga alagad ang bigat ng pagkawala niya. Ito rin ay nagbigay-daan sa kanilang pag-aayuno, pananalangin, at pagninilay bilang tanda ng kanilang pananabik sa muling pagkabuhay ni Hesus. Ito ay paalala din sa atin na sa anumang pagsubok na ating kinakaharap ay lagi tayong binibigyan ng pag-asa ng Diyos na buhay at kailanman hindi Niya tayo iiwanan na nagiisa sa pinagdadaanan natin.
Nang si Hesus ay umakyat sa langit pagkatapos ng kanyang muling pagkabuhay, iniwan niya ang kanyang mga alagad upang ipagpatuloy nila ang kanyang misyon sa mundo. Gayunpaman, hindi ito nangangahulugan ng ganap na pagkawala, sapagkat ipinadala niya ang Espiritu Santo upang sila’y gabayan at palakasin.
Sa ganitong konteksto, ang pagkawala ni Hesus ay hindi permanente. Sa halip, ito ay nagbubukas ng daan sa mas malalim na kaugnayan sa kanya sa pamamagitan ng Espiritu Santo at ang pag-asa ng muling pakikipagkita sa kanya sa kanyang ikalawang pagdating.
Pinaalalahanan tayo ng Ebanghelyo na tingnan ang ating kaugnayan kay Hesus. Napupuno ba tayo ng kagalakan dahil kasama natin Siya sa ating buhay? Handa ba tayong magsakripisyo upang mapalalim ang ating pananampalataya, lalo na sa panahon ng Hamon ng kahirapan sa ating buhay?
Mga kapatid, ang ating pananampalataya ay tulad ng bagong alak na nangangailangan ng bagong sisidlan. Ang mensahe ni Hesus ay isang paanyaya sa pagbabago ng ating pananaw at puso. Hindi natin maaaring ipilit ang bago sa luma, sapagkat sisira lamang ito sa parehong alak at sisidlan. Ganun din naman sa bagong damit at luma.
Ang bagong alak ay sumasalamin sa bagong buhay na inaalok ni Kristo—isang buhay na puno ng pag-ibig, awa, at pag-asa. Subalit, upang matanggap ito, kailangang buksan natin ang ating mga puso sa pagbabago. Alisin natin ang mga dating gawi ng kasalanan, pagkakanya-kanya, at kawalan ng pananampalataya. Sa madaling salita, hindi pwede pagsamahin ang ating nakagawiang buhay sa bagong iniaalok sa atin ni Hesus. Ang radikal na pagtalikod sa masama ay kinakailangan nating gawin.
Sa panahon ng kasiyahan o pagsubok, dapat mananatili tayong tapat sa Panginoon. Tulad ng bagong alak, ang ating pananampalataya ay dapat patuloy na umunlad at magbago, nang naaayon sa kalooban ng Diyos. Huwag tayong matakot sa pagbabagong hinihiling ng Ebanghelyo, sapagkat ito ang daan tungo sa tunay na kagalakan at kaligtasan.
Binhi ng Kamalayan:
Ano ang mga luma o hindi makadiyos na bagay sa aking buhay na kailangang palitan ng bagong pananampalataya kay Kristo?
Manalangin tayo. Panginoon, tulungan mo kaming buksan ang aming puso sa pagbabago at tanggapin ang bagong buhay na iniaalok Mo. Punuin mo kami ng Iyong Espiritu upang kami’y magpatuloy sa paglago sa pananampalataya. Amen.
Talikdan natin ang luma patungo sa pagtahak ng bagong buhay na kasama si Hesus.
Amen Salamat sa Diyos.
Salamat kapatid…naunawaan ko po ang readings today dahil sa comment mo po.
Thank you Holy Spirit.