Podcast: Download (Duration: 5:26 — 3.9MB)
Kapistahan ni Apostol San Bartolome
Pahayag 21, 9b-14
Salmo 144, 10-11. 12-13ab. 17-18
Talastas ng mga tao
dakilang paghahari mo.
Juan 1, 45-51
Subscribe to Awit at Papuri Communications YouTube Channel
Feast of St. Bartholomew, Apostle (Red)
UNANG PAGBASA
Pahayag 21, 9b-14
Pagbasa mula sa aklat ng Pahayag
Wika ng anghel sa akin, “Halika, at ipakikita ko sa iyo ang Babaing makakaisang-dibdib ng Kordero.” Nilukuban ako ng Espiritu, at inihatid ako ng anghel sa ibabaw ng isang napakataas na bundok. Ipinakita niya sa akin ang Jerusalem, ang Banal ng Lungsod, na bumababa mula sa langit buhat sa Diyos. Nagliliwanag ito dahil sa kaningningan ng Diyos; kumikislap na gaya ng hiyas na haspeng sinlinaw ng kristal. Ang pader nito’y makapal at mataas at may labindalawang pinto, bawat isa’y may bantay na anghel. Nakasulat sa mga pinto ang pangalan ng labindalawang lipi ng Israel. Tatlo ang pinto ng bawat panig: tatlo sa silangan, tatlo sa timog, tatlo sa hilaga, at tatlo sa kanluran. Ang pader ng lungsod ay may labindalawang saligang-bato at nakasulat dito ang pangalan ng labindalawang apostol ng Kordero.
Ang Salita ng Diyos.
SALMONG TUGUNAN
Salmo 144, 10-11. 12-13ab. 17-18
Talastas ng mga tao
dakilang paghahari mo.
Magpupuring lahat sa iyo, O Panginoon, ang iyong nilalang;
lahat mong nilikha ay pupurihin ka’t pasasalamatan.
Babanggitin nilang tunay na dakila ang ‘yong kaharian,
at ibababalitang tunay kang dakila’t makapangyarihan.
Talastas ng mga tao
dakilang paghahari mo.
Dakila mong gawa’y upang matalastas ng lahat ng tao,
mababatid nila ang kadikalaan ng paghahari mo.
Ang paghahari mo’y sadyang walang hanggan, hindi magbabago.
Talastas ng mga tao
dakilang paghahari mo.
Matuwid ang Diyos sa lahat ng bagay niyang ginagawa;
kahit anong gawin ay kalakip doon ang habag at awa.
Siya’y nakikinig at handang tumulong sa lahat ng tao
sa sinumang taong pagtawag sa kanya’y tapat at totoo.
Talastas ng mga tao
dakilang paghahari mo.
ALELUYA
Juan 1, 49b
Aleluya! Aleluya!
Guro, Anak na Butihin
ng Diyos Amang masintahin,
ika’y hari ng Israel.
Aleluya! Aleluya!
MABUTING BALITA
Juan 1, 45-51
Ang Mabuting Balita ng Panginoon ayon kay San Juan
Noong panahong iyon, hinanap ni Felipe si Natanael, at sinabi rito, “Natagpuan namin si Hesus na taga-Nazaret, ang anak ni Jose. Siya ang tinutukoy ni Moises sa kanyang sinulat sa Kautusan, at gayun din ng mga propeta.” “May magmumula bang mabuti sa Nazaret?” Tanong ni Natanael. Sumagot si Felipe, “Halika’t tingnan mo.”
Nang malapit na si Natanael ay sinabi ni Hesus, “Masdan ninyo ang isang tunay na Israelita; siya’y hindi magdaraya!” Tinanong siya ni Natanael, “Paano ninyo ako nakilala?” Sumagot si Hesus, “Bago ka pa tawagin ni Felipe, nakita na kita nang ikaw ay nasa ilalim ng puno ng igos.” “Rabi, kayo po ang Anak ng Diyos! Kayo ang Hari ng Israel!” wika ni Natanael. Sinabi ni Hesus, “nanampalataya ka ba dahil sa sinabi ko sa iyong nakita kita sa ilalim ng puno ng igos? Makakikita ka ng mga bagay na higit kaysa rito!” At sinabi niya sa lahat, “Tandaan ninyo: makikita ninyong bukas ang langit, at ang mga anghel ng Diyos ay manhik-manaog sa kinaroroonan ng Anak ng Tao!”
Ang Mabuting Balita ng Panginoon.
Pages: 1 2
« Linggo, Agosto 23, 2026
Martes, Agosto 25, 2026 »
{ 4 comments… read them below or add one }
PAGNINILAY: Ipinagdiriwang natin ang Kapistahan ni Apostol San Bartolome. Sa ating Ebanghelyo (Juan 1:45-51), kilala siya bilang Natanael. Napakaganda ang paraan ng kanyang pagtawag sa pagiging Apostol. Una ay ang pagkwento sa kanya ni Felipe tungkol sa Panginoon na nagmula sa Nazaret. Kaya tinanog niya, “May mabubuting bagay ba na nagmula sa Nazaret” (Juan 1:46)? At inaanyayahan siyang sumunod. Ikalawa ay ang pagtawag sa kanya ni Hesus mula sa puno ng igos. Dahil dito, buong pananampalatayang sinabi niya: “Rabi, kayo po ang Anak ng Diyos! Kayo ang Hari ng Israel” (Juan 1:49)! Ang pagtawag kay San Bartolome bilang Apostol ay isang panawagan ng pananampalataya sa Panginoon. Dahil dito, ipinangako sa kanya ni Hesus na makakamit niya ang buhay na walang hanggan kasama siya. Siya ay nangaral sa Armenia at India. Doon sa India siya’y tinanggal ng balat at pinugutan ng ulo. At si Kristo ay nasa piling nila sa kanilang pagpaparangal ng Mabuting Balita sa Simbahan. Sa ating paglalakbay sa daang ito, nawa’y makilala natin ang Panginoon nang may buong pananampalataya katulad ng pagtawag ni San Bartolome. Nawa’y ipahayag din natin ang kanyang mensahe sa isip, salita, at gawa.
PAGNINILAY:
May paunang husga ba tayo sa mga tao, karanasan, lugar? Tulad ni Nathanael, marami sa atin ang mapanghusga at mapagbalewala sa ibang tao. Isang araw naglakad ako papunta sa isang supermarket malapit sa subdivision namin at may nakita akong batang lalaki sa entrance doon. Napaisip tuloy ako, ‘Naku, mukha siyang batang ‘grasa’, medyo nakakatakot, sana hindi niya ako lapitan’. Pagkatapos ay nalaman kong nakalimutan ko ang aking pitaka. Tatakbo na sana ako pauwi para kunin. Inabot ng bata ang aking pitaka, nadulas ito sa aking bag. Ito ay isang aral para sa akin, simple at malinaw. Si Natanael mismo ay isang ordinaryong tao at sa kabila ng kanyang pagiging mapanghusga, pinuri siya ni Hesus.
Hindi ginagamit ng Diyos ang mga pamantayan ng tao.
Ang tawag ni Natanael ay isang panawagan para sa ating lahat na “lumapit at makita” si Jesus at maging Kanyang tagasunod.
Nawa’y maging katulad tayo ni Natanael na tumanggap ng paanyaya at kinilala si Hesus bilang Anak ng Diyos; ang Hari. Nawa’y marinig at sundin natin ang Kanyang tinig at maging handa tayong kumilos bilang Kanyang mga instrumento at handang ipahayag Siya sa lahat.
Panginoong Hesus, tulungan mo kaming malampasan ang anumang pagdududa na maaaring mayroon kami. Amen.
***
MAGNILAY: Naniniwala ang mga bihasa sa Bibliya na si Bartolome ay si Natanael din. Sa listahan ng mga apostol lagi siyang kasunod ni Felipe. Ang Bartolome ay pangalang nagpapakilala ng kanyang ama: Bar = anak; Tolome = pangalan ng kanyang ama. Kaya malamang may iba siyang tunay na pangalan.
Pinuri ni Hesus si Natanael bilang taong di magdaraya. Wala siyang duplisidad. Ibig sabihin ay hindi siya doble-kara. Hindi siya nagkukunwari o nagpapanggap upang manlinlang. Kung ano ang nakikita mo sa kanya yun siya. Katapatan ang kanyang pinanghahawakang katangian. Kung mabuti sa kanya sasabihin niya. Kung hindi naman, sasabihin din niya. Kaya nga nang ibalita ni Felipe sa kanya tungkol kay Hesus na taga-Nazaret tapat niyang sinabi ang kanyang opinyon: May nagmumula bang mabuti sa Nazaret? Nang kinalaunan ay magtagpo na sila ni Hesus pinahayag niya nang buong katapatan ang kanyang naramdaman: Kayo ang Anak ng Diyos!
Maraming mapagkunwari sa panahon ngayon. Kahit mga tagapagturo at mangangaral ay nagpapanggap na galing sa puso nila ang kanilang tinuturo o pinapangaral. Kung meron tayong tutularan kay San Bartolome ito ay ang kanyang katapatan at pagiging totoo. Huwag tayong magkaroon ng duplisidad o dalawang magkaibang mukha. Huwag tayong manlinlang, manloko o magsinungaling. Kung magsasalita tayo yung totoo lang. Kung gagawa tayo yung nanggagaling talaga sa puso natin. Huwag tayong magpabango o magpaganda o magpapogi sa harap ng lahat. Ang daming ganyan ngayon na puro lamang paporma para gumanda ang reputasyon sa tao. Ang kailangan natin ay mga taong totoo at tapat walang labis, walang kulang.
MANALANGIN: Panginoon, tulungan mo kaming iwaksi ang lahat ng uri ng pagkukunwari at kasinungalingan meron kami sa aming puso.
GAWIN: Maging totoo sa iyong sarili, sa iyong kapwa at sa iyong Diyos.
To whom should we go, Master?
We have to make our own decisions ultimately.
We are the result of our decisions that have led us to this point.
Be accountable for our choices.
Making no decision is a choice in and of itself.
Instead of allowing someone else to make your decision for you, you should make your own.
We can make a choice.
We don’t advance and suffer because we don’t make decisions.
Where exactly do you wish to go?
Our decisions will lead us where we wish to go.
Make a stupid decision, and if you don’t, we’ll be held solely accountable.
In terms of our faith, there is no middle ground; you are either in Christ or not.
We can’t master our soul unless we can control our palate.
Discipline is a central habit so we will have a life of excellence and distinction.
1st R, The decision that we will serve the Lord.
2nd R, living a life with humility.
Amen.