Podcast: Download (Duration: 6:40 — 4.8MB)
PANALANGIN NG BAYAN
Ika-34 na Linggo sa Karaniwang Panahon
Biyernes
Tinatawag tayo ng Panginoon na magbantay sa kanyang muling pagbabalik. Lumapit tayo sa Ama sa panalangin habang naghihintay sa kanyang pagdating.
Panginoon, dinggin mo ang aming panalangin.
o kaya
Panginoon ng kasaysayan, palakasin mo kami.
Ang Simbahan nawa’y makatugon sa tawag ng pagbabalik-loob at pagbabago, manalangin tayo sa Panginoon.
Ang mga taong may mabuting kalooban nawa’y sama-samang kumilos para wakasan ang pag-aaway at digmaan, pang-aapi at kawalang katarungan, manalangin tayo sa Panginoon.
Ang ating kamulatan sa presensya ni Kristo nawa’y higit pa nating palawigin sa ating mga dukha at mga naghihirap na kapwa, manalangin tayo sa Panginoon.
Ang mga maysakit nawa’y pagkalooban ng lakas at pag-asa, manalangin tayo sa Panginoon.
Ang ating mga yumaong kamag-anak at kaibigan nawa’y maranasan ang walang hanggang kaligayahan sa piling ni Jesus, manalangin tayo sa Panginoon.
Makapangyarihang Diyos, pakinggan mo ang aming mga panalangin. Buksan mo ang aming paningin sa iyong presensya sa aming piling. Ilapit mo kami sa iyo araw-araw. Hinihiling namin ito sa pamamagitan ni Kristong aming Panginoon. Amen.
Pages: 1 2
« Huwebes, Nobyembre 27, 2025
Sabado, Nobyembre 29, 2025 »
{ 8 comments… read them below or add one }
PAGNINILAY: Totoong malapit na magtapos ang Kalendaryo ng ating Simbahan. Sa darating ngayong Linggo, papasok tayo sa bagong taon sa pagsisimula ng Panahon ng Pagdating (Adbiyento), na kung saan ipaghahadaan natin ang ating mga puso para sa Pagdating ni Kristo sa ating buhay, sa ating paglalapit sa pagdiriwang ng Pasko ng Pagsilang at sa ating pananabik sa kanyang muling pagpaparito sa katapusan ng panahon. Kaya ang mga pagbasa nitong pagtatapos ng taong panliturhiya ng ating Simbahan ay nagpapaalala sa atin ukol sa pagwawakas ng mundo.
Ang Unang Pagbasa ay mga sunud-sunod na pangitain ni Propeta Daniel. Ang unang pangitain ay ang apat na dambula na handang lumamon ng anumang nabubuhay na nilalang. Sa mga nakakatakot na itsura ng mga dambuhala, parang ang pananakot ng mga ito ay halos nagpamamalas ng kapangyarihan na manaig ang kasamaan at kadiliman. Subalit hindi nagtagumpay ang mga dambula dahil sa ikalawa at ikatlong pangitain ni Daniel. Nakita ng propeta ang isang nabubuhay magpakailanman na nakaupo sa kanyang trono, at siya ay kagila-gilalas sa kaputian. Nakita rin ang Anak ng Tao na ipinakita ng nabubuhay na Diyos bilang isang makapangyarihang pinuno, na ang lahat ng mga bansa, tao, at wika ay sasamba sa kanya. Ang mga pangitain na ito ay nagpapakita sa tagumpay ng Diyos laban sa kasamaang dulot ng Diyablo (Satanas). At si Kristo, ang Anak ng Diyos at Anak ng Tao, ay ang kaganapan ng katuparan ng Diyos para sa tagumpay ng plano ng kaligtasan.
Ang ating Ebanghelyo ngayon ay ang patuloy na mensahe ng Panginoon ukol sa darating na katapusan. Kaya ang ginamit niyang larawan ay ang puno ng igos at ng iba pang punongkahoy. Kapag ang mga ito ay nagdamo, ito’y tanda na malapit na ang tag-araw. Ganun din ang mga “tanda ng panahon”, na nagsasabing malapit na ang paghahari ng Diyos. Subalit may iilang tao ay ginagawang literal na “malapit na raw magunaw ang mundo”. Ang nais ipahiwatig dito ng Panginoon na huwag tayong maging masyadong kumpiyansang magtatapos na ang ating daigdig at bukas ay darating na raw si Kristo. Bagkus, dapat tayo ay magkaroon ng sapat na paghahanda sa ating kalooban para sa pagdating na oras na yaon. At kahit lumipas pa ang langit at lupa, magiging matatag pa rin ang mga salita ng Panginoon. Kaya dapat tayong puno ng pag-asa na ang lahat ng mga pagsubok sa ating buhay ay balang araw lilipas din, subalit ang Panginoon ay patuloy na manantili sa atin magpakailanman. Kaya patuloy tayong maging tapat sa kanyang mga salita at isabuhay ang mga ito sa ating araw-araw na pamumuhay.
Ang hamon at aral sa atin ng ebanghelyo ngayon ay ang pagsasabuhay ng mga Mabuting Balita, ng mga Salita ng Diyos o ng mga ebanghelyong nababasa natin o napakikinggan. Ngayong may pandemya ay wala ng dahilan para tayo ay hindi makapakinig ng salita ng Diyos. Kung ikaw ay walang oras sa pagpunta sa simbahan para dumalo ng misa upang malaman ang aral ng ebanghelyo, napakarami ng paraan para magawa ito; nariyan ang facebook live, YouTube at iba pang social media na nagdaraos ng banal na misa. Kahit saang dako ka pa ng mundo ay maari mo itong mapanuod, kahit ano pa ang ginagawa mo kahit nakahiga ka na sa bahay mo, kahit anong orad na ikaw ay libre ay maaari mong balikan ang misa na nais mong panuorin.
Mawawala ang langit at lupa pero ang Salita ng Diyos ay hindi magkakabula. Gamitin mo at gawing gabay ang mga Salita ng Diyos, dito lamang tayo siguradong hindi maliligaw ng landas.
Pagninilay ni Jess C. Gregorio:
Lahat ng inisip at naging plano ng tao, mapa mabuti man o masama, tulad ng langit at lupa, ay mawawala. Tanging ang Salita lang ng Diyos ang matitira magpakailan man. Ang maraming plano at kumplikadong mga programa na ninanais ng tao ay karaniwang maganda sa una, nagkaka problema sa pagdaan ng mga araw, hanggang mahinto sa huli. Tanggap natin ito sa kadahilanang hindi tayo perpekto at may nagtutulak ng pride sa ating mga puso. Ang mabuti nating adhikain ay pilit na sinisira ng ating kalaban. Hinahaluan niya ng pulitika at mga kasinungalingan. Ito ang dahilan kaya nawawala si Hesukristo sa atin at nangingibabaw ang sariling ambisyon, plano, o pagbibigay halaga sa ating mga sarili. Nakalimutan na natin na ang pinaka importanteng bagay ay ang Salita ng Diyos. Hindi na natin alam ang what matters most. Naging katulad na tayo ng mga eskriba at pariseo nuong unang panahon. Ang matindi ay yung matulad tayo kay Saul na pinapatay pa ang mga totoong nanampalataya sa isang bulag na pagsunod sa alituntunin at batas na ginawa at iniuutos ng Diyos ngunit binaliktad ng kasalukuyang mga guro at pari ng sanhedrin para sa kanilang kapanibangan. Mag ingat tayo. Ituon natin parati ang ating mga mata sa Panginoong Hesukristo nang makita natin ang totoo sa lahat ng ating ginagalawan sa buhay.
Ang Mabuting Balita na ating natunghayan ay isang paalala sa atin tungkol sa tanda ng panahon. Isang talinghaga ng senyales ng muling pagdating ni Hesus. Kung sa pamamagitan ng salita naganap ang paglilihi ng isang Birhen na nagsilang sa ating Panginoong Hesus ganun din sa pamamagitan ng salita nagkaroon ng kaligtasan ang mga tao sa pamamagitan ng pagaalay ng Kanyang buhay sa krus at nagbigay naman ng pag-asa sa lahat sa muli Niyang pagkabuhay.
Sa pagtatapos ng Karaniwang Panahon sa Linggong ito tayo ay inaanyayahan ng isang radikal na pagpapanibago ng ating sarili. Sa tatahakin nating apat na linggo ng Adbiyento pwedeng simulan ang hakbang sa pangungumpisal bilang paghahanda na din natin sa Kanyang muling pagdating. Sa gitna ng samutsaring paghahandanda sa napipintong pagdating ng Panginoong Hesukristo sa panahon ng kanyang Pagsilang na kung minsan ay hindi na mabigyan ng tunay na rason ng paghahanda nawa’y mapagnilayan din ang pakikipagsundo sa Kanya sa pamamagitan ng sakramentong iniwan Niya sa atin.
Maghanda tayo sa pagdating ng pinaka-marunong at makapangyarihan sa lahat ng tanda ng panahon at huwag matakot na suungin ang mga hamon ng mga panganib sa paghahandang ito. Si Hesus na pasan pasan ang krus ay lagi natin kasa-kasama sa lahat ng panahon ang tunay na tanda na hindi Niya tayo iiwan magpakailanman. Ang pagkaka-isa at sama sama nating pagsamba at pagsasalu-salo sa banal na Eukaristiya ay isang paalala sa atin na Siya ay sumasaatin lahat. Kaya dapat lang na siguraduhin na tayo ay laging handa at angkinin ang kanyang kaharian dito palang sa lupa. Nawa’y maibahagi din natin ito sa kapwa na kung saan nandoon ang mga hugis ng mukha ni Kristo Hesus. Amen!
PAGNINILAY
Napakapalad natin na ang Salita ni Hesus ay nakalagay sa atin sa Ebanghelyo. Ang Salitang iyon ang dapat na Tiyak na Pundasyon ng ating buhay. Sa bagyong hinahampas ng karagatan na ating tinitirhan, ang Salita ni Hesus ang dapat na angkla na pumipigil sa atin na matangay. Mabilis na nagbabago ang buhay lalo na sa panahong ito. Ang pagbabago ay maaaring positibo o mahirap at masakit. Maaaring magkasakit ng malubha ang isang miyembro ng pamilya. Ang mga problema sa pananalapi ay maaaring lumikha ng matinding pagkabalisa at takot. Ang pagpapalit ng trabaho o paglipat sa ibang lugar ay hindi madali. O ang ating mga anak ay “tumatambay” sa maling grupo. Tinitiyak sa atin ni Hesus na mayroong isang katotohanang palagi nating maaasahan: “Ang langit at ang lupa ay maaaring lumipas, ngunit ang aking mga salita (at ang aking pag-ibig) ay hindi lilipas kailanman”! Kapag ang buhay ay mahirap, masakit o nakalilito, si Hesus ay kasama natin. Ibinuhos Niya ang Kanyang pagmamahal, biyaya at lakas sa atin.Hindi Niya tayo pababayaan! Kung tatahakin natin ang landas na ipinapakita sa atin ng Salita ni Hesus, hinding-hindi tayo maliligaw o maliligaw. Anong katatagan at kabuuan ang iniaalok sa atin ng Salita ni Hesus!
Panginoong Hesus, tulungan Mo kaming magtiwala sa Iyong pangako. Amen.
***
PAGNINILAY: Totoong malapit na magtapos ang Kalendaryo ng ating Simbahan. Sa darating ngayong Linggo, papasok tayo sa bagong taon sa pagsisimula ng Panahon ng Pagdating (Adbiyento), na kung saan ipaghahadaan natin ang ating mga puso para sa Pagdating ni Kristo sa ating buhay, sa ating paglalapit sa pagdiriwang ng Pasko ng Pagsilang at sa ating pananabik sa kanyang muling pagpaparito sa katapusan ng panahon. Kaya ang mga pagbasa nitong pagtatapos ng taong panliturhiya ng ating Simbahan ay nagpapaalala sa atin ukol sa pagwawakas ng mundo.
Ang Unang Pagbasa ay mga sunud-sunod na pangitain ni Propeta Daniel. Ang unang pangitain ay ang apat na dambula na handang lumamon ng anumang nabubuhay na nilalang. Sa mga nakakatakot na itsura ng mga dambuhala, parang ang pananakot ng mga ito ay halos nagpamamalas ng kapangyarihan na manaig ang kasamaan at kadiliman. Subalit hindi nagtagumpay ang mga dambula dahil sa ikalawa at ikatlong pangitain ni Daniel. Nakita ng propeta ang isang nabubuhay magpakailanman na nakaupo sa kanyang trono, at siya ay kagila-gilalas sa kaputian. Nakita rin ang Anak ng Tao na ipinakita ng nabubuhay na Diyos bilang isang makapangyarihang pinuno, na ang lahat ng mga bansa, tao, at wika ay sasamba sa kanya. Ang mga pangitain na ito ay nagpapakita sa tagumpay ng Diyos laban sa kasamaang dulot ng Diyablo (Satanas). At si Kristo, ang Anak ng Diyos at Anak ng Tao, ay ang kaganapan ng katuparan ng Diyos para sa tagumpay ng plano ng kaligtasan.
Ang ating Ebanghelyo para bukas ay ang patuloy na mensahe ng Panginoon ukol sa darating na katapusan. Kaya ang ginamit niyang larawan ay ang puno ng igos at ng iba pang punongkahoy. Kapag ang mga ito ay nagdamo, ito’y tanda na malapit na ang tag-araw. Ganun din ang mga “tanda ng panahon”, na nagsasabing malapit na ang paghahari ng Diyos. Subalit may iilang tao ay ginagawang literal na “malapit na raw magunaw ang mundo”. Ang nais ipahiwatig dito ng Panginoon na huwag tayong maging masyadong kumpiyansang magtatapos na ang ating daigdig at bukas ay darating na raw si Kristo. Bagkus, dapat tayo ay magkaroon ng sapat na paghahanda sa ating kalooban para sa pagdating na oras na yaon. At kahit lumipas pa ang langit at lupa, magiging matatag pa rin ang mga salita ng Panginoon. Kaya dapat tayong puno ng pag-asa na ang lahat ng mga pagsubok sa ating buhay ay balang araw lilipas din, subalit ang Panginoon ay patuloy na manantili sa atin magpakailanman. Kaya patuloy tayong maging tapat sa kanyang mga salita at isabuhay ang mga ito sa ating araw-araw na pamumuhay.
PAGNINILAY:
Sa tagpo Ng Ebanghelyo, sinabi ni Jesus, “Kapag nakita ninyo ang mga bagay na ito, nalalaman ninyo na malapit na ang Kaharian ng Diyos.” Nangangahulugan ito na ang KAHARIAN ay hindi isang malayong hinaharap. Maaari na tayong magsimulang mamuhay sa Kanyang kaharian at ngayon na. Habang inaantay natin ang pagdating ng kaharian ng Diyos dito sa mundo, mamuhay tayo ayon sa mga paraan ni Jesus. Binigyan tayo ng Diyos ng utos, at ito ay ang UMIBIG at MAGMAHAL sa KAPWA ito ang paraan ng pag-ibig Niya sa atin. Sapagkat ang Kaharian ni Jesus ay ang KAHARIAN NG PAG-IBIG. Isang buhay na nabubuhay sa SAKRIPISYO para sa KABUTIHAN ng iba. Ito ay isang Kaharian ng mga taong pumipili sa kalooban Ng DIYOS, na hindi itinataas ang kanyang sarili at hanapin ang kaginhawaan kundi isang Kaharian ng paglilingkod sa hindi gaanong napapansin, Ang mga may kakulangan at pagkukulang, mga nawawala, at Ang mga nasa laylayan Ng lipunan. Ito ang Kaharian na salungat sa pagpapahalaga sa sarili ng mundong ito. Sa pamumuhay nito, tayo ay NAGPAPAHAYAG na ang ating HARI ay si KRISTO! Huwag nating sayangin ang isang sandali na makapag-ipun ng mga BIYAYA para sa Kaharian. Sa huli, ang tangi lamang nating nagawa para sa Diyos at sa ating mga kapatid ang nananatili.
GAWAIN: Manatiling naka Tayo habang hinihintay natin ang pangako Ng Diyos sa kanyang muling pagparito.
“Mawawala ang langit at ang lupa, ngunit ang salita ko’y hindi magkakabula.”
PANALANGIN:
Panginoong Jesus, hinihiling ko ang biyaya na alisin ang pagka makasarili sa halip na ako ay magbigay ng kaluwalhatian sa Iyo, aking Diyos, at mag papala sa aking mga kapatid na lalaki at kapatid na babae na sa huli, ako ay maging karapat-dapat sa Iyong kaharian
Amen
PAGNINILAY
Lucas 21, 29–33
“Tandaan”
Ngayong darating na Linggo ay unang Linggo na Sa Panahon ng Adbyento. Sa Ebanghelyo ay inaanyayahan tayo na sa ating paglalakbay sa pananampalataya, napakahalaga na matutong makinig hindi lamang sa salita ng Diyos, kundi pati sa “mga palatandaan” ng panahon. Sa talinghaga ni Hesus tungkol sa puno ng igos, tinuturuan tayong maging mapanuri, mapagmatyag, at handang tumugon sa patuloy na pagdating ng Diyos sa ating buhay. Hindi ito nakakatakot na mensahe, kundi isang paanyaya kundi isang imbitasyon tungo sa pagbabagong buhay. Ang tunay na paghahanda para sa wakas ay hindi takot, kundi transformasyon ng puso.
Nakapaloob pa din ang End-Time Theme (Eschatological and Transformative Message). Ang mga “palatandaan” na binabanggit ni Hesus ay hindi upang magdulot ng pangamba, kundi upang gisingin tayo. Kung paanong ang pag-usbong ng dahon sa puno ng igos ay hudyat ng tag-araw, ganun din ang mga kaganapan sa mundo—nagpapaalala na ang Diyos ay malapit, kumikilos, at naghahari sa kasaysayan. Ang end times ay hindi lamang tungkol sa katapusan, kundi tungkol sa tagumpay ng Diyos at sa pagtupad ng Kanyang pangako. Ang hamon: handa ba ang puso natin sa Kanyang pagdating?
Sa teolohikal na pananaw ang Kaharian ng Diyos ay Papalapit at Patuloy na Papalapit. Ang “malapit nang maghari ang Diyos” ay hindi lamang sa dulo ng panahon. Ito ay nangyayari na MISMO NGAYON sa bawat pagsunod, sa bawat kabutihan, sa bawat pagbabago ng puso.
Ang Salita ng Diyos ay Mas Mabigat Kaysa Anumang Nagbabago sa Mundo. “Mawawala ang langit at lupa, ngunit ang salita ko’y hindi magkakabula.” Ito ay malalim na pahayag ng divine permanence: anumang gumuho—institusyon, kultura, panahon, ideolohiya—ngunit ang Salita ng Diyos ay mananatili magpasawalang-hanggan.
Eschatology as Hope, Not Fear. Ang eskatolohiya ay hindi dapat katatakutan. Ito ay pag-asa na ang Diyos ang may huling salita sa kasaysayan. Sa dulo ng lahat, ang kabutihan, hindi kadiliman, ang mananaig.
Pagsasabuhay (Practical Application):
• Maging mapagmatyag: pansinin ang mga maliit na palatandaan ng Diyos sa araw-araw—pagpapatawad, paggaling, katahimikan, kabutihan.
• Maging handa: hindi sa pamamagitan ng takot, kundi sa pagbabago ng ugali, pag-aayos ng mga nasirang ugnayan, at pagtahak sa landas ng kabanalan.
• Maging matatag: sa gitna ng kaguluhan at pagbabago sa paligid, maging nakaugat sa Salita ng Diyos na hindi kumukupas.
• Maging tagapaghatid ng pag-asa: hindi panic, hindi takot, kundi pag-asa, kapayapaan, at pag-unawa.
• Maging namumunga tulad ng puno ng igos: magpakita ng bunga ng pananampalataya—kababaang-loob, kabutihan, pag-ibig, pasensya, at katapatan.
Word of the Day: “Tandaan”
Ang salitang “Tandaan ninyo” ay hindi simpleng pag-alala. Sa Bibliya, ang “tandaan” ay nangangahulugang isapuso at isabuhay. Kapag sinabi ni Hesus na “Tandaan ninyo,” ibig sabihin: huwag hindi pansinin, huwag balewalain,
gawin itong gabay sa buhay.Ito ang paalala ng Panginoon: Alalahanin at isapuso na ang Aking salita ay hindi lilipas—dito kayo dapat magtayo ng buhay.
Panalangin: Panginoong Hesus, Turuan mo kaming maging mapagmatyag sa mga palatandaan ng Iyong pagdating. Baguhin mo ang aming puso upang ang aming paghahanda ay maging pagtalima, hindi takot kundi pananampalataya, hindi pangamba kundi pag-asa.Nawa’y ang Iyong Salita na hindi kumukupas ang maging sandigan namin sa gitna ng pagbabago ng mundo.Gawin mo kaming tulad ng punong nagbubunga ng pag-ibig, kapayapaan, at katapatan.Harinawa, sa bawat araw, makita namin ang Iyong paghahari na dumarating sa aming buhay. Amen.