Podcast: Download (Duration: 6:51 — 8.7MB)
Huwebes ng Ikatlong Linggo sa Karaniwang Panahon (II)
2 Samuel 7, 18-19. 24-29
Salmo 131, 1-2. 3-5. 11. 12. 13-14
Trono ni David ay laan
sa Manunubos ng tanan.
Marcos 4, 21-25
Subscribe to Awit at Papuri Communications YouTube Channel
Thursday of the Third Week in Ordinary Time (Green)
UNANG PAGBASA
2 Samuel 7, 18-19. 24-29
Pagbasa mula sa ikalawang aklat ni Samuel
Matapos magsalita si Natan kay David, pumasok sa tolda ang hari, umupo at nanalangin. Sinabi niya, “Sino ako, Panginoon, at ano ang aking sambahayan upang ipagmalasakit nang ganito? Maaaring maliit na bagay lamang ito sa inyong paningin, subalit napakalaki para sa amin sapagkat tiniyak na ninyo ang magandang kalagayan ng sambahayan ko sa hinaharap. Panginoon, itinatag ninyo ang bansang Israel upang maging inyo magpakailanman at kayo nama’y maging Diyos nila. Ngayon, gawin ninyo ang inyong pangako sa inyong alipin at sa kanyang sambahayan. Magiging bantog kayo sa lahat ng bansa at sasabihin nila: ‘Ang Panginoon, ang Makapangyarihan, ay Diyos ng Israel.’ Sa gayun, magiging matatag sa harapan ninyo ang tahanan ni David na inyong lingkod. Panginoon, Makapangyarihang Diyos ng Israel, nagkaroon ako ng lakas ng loob na dumalangin ng ganito pagkat kayo na rin ang nagsabi sa iyong lingkod na paghahariin mo sa Israel ang aking angkan. Panginoon, aming Diyos, kayo’y tapat at tumutupad sa mga pangako ninyo sa akin. Ngayo’y pagpalain ninyo ang tahanan ng inyong lingkod upang ito’y magpatuloy. Panginoon, Panginoon naming Diyos, ikaw rin ang nangako nito kaya manatili nawa sa aking angkan ang iyong pagpapala.”
Ang Salita ng Diyos.
SALMONG TUGUNAN
Salmo 131, 1-2. 3-5. 11. 12. 13-14
Trono ni David ay laan
sa Manunubos ng tanan.
Huwag kalilimutang
gunitain, Poon, ang lingkod mong David;
huwag mong lilimutin
ang kanyang ginawang pagpapakasakit.
Alalahanin mo
ang kanyang pangakong ginawa sa iyo,
O Dakilang Diyos
ng bansang Israel, wika n’ya’y ganito:
Trono ni David ay laan
sa Manunubos ng tanan.
“Di ako uuwi,
nanananto ako na hindi hihimlay,
hangga’t ang Poon
ay wala pang lugar na matitirhan,
isang templong laan
sa Diyos ni Jacob na Makapangyarihan.”
Trono ni David ay laan
sa Manunubos ng tanan.
Ang iyong pangako,
sa lingkod mong David, huwag mong babawiin,
ganito ang iyong pangakong habilin:
“Isa sa anak mo
ang gagawing hari upang mamahala,
matapos na ika’y pumanaw sa lupa.
Trono ni David ay laan
sa Manunubos ng tanan.
Kung maging tapat
ang mga anak mo sa bigay kong tipan,
at ang mga utos ko ay igagalang,
ang mga anak mo’y
pawang maghaharing walang katapusan.”
Trono ni David ay laan
sa Manunubos ng tanan.
Pinili ng Poon
na maging tahanan ang Lungsod ng Sion,
Ito ang wika niya:
“Doon ako titira panghabang-panahon,
ang paghahari ko’y magmumula roon.”
Trono ni David ay laan
sa Manunubos ng tanan.
ALELUYA
Salmo 118, 105
Aleluya! Aleluya!
Ang salita mo’y liwanag,
tanglaw sa aking paglakad,
sa paghakbang sa ‘yong landas.
Aleluya! Aleluya!
MABUTING BALITA
Marcos 4, 21-25
Ang Mabuting Balita ng Panginoon ayon kay San Marcos
Noong panahong iyon, sinabi ni Hesus sa mga tao, “Sinisindihan ba ang ilawan para itago sa ilalim ng takalan, o kaya’y sa ilalim ng higaan? Hindi ba upang ilagay sa talagang patungan? Walang natatago na di malalantad at lihim na di mabubunyag. Ang may pandinig ay makinig.”
At idinugtong pa niya, “Unawain ninyong mabuti ang inyong naririnig. Ang panukat na ginamit ninyo ay siya ring gagamitin sa inyo ng Diyos at higit pa. Sapagkat ang mayroon ay bibigyan pa, ngunit ang wala, kahit ang kakaunting nasa kanya ay kukunin pa.”
Ang Mabuting Balita ng Panginoon.
Pages: 1 2
« Miyerkules, Enero 28, 2026
Biyernes, Enero 30, 2026 »
{ 6 comments… read them below or add one }
PAGNINILAY: Tunay na matapat ang Diyos sa kanyang pangako sa atin. Ito ang katapatang ipinamalas niya kay Haring David sa Unang Pagbasa, nang dahil sa pagiging masunurin at matapat ng hari sa Panginoon, ipinangako sa kanya ang isang lipi na sisibol upang maghari magpakailanman. Bagamat nais ni David na gumawa ng tahanan para sa Kaban ng Tipan, na alam natin itinuloy at tinapos ng kanyang anak na si Solomon, ang tunay na pangako ng Diyos ay hindi pa rin kumupas. Kaya’t narinig natin ang awit-panalangin ni Haring David ng pagpupuri at pasasalamat sa Diyos sa pananatili ng dakilang katapatan sa mga dakilang pangako para sa Sambayanan. Kahit alam nating nagwakas ang dinastiya ni David noong nawasak ang Jerusalem sa paglusob ng mga Babilonia, hindi natinag ang pangakong kaligtasan para sa sanlibutan. Kaya nga ang Mesiyas ay siyang sinasabing mula sa lipi ni Haring David, at mula kay David ay dumating ang ating Panginoong Hesukristo. Si Kristo na Anak ng Diyos ay inilarawan ni San Gabriel Arkanghel kay Birheng Maria ay siyang tagapagmana ng kaharian ni David, sapagkat ang kanyang paghahari ay mamamalagi magpakailanman.
Ayon sa Ebanghelyo ni San Juan, isa sa mga 7 pahayag ni Hesus tungkol sa kanyang sarili ay ang “Ilaw ng Sanlibutan”. Ito ay patotoo ni Hesus na ang sinumang sumusunod sa kanya ay hindi malilibot ng kadiliman, kundi magkakaroon ng ilaw ng buhay. At sabi nga sa simula ng Ebanghelyo ni Juan na ang liwanag ay ang Salitang nagkatawang-tao, na siyang tumutukoy sa ating Panginoong Hesukristo.
Ngayong araw na ito, narinig natin sa Ebanghelyo ang isang parabula ni Hesus tungkol sa ilaw na hindi dapat natatago kapag ito’y sinisindi. Sabi ng Panginoon na wala sinumang tao ang magtataklob ng ilaw sa isang banga o kaya maglalagay nito sa ilalim ng higaan. Sa halip ang tao ay ilalagay ang ilaw sa isang patungan upang ito’y makita ng ibang tao. Dito inihantulad ni Hesus ang buhay ng bawat tao na kailangang makita ng ibang tao ang dala nating ilaw. Ito ay maihahantulad natin sa kanyang pahayag sa Panganagaral sa Bundok noong sinabi niya na ang bawat mabuting gawain natin ay dapat ikinaluluwalhati ng ating Poong Diyos (Cf. Mateo 5:16).
Ibig sabihin nito’y kailangan dala natin ang ilaw ng Panginoon tuwing tayo’y gagawa ng mabuti, at wala tayong tinatago na maitim na balak laban sa ating kapwa. Kaya kung tayo ay namumuhay sa liwanag ng Panginoon, nawa’y patuloy tayo lumakad sa landas ng kabutihan upang sundan natin ang Ilaw ng Sanlibutan tungo sa buhay na walang hanggan sa kalangitan.
Hayaan natin na ang bawat kabutihan at katuwiran na araw-araw nating ginagawa ay makapagdulot ng mabuting asal sa ibang tao upang makilala pa nila ang Diyos sa kanilang buhay.
Maaring isipin ng makakabasa ng ebanghelyo ngayon na kapag sya ay mahirap ay lalo pa syang magiging mahirap. At kung sya nman ay mayaman ay lalo pa syang yayaman.
Ang sinasabi ng ebanghelyo ay ang resulta ng iyong pagkatao o kung ano ang iyong asal dito sa lupa. Kung ikaw ay mahirap ngayon at patuloy pa din sa pagawa ng masama ay lalo ka pa paghihirapin. Subalit kung ikaw ay mahirap ngayon at nagbago, nagsisi, humingi ng kapatawaran at tinalikuran ang pagawa ng masama ay kakamtin mo ang walang hanggang biyaya
Kung ikaw nman ay mayaman sa ngayon subalit patuloy ang pagawa ng masama ay kayang kunin sa iyo lahat iyan ng Panginoon, sa isang iglap lamang ay kayang baliktarin ng Diyos ang iyong komportableng pamumuhay. Pero kung ikaw aya mayaman sa ngayon at patuloy ang magandang ugali katulad ng pagtulong sa mga nangangailangan, hindi nangmamaliit ng tao, mapagkumbaba at maka Diyos ay lalo ka pang uulanin ng biyaya galing sa Panginoon.
PAGNINILAY:
Marcos 4:21–25
“Liwanag ‘
Sa Ebanghelyo ngayon, ipinaalala ni Hesus na ang ilawan ay hindi sinisindihan upang itago, kundi upang magbigay-liwanag. Gayundin, ang Salita ng Diyos na ating tinatanggap ay hindi para manatili lamang sa isip, kundi upang maging liwanag ng ating pamumuhay. Ang pananampalatayang hindi isinasabuhay ay parang ilawang tinakpan, may apoy ngunit walang liwanag.
Si Kristo ang Liwanag ng sanlibutan, at sa Binyag tayo’y nakibahagi sa Kanyang liwanag. Ngunit ang liwanag na ito ay may kaakibat na pananagutan. Kaya’t mariing paalala ni Hesus: “Unawain ninyong mabuti ang inyong naririnig.” Sapagkat ang Salita ng Diyos ay buhay ito’y lumalago kapag pinagyayaman, ngunit kumukupas kapag pinabayaan.
Dito natin mauunawaan ang sinabi ni Hesus: “Ang mayroon ay bibigyan pa, ngunit ang wala, kahit ang kakaunting nasa kanya ay kukunin pa.”
Ang kaunting aral sa Salita ng Diyos na hindi pinagninilayan, hindi isinasabuhay, at hindi pinauunlad ay kusa talagang nawawala hindi dahil kinuha ito ng Diyos, kundi dahil hindi ito pinangalagaan. Sa kabilang banda, ang munting liwanag na pinagyayaman at ibinabahagi ay lalo pang nagiging maliwanag.
Kaya’t tinatawag tayo ng Ebanghelyo na suriin ang ating sarili:
Ako ba’y ilawang nakalagay sa patungan, o liwanag na tinatakpan ng takot, hiya, o kawalang-pakialam? Ang simpleng kabutihan, katapatan, at tapat na pamumuhay ayon sa Salita ay sapat na upang magliwanag si Kristo sa pamamagitan natin.
Word of the Day
LIWANAG – Pananampalatayang pinagyayaman at isinasabuhay.
Panalangin:
Panginoong Hesus,
Ikaw ang aming Liwanag. Huwag Mo kaming hayaang itago ang apoy ng pananampalatayang Iyong inilagay sa aming puso.
Turuan Mo kaming mamuhay bilang ilaw ng pag-asa, katotohanan, at pag-ibig upang sa aming gawa, Ikaw ay makita ng aming kapwa.
Amen.
Tinatawag tayo ni Hesus na huwag itago ang liwanag ng pananampalataya, kundi ipamuhay ito nang tapat, sapagkat ayon sa ating pakikinig at pagtugon ay doon din tayo susukatin ng Diyos.
Ang ilaw ay simbulo ng liwanag. Nag ibigay Ginhawa sa buhay at katotohanan . At bawat isa ay may niyang Ito. Unit may Ilang ginagamot Ang ilaw sa Hindi maayus . Kayat maraami napapahamak ngunit Ang gumagalit na laws sa tama ay gumaganda Ang buhay at nakakatulong sa kapwa. Bawat isa ay ilaw para makatulong sa kapwa gamitin Ito ngunit kapag Hindi ginamit Maraming mapaphawak kahit buhay mo dahil Ito rin gagamiting ng Diyos panukat sa nagawa mo.
God will give what we can manage.
God will not give what you can pray for.
Dasal – Panginoon ihanda mo ako, turuan amo ako at hubugin mo ako.
Having more will not improve our lives.
Improve ourselves, our habits.
The patterns in our lives will reveal ourselves.
Manage the graces of God properly in our lives.
-Father Jowel Gatus
Amen
God is good sobra sobra
Sobra sobra God is good.
#GvThursday
Blessed2026