Podcast: Download (Duration: 4:50 — 2.7MB)
PANALANGIN NG BAYAN
Ika-30 Linggo sa Karaniwang Panahon
Martes
Tulad ng isang malaking puno na mayroong mayabong na mga sanga o tulad ng butil na matahimik na lumalaki, gayundin ang paglago ng Kaharian ng Langit. Sama-sama tayong manalangin bilang pakikibahagi natin sa mapagmahal na plano ng banal na kabutihan ng Diyos.
Panginoon, dinggin mo ang aming panalangin.
o kaya
Diyos ng buhay, gawin mo na makapagbigay-buhay ang aming buhay.
Ang Simbahan nawa’y patuloy na umunlad sa pamamagitan ng pagtanggap at pagbabahagi ng kaligtasan sa mga kultura at mga pinahahalagahan sa buhay, manalangin tayo sa Panginoon.
Yaong mga nasa programa ng pagpapaunlad ng ekonomiya nawa’y bigyang suporta ang mga magsasaka at yaong mga nagpapaunlad ng lupa nawa’y alagaan at igalang ang likas na kalikasan, manalangin tayo sa Panginoon.
Ang ating mga pamilya, lalo na ang ating mga anak, nawa’y lumaki sa pamamaraan ng biyaya at umunlad na kawangis ni Kristo, manalangin tayo sa Panginoon.
Ang mga maysakit nawa’y maging matatag sa kanilang pananampalataya at mapalakas sa pamamagitan ng ating pag-aalaga at pagkalinga, manalangin tayo sa Panginoon.
Ang ating mga mahal na yumao nawa’y masiyahan sa kapayapaan ng Kaharian ng Diyos, manalangin tayo sa Panginoon.
Ama naming nasa Langit, tulungan mo kaming maunawaan ang kahalagahan ng panahon ng aming pag-iral. Buksan mo ang aming puso sa iyong Salita upang maging mabunga kami lagi. Hinihiling namin ito sa pamamagitan ni Kristong aming Panginoon. Amen.
Pages: 1 2
« Lunes, Oktubre 24, 2022
Miyerkules, Oktubre 26, 2022 »
{ 7 comments… read them below or add one }
Pagninilay: Ang Unang Pagbasa ay ang isang payo ni San Pablo sa atin na magpakasakop tayo sa isa’t isa, hindi ang iisang tao lamang ang mananakop ng buhay ng iba. Sa kalagayan ng buhay-mag-asawa, ang mga esposo ay inaanyahan na magpakasakop sa isa’t isa, na ang mga babae ay susunod sa mga desisyon ng mga lalaki, samantala ang mga lalaki naman ay dapat magsusuporta sa mga babae. Kung baga ganito ang pagmamahalang ninanais sa isang mag-asawa, katulad ng pagmamahal ni Kristo sa kanyang nobya, ang Simbahan. Kaya sa buhay natin, mahalaga na maghari ang pag-iibigan hindi lang sa romantikong, kundi higit diyan ay para sa ikararangal ng Panginoon na siyang humabilin sa atin na magmahalan. Ang Ebanghelyo naman ay 2 parabula ni Hesus tungkol sa Paghahari ng Diyos: ang Butil na Mustasa at ang Lebandura. Sinasabi rito ng Panginoon na ang Paghahari ng Diyos ay katulad ng isang butil na mustasa na bagamat maliliit sa mga binhi ay kapag lumago ay ito’y nagiging pinakamalaking puno dahil may mapamumugaran ang mga ibon ng himpapawid sa kanyang mga sanga. Ang Kaharian ay katulad rin sa isang babaeng naghalo ng tatlong takal ng harina upang gumawa ng lebandura hanggang sa umalsa na ang masa nito. Ipinapahiwatig ng 2 parabula tungkol sa paglago ng Kaharian ng Diyos. Ito’y nagsimula rin sa mga maliliit na bagay hanggang ito’y lumaki at lumaganap. Higit pa ang Paghahari ng Diyos sa mga makamundong kaharian dahil dito’y matatagpuan ng tao ang pagmamahal, kagalakan, at kapayapaan. Ang Kahariang ito ay nasa piling natin kung ang mga 3 values na iyan ay naroroon, ngunit ang buong pagpapakita nito ay mangyayari pa sa katapusan ng mundo. Tayo’y bilang mga Kristiyano ay hindi lamang mamamayan ng ating lipunan, kundi tayo’y higit pa mga mamamayan ng Diyos. Ang ating Simbahan ay gumagabay sa atin kung paano nating tatanggapin ang Paghahari ng Diyos sa ating buhay. Kunh tayo’y magpapakumbaba at magiging masunurin sa dakilang kalooban ng Panginoon, tayo’y kanyang patuloy na pagpapalain. At huwag po nating kalimutang ibahagi ang ating mga natanggap na biyaya sa ibang tao dahil iyan po ang ating misyon sa pagpapalaganap ng Mabuting Balita tungkol ng Kaharian ng Panginoon.
Panginoon, panatilihin mo sa akin ang grasya ng kababaang loob ng sa gayon ay magawa kong sundin ang iyong kalooban at hindi ang pansariling kaligayahan. Maging instrumento ako ng pagmamahal, kapayapaan at makapagbahagi ng kagalakan di lamang para sa aking sarili kundi ganun na rin sa aking kapwa upang samasama namang madama ang kaginhawahan ng iyong paghahari kahit kami ay narito pa lamang sa mundong iyong nilikha. Alam ko Panginoon na ang kaganapan ng lahat ng ito ay darating sa panahong itinakda mo.
Salamat sa Diyos, at patuloy po akong nanalangin na gabayan niya po tayong lahat sa landas ng ating buhay dito sa mundo, patawarin sa lahat ng mga pagkakasala at patuloy na maging mapagkumbaba .Ikaw Panginoon ang aming hangarin na makasama sa buhay namin dito sa lupa at higit lalo sa aming buhay pagkatapos ng aming misyon dito sa lupa.
Ang pagpapasakop ng asawang babae sa kanyang asawa at ang pagmamahal, pagkalinga at paggalang ng lalaki sa kanyang asawa ay napakahalagang magampanan at pahalagahan ng bawat isa para makamit ang pagpapala ng Panginoon. Ang pagiging responsable natingb mga magulang sa ating mga anak, ay hindi lamang ang mapakain at mapag aral sila, ang pinakamahalaga ay ang palakihin silang may tunay na pananalig, pagmamahal sa Diyos at ang makapaglingkod ng tapat sa Kanya. Lahat ng ito ay may kalakip na pagpapalang magmumula sa Diyos sa lahat ng panahon ng ating buhay dito sa lupa hanggang sa kabilang buhay. Amen.
Ang paghahari ng diyos ay higit na lamang kaysa sa lahat kaya ating purihin at ating palawakin ang ating pagunawa sa kanyang kalooban na kung saan dapat nating gampanan bilang isang taga-sunod nya o kanyang mga anak.
Ama! naway maging katulad sa isang butILi ng mustasa ang aking pananalig sainyo na lumago po ang aking paghahasik ng iyong mabuting balita sa lahat ng. iyong bayan. Bigyan niyo po ako ng mapagpakumbabang puso, pagmamahal sa kapuwa at maging mapagpatawad. Hnd Kopo Ama magagawa ang lahat ng ito kung wala po kayo sa piling ko. ANG LAHAT NG ITO AMA AY SAMO’T DALANGIN KO PO SAINYO, AT SAINYONG ANAK NA SI HESUS. AMEN.
Pagninilay
Ang Mabuting Balita ayon kay San Lukas kapitolo trese bersikulo dese otso hangang beynte ono (13: 18-21) ay nagsasaad kung paano ihambing ang kaharian ng Diyos.
Ito ay maihalintulad natin sa isang magsasaka nagtatanim ng palay sa kanyang bukid. Inararo ang kanyang bukirin at tinanimsn ng palay. Tapos inaruga niya ng mabuti. Naglagay siya ng pangbugaw ng mga sagabal sa pagbunga, inalisan ng mga damo upang lumaki ng maayos at itoy namunga ng palay.
Nakita niya na maalimuyak at makining ang mga bunga nito. Nasiyahan siya pati na mga kapitbahay. Ng anihin ito tuwang tuwa siya pati na rin ang mga tao sa nayon na nakibahagi sa mabuting ani at nagalak dahil natugunan nila ang kanilang pamumuhay.
Galak din naman ang magsasaka ng masilayan ang katuwaan ng mga kapitbahay. Pinasalamatan niya ang Panginoon sa magandang resulta sa mga Gawain niya.
Kaya mga kapatid payabungin at pag ibayuhin pa natin ng lubosan ang pananalig sa Diyos para makarating at tangapin tayo sa kaharian ng Dilyos. Gusto ng Diyos maramdaman gaano natin siya minahal at yon ay kinagalak ng Panginoong Hesus Kristo.