Podcast: Download (Duration: 6:12 — 8.1MB)
Ika-6 ng Enero
1 Juan 5, 5-13
Salmo 147, 12-13. 14-15. 19-20
Purihin mo, Jerusalem,
ang Panginoong butihin.
Marcos 1, 7-11
o kaya Lucas 3, 23-28
Subscribe to Awit at Papuri Communications YouTube Channel
Weekday of Christmas Season (White)
UNANG PAGBASA
1 Juan 5, 5-13
Pagbasa mula sa unang sulat ni Apostol San Juan
Minamahal kong mga kapatid, sino ang makapagtatagumpay laban sa sanlibutan? Ang sumasampalatayang si Hesus ang Anak ng Diyos. Si Hesukristo ang naparito sa sanlibutan, bininyagan sa tubig, at nagbubo ng kanyang dugo sa kanyang kamatayan – hindi lamang bininyagan sa tubig, kundi nagbubo pa ng kanyang dugo. Ang Espiritu ang nagpapatotoo tungkol dito, sapagkat ang Espiritu ay katotohanan. Tatlo ang nagpapatotoo: ang Espiritu, ang tubig, at ang dugo; at nagkakaisa ang tatlong ito. Tinatanggap natin ang patotoo ng tao, ngunit lalong matibay ang patotoo ng Diyos, at iyon ang patotoo ng Diyos tungkol sa kanyang Anak. Ang sinumang nananalig sa Anak ng Diyos ay naniniwala sa patotoong ito. Ngunit ang ayaw maniwala sa Diyos ay ginagawang sinungaling ang Diyos, sapagkat hindi siya naniniwala sa patotoo nito tungkol sa kanyang Anak. At ito ang patotoo: ipinagkaloob sa atin ng Diyos ang buhay na walang hanggan at ito’y makakamtan natin sa pamamagitan ng kanyang Anak. Ang pinananahanan ng Anak ng Diyos ay may buhay na walang hanggan, ngunit wala nito ang hindi pinananahan ng Anak ng Diyos. Isinusulat ko ito sa inyo upang malaman ninyo na kayong nananalig sa Anak ng Diyos ay may buhay na walang hanggan.
Ang Salita ng Diyos.
SALMONG TUGUNAN
Salmo 147, 12-13. 14-15. 19-20
Purihin mo, Jerusalem,
ang Panginoong butihin.
o kaya: Aleluya.
Purihin mo, Jerusalem, purihin ang Panginoon,
purihin mo ang iyong Diyos, kayong mga taga-Sion.
Yaong mga pintuan mo ay siya ang nag-iingat,
ang lahat ng iyong lingkod ay siya ang nagbabasbas.
Purihin mo, Jerusalem,
ang Panginoong butihin.
o kaya: Aleluya.
Ginagawang matahimik yaong mga hangganan mo,
bibigyan kang kasiyahan sa kaloob niyang trigo.
Kung siya ay nag-uutos, agad itong natutupad,
dumarating sa daigdig, na hindi na nagluluwat.
Purihin mo, Jerusalem,
ang Panginoong butihin.
o kaya: Aleluya.
Kay Jacob n’ya ibinigay ang balita at pabilin,
ang tuntuni’t mga aral, ibinigay sa Israel.
Ang ganitong karapatan ay wala ang ibang bansa,
pagkat hindi nila batid ang utos na itinakda.
Purihin ang Panginoon!
Purihin mo, Jerusalem,
ang Panginoong butihin.
o kaya: Aleluya.
ALELUYA
Marcos 9, 6
Aleluya! Aleluya!
Nagsalita ang Diyos Ama:
“Ang Anak kong sinisinta
ay narito, dinggin n’yo siya!”
Aleluya! Aleluya!
MABUTING BALITA
Marcos 1, 7-11
Ang Mabuting Balita ng Panginoon ayon kay San Marcos
Noong panahong iyon, sinasabi ni Juan Bautista sa kanyang pangangaral: “Darating na kasunod ko ang isang makapangyarihan kaysa sa akin: ni hindi ako karapat-dapat magkalag ng tali ng kanyang mga panyapak. Binibinyagan ko kayo sa tubig, ngunit bibinyagan niya kayo sa Espiritu Santo.”
Hindi nagluwat, dumating si Hesus mula sa Nazaret, Galilea, at siya’y bininyagan ni Juan sa Ilog-Jordan. Pagkaahung-pagkaahon ni Hesus sa tubig ay nakita niyang nabuksan ang kalangitan, at bumababa sa kanya ang Espiritu na gaya ng isang kalapati. At isang tinig ang nagmula sa langit: “Ikaw ang minamahal kong Anak, lubos kitang kinalulugdan.”
Ang Mabuting Balita ng Panginoon.
o kaya
Lucas 3, 23-28
Ang Mabuting Balita ng Panginoon ayon kay San Lucas
Noong panahong iyon, magtatatlumpung taon na si Hesus nang magsimula siyang mangaral. Ayon sa palagay ng mga tao, siya’y anak ni Jose na anak ni Eli, na anak ni Matat. Si Matat ay anak ni Levi na anak ni Melqui, at si Melqui naman’y anak ni Jana na anak ni Jose. Si Jose’y anak ni Matatias na anak ni Amos. Itong si Amos ay anak ni Nahum na anak ni Esli. Si Elsi’y anak naman ni Nage, anak ni Maat na anak ni Matatias. Si Matatias ay anak ni Semei na anak ni Jose. Si Jose’y anak ni Juda na anak ni Joana. At si Joana ay anak naman ni Resa na anak ni Zorobabel, anak ni Salatiel na anak naman ni Neri. Si Neri’y anak ni Melqui na anak ni Adi. Si Adi ay anak ni Cosam na anak ni Elmodam, na anak ni Er. Si Er nama’y anak ni Josue na anak ni Eliezer, anak ni Jorim na anak ni Matat. Si Matat ay anak ni Levi na anak ni Simeong anak ni Juda. Si Juda’y anak naman ni Jose. Si Jose’y anak ni Jonan na anak ni Eliaquim, na anak ni Melea. Itong si Melea’y anak ni Mainan na anak ni Matata, anak ni Natan na anak ni David. Si David ay anak ni Jesse na anak ni Obed, at si Obed ay anak naman ni Booz. Si Booz ay anak ni Salmon na anak ni Naason, anak ni Aminadab na anak ni Admin. Si Admin ay anak naman ni Arni na anak ni Esrom, na anak naman ni Fares. Si Fares ay anak ni Juda na anak ni Jacob. Si Jacob ay anak ni Isaac na anak naman ni Abraham. Si Abraham ay anak ni Tare na anak ni Nacor. Si Nacor ay anak ni Serug na anak ni Ragau, na anak naman ni Peleg, at si Peleg ay anak ni Heber na anak ni Sala. Si Sala’y anak ni Cainan na anak ni Arfaxad na anak naman ni Sem. Si Sem ay anak ni Noe, anak ni Lamec na anak ni Matusalem na anak naman ni Enoc. Si Enoc ay anak ni Jared na anak ni Mahalaleel na anak ni Cainan. Si Cainan ay anak ni Enos na anak naman ni Set. At si Set ay anak ni Adan na anak ng Diyos.
Pages: 1 2
« Biyernes, Enero 5, 2024
Linggo, Enero 7, 2024 »
{ 6 comments… read them below or add one }
PAGNINILAY: Ang ika-6 ng Enero kapag hindi pa nagaganap pagkaraan ng Epipanya ay may dalawang pagpipiliin na Ebanghelyo: (1) ang Pagbibinyag ni Juan Bautista kay Hesus; at (2) ang Talaan ng mga Ninuno ni Hesukristo hanggang kay Adan. Sa ating pagdiriwang ng Panahon ng Pasko ng Pagsilang, binibigyang-diin ang Misteryo ng Pagkakatawang-tao ng ating Panginoon. Si Hesukristo bagamat ay may likas ng Diyos ay nagkatawang-tao at naging katulad natin bilang tao maliban sa pagkakasala, upang ang ating abang katauhan na puno ng dungis, karupukan, at anupamang bahid ng kasalanan ay kanyang maiako sa kaningningan at kaluwalhatian ng Diyos na kanyang Ama at ating Ama natin, at karapatan nating maging anak nitong Kataas-taasang Diyos. Kaya nga ang Pagbibinyag kay Hesus sa Ilog Jordan ay tanda ng kanyang kababang-loob na bagamat siya ang Anak ng Diyos ay niloob niyang mabinyag upang pabanalin ang Sakramentong ito na naglilinis sa mga kasalanan at nag-aangkin ng karapatang maging bahagi ng pamilya ng Diyos. At sa pagiging bahagi ng isang pamilya, nakita natin sa listahan ng mga ninuno ni Hesus ang mga kilala at hindi kilalang katauhan ng Lumang Tipan, na bagamat iilan sa kanila ay makasalanan katulad ng ating sinaunang amang si Adan, naging bahagi siya ng liping ito upang ipakita niya ang pagpapabanal ng bawat tao sa pamamagitan ng kanyang buhay at turo. Ang kanyang kababaang-loob ay tanda rin na tayo ay magpakababa ng ating kalooban, katulad ni San Juan Bautista na bago dumating ang pinsan nitong Mesiyas ay nagpahayag na hindi siya karapat-dapat na kumalas sa panyapak ng mas higit na dakila sa kanya. At minsan nga tumanggi siya na binyagan ang Panginoon, ngunit sinabi ng kanyang pinsan na payagan bilang pagsunod sa kalooban ng Diyos. Kaya narinig nga natin ang pagpapahayag ng Diyos sa kanyang kinalulugdang Anak.
Ilang araw na lang at matatapos na ang Kapaskuhan sa Kapistahan ng Pagbibinyag ng Panginoon, at magsisimula muli ang Karaniwang Panahon. Matapos ang pag-alala sa Pagkakatawang-tao ng ating Panginoon ay sasamahan natin siya sa kanyang Pampublikong Ministeryo. Makikita natin ang kahalagahan ng kababaang-loob ni Hesus sa kanyang pagdating sa ating mundo at sa kanyang pagsasama at paglalakbay sa buhay ng bawat tao. Paalala din ito sa atin na matulad din tayo sa kanyang abang pamumuhay sa pamamagitan ng pagpapakumbaba at pagiging masunurin, lalong-lalo na sa dakilang kalooban ng Diyos Ama. Sa kabila ng ating mga nakamit na tagumpay at nakayanan sa buhay, huwag natin sanang kalimutan ang pinanggalingan natin noong isinilang tayo ilang taong makalipas, dahil diyan din tayo patutunguhan balang araw kung tayo ay magiging mabuti at magiging saksi ng kanyang kagandahang-loob sa ibang tao.
Ang pagbibinyag ni San Juan Bautista kay Hesus sa Ilog Jordan ang pinakamagandang imahe kung saan inihayag ang tatlong persona ng Diyos. Sa pamamagitan din nitong binyag ay pinatotohanan din ng Diyos kung sino ba talaga si Hesus, ang Kanyang bugtong na anak na lubos Nyang kinalulugdan.
Ang sabi ni San Juan sa Unang Pagbasa, tatlo daw ang nagpapatotoo kay Hesus na Siya nga ang Anak ng Diyos: ang tubig, ang dugo at ang Espiritu Santo. Itong tatlo rin na ito ang magpapatotoo sa atin para tayo ay maituring na anak ng Diyos.
Bilang mga Kristiyano, tayo rin ay bininyagan sa pamamagitan ng tubig. Ang pagbibinyag na ito ay katumbas ng ating pagsisisi at pagtalikod natin sa kasalanan. Ito rin ang sumasagisag sa paglilinis sa atin ng Panginoon.
Ang dugo ng Panginoong Hesus ay inialay Niya para sa ating kaligtasan, para tayo ay magkaroon ng buhay na walang hanggan. Hindi natin kailanman makakayang bayaran ang mga kasalanan na ginawa natin, sapagkat sabi nga ng isang propeta “in sin did my mother conceive me.” Naranasan nyo ba na magsisi sa kasalanan at mangumpisal ng umaga, tapos sa hapon nakapagisip ka ng masama sa iyong kapwa? Ito ang dahilan kung bakit never tayong makakabayad sa utang natin sa Diyos.
Ngunit Hindi ibig sabihin nito ay mananatili ka sa kasalanan. Kagaya ng sakripisyo ni Hesus, in our own small ways, isasakripisyo natin ang makamundong ugali, kaisipan at gawa, upang makiisa sa sakrispisyo ni Hesus. At sa pamamagitan ng Espiritu Santo–ang pangatlong nagpapatotoo–Sya ang magpapatunay na naniniwala tayo kay Hesus at nananahan nga talaga Siya sa atin.
Mga kapatid, bilang mga Katoliko Kristiyano, nabinyagan na tayo, sa tubig at ang ang sakripisyo ni Hesus, ang pagdanak ng dugo at pagkamatay para sa atin ay ginawa na Nya 2000 years ago. It is a must for us to look to ourselves everyday and check if the Spirit is indeed with us. How? If we follow God’s commandments and the teachings of Jesus.
Di kailangan ni Lord na biglaan kang magbago. Ang gusto Niya sa atin ay consistency and progressive change.. sa bawat araw, gawin natin ang lahat para makagawa ng mabuti. Sa bawat araw, gawin natin ang lahat para gumanda ang ating ugali. Sa bawat araw, piliin nating sundin ang turo ni Hesus kaysa sa turo ng mundo. Humingi tayo ng tulong sa Espiritu Santo upang paunti-unti tayong maging kawangis ni Kristo.
Amen.
PAGNINILAY
Napakahalagang regalong ibinigay sa atin ng Diyos si Hesus! Kung titingnan natin ang bautismo ni Hesus na may parehong pagkahanga at pagkamangha sa paglapit natin sa nativity, maaari tayong mamangha at magpakumbaba sa dakilang pag-ibig ng Diyos sa atin. Napakaswerte natin! Ang pag-ibig na ito ay ume eko sa matagal na panahon. Sa pamamagitan ng sarili nating bautismo ay maaari tayong magalak sa maraming kaloob na ibinibigay ng Diyos sa atin at malalaman natin ang pinakamataas na pag-ibig na nakapaligid sa atin. Ang tawag na mamuhay sa pag-ibig ng Diyos sa pamamagitan ng bautismo ay higit pa sa udyok sa atin na tanggapin ang iba gaya ng pagtanggap sa kanila ni Kristo. Responsibilidad nating ibahagi ang pagmamahal na natanggap natin. Ibinabalik tayo ng bautismo sa tamang kaugnayan sa Diyos at sa hangganan ng mas malalaking bagay na darating. Sa pag-alala natin sa Pagbibinyag kay Hesus, buong pasasalamat nating ipagdiwang ang dakilang regalo ng pag-ibig ng Diyos sa atin sa pamamagitan ng pag-abot sa iba at pagtulong sa kanila na makilala si Emmanuel – Ang Diyos ay para sa atin, ang Diyos ay kasama natin, ang Diyos ay nasa atin. Napakapalad natin!
Panginoong Hesus, tulungan Mo kaming isabuhay ang aming mga pangako sa binyag. Amen.
***
Ang pagbibinyag ni San Juan Bautista kay Hesus sa Ilog Jordan ang pinakamagandang imahe kung saan inihayag ang tatlong persona ng Diyos. Sa pamamagitan din nitong binyag ay pinatotohanan din ng Diyos kung sino ba talaga si Hesus, ang Kanyang bugtong na anak na lubos Nyang kinalulugdan.
Ang sabi ni San Juan sa Unang Pagbasa, tatlo daw ang nagpapatotoo kay Hesus na Siya nga ang Anak ng Diyos: ang tubig, ang dugo at ang Espiritu Santo. Itong tatlo rin na ito ang magpapatotoo sa atin para tayo ay maituring na anak ng Diyos.
Bilang mga Kristiyano, tayo rin ay bininyagan sa pamamagitan ng tubig. Ang pagbibinyag na ito ay katumbas ng ating pagsisisi at pagtalikod natin sa kasalanan. Ito rin ang sumasagisag sa paglilinis sa atin ng Panginoon.
Ang dugo ng Panginoong Hesus ay inialay Niya para sa ating kaligtasan, para tayo ay magkaroon ng buhay na walang hanggan. Hindi natin kailanman makakayang bayaran ang mga kasalanan na ginawa natin, sapagkat sabi nga ng isang propeta “in sin did my mother conceive me.” Naranasan nyo ba na magsisi sa kasalanan at mangumpisal ng umaga, tapos sa hapon nakapagisip ka ng masama sa iyong kapwa? Ito ang dahilan kung bakit never tayong makakabayad sa utang natin sa Diyos.
Ngunit Hindi ibig sabihin nito ay mananatili ka sa kasalanan. Kagaya ng sakripisyo ni Hesus, in our own small ways, isasakripisyo natin ang makamundong ugali, kaisipan at gawa, upang makiisa sa sakrispisyo ni Hesus. At sa pamamagitan ng Espiritu Santo–ang pangatlong nagpapatotoo–Sya ang magpapatunay na naniniwala tayo kay Hesus at nananahan nga talaga Siya sa atin.
Mga kapatid, bilang mga Katoliko Kristiyano, nabinyagan na tayo, sa tubig at ang ang sakripisyo ni Hesus, ang pagdanak ng dugo at pagkamatay para sa atin ay ginawa na Nya 2000 years ago. It is a must for us to look to ourselves everyday and check if the Spirit is indeed with us. How? If we follow God’s commandments and the teachings of Jesus.
Di kailangan ni Lord na biglaan kang magbago. Ang gusto Niya sa atin ay consistency and progressive change.. sa bawat araw, gawin natin ang lahat para makagawa ng mabuti. Sa bawat araw, gawin natin ang lahat para gumanda ang ating ugali. Sa bawat araw, piliin nating sundin ang turo ni Hesus kaysa sa turo ng mundo. Humingi tayo ng tulong sa Espiritu Santo upang paunti-unti tayong maging kawangis ni Kristo.
Amen.
Ang pagbibinyag ni San Juan Bautista kay Hesus sa Ilog Jordan ang pinakamagandang imahe kung saan inihayag ang tatlong persona ng Diyos. Sa pamamagitan din nitong binyag ay pinatotohanan din ng Diyos kung sino ba talaga si Hesus, ang Kanyang bugtong na anak na lubos Nyang kinalulugdan.
Ang sabi ni San Juan sa Unang Pagbasa, tatlo daw ang nagpapatotoo kay Hesus na Siya nga ang Anak ng Diyos: ang tubig, ang dugo at ang Espiritu Santo. Itong tatlo rin na ito ang magpapatotoo sa atin para tayo ay maituring na anak ng Diyos.
Bilang mga Kristiyano, tayo rin ay bininyagan sa pamamagitan ng tubig. Ang pagbibinyag na ito ay katumbas ng ating pagsisisi at pagtalikod natin sa kasalanan. Ito rin ang sumasagisag sa paglilinis sa atin ng Panginoon.
Ang dugo ng Panginoong Hesus ay inialay Niya para sa ating kaligtasan, para tayo ay magkaroon ng buhay na walang hanggan. Hindi natin kailanman makakayang bayaran ang mga kasalanan na ginawa natin, sapagkat sabi nga ng isang propeta “in sin did my mother conceive me.” Naranasan nyo ba na magsisi sa kasalanan at mangumpisal ng umaga, tapos sa hapon nakapagisip ka ng masama sa iyong kapwa? Ito ang dahilan kung bakit never tayong makakabayad sa utang natin sa Diyos.
Ngunit Hindi ibig sabihin nito ay mananatili ka sa kasalanan. Kagaya ng sakripisyo ni Hesus, in our own small ways, isasakripisyo natin ang makamundong ugali, kaisipan at gawa, upang makiisa sa sakrispisyo ni Hesus. At sa pamamagitan ng Espiritu Santo–ang pangatlong nagpapatotoo–Sya ang magpapatunay na naniniwala tayo kay Hesus at nananahan nga talaga Siya sa atin.
Mga kapatid, bilang mga Katoliko Kristiyano, nabinyagan na tayo, sa tubig at ang ang sakripisyo ni Hesus, ang pagdanak ng dugo at pagkamatay para sa atin ay ginawa na Nya 2000 years ago. It is a must for us to look to ourselves everyday and check if the Spirit is indeed with us. How? If we follow God’s commandments and the teachings of Jesus.
Di kailangan ni Lord na biglaan kang magbago. Ang gusto Niya sa atin ay consistency and progressive change.. sa bawat araw, gawin natin ang lahat para makagawa ng mabuti. Sa bawat araw, gawin natin ang lahat para gumanda ang ating ugali. Sa bawat araw, piliin nating sundin ang turo ni Hesus kaysa sa turo ng mundo. Humingi tayo ng tulong sa Espiritu Santo upang paunti-unti tayong maging kawangis ni Kristo.
Amen.
Salamat Sa Diyos, Amen