Podcast: Download (Duration: 6:43 — 8.6MB)
PANALANGIN NG BAYAN
Ika-23 Linggo sa Karaniwang Panahon
Lunes
Para sa ating mga Kristiyano, wala nang higit pang batas o utos kundi ang ipinag-uutos ng Ebanghelyo na mahalin ang Diyos at ang kapwa. Pahalagahan natin ang paniniwalang ito habang nananalangin tayo para sa pangangailangan ng bawat miyembro ng ating Simbahan.
Panginoon, dinggin Mo ang aming panalangin.
o kaya
Gawin Mo kaming tagapagdulot ng buhay, O Panginoon.
Ang Simbahan nawa’y palaging maging bago at dalisay sa pamamagitan ng mga salita ng Ebanghelyo ni Kristo, manalangin tayo sa Panginoon.
Ang mga nasa tungkulin sa gobyerno nawa’y magabayan ng karunungan kapag gumawa sila ng panukala at magpasya sa mga pinahahalagahang proyekto, manalangin tayo sa Panginoon.
Ang ating pagsamba nawa’y maging salamin ng ating katapatan at dedikasyon sa mapagpakumbabang paglilingkod natin sa Diyos at sa kapwa, manalangin tayo sa Panginoon.
Sa mga maysakit at sa pinanghihinaan ng loob nawa’y makapagdulot tayo ng pag-asa at kaginhawahan, manalangin tayo sa Panginoon.
Ang mga yumao nawa’y mamayapa sa piling ng Diyos, manalangin tayo sa Panginoon.
Ama naming nasa Langit, sinusuri mo ang aming mga puso at hindi lihim sa iyo ang pinakatago naming kaisipan. Liwanagan mo ang aming mga puso para sa higit na tunay na pagsamba at ang aming mga kamay para sa higit na bukas-loob na paglilingkod sa kapwa. Hinihiling namin ito sa ngalan ni Kristong aming Panginoon. Amen.
Pages: 1 2
« Linggo, Setyembre 6, 2026
Martes, Setyembre 8, 2026 »
{ 3 comments… read them below or add one }
Pagninilay: Ang ating Ebanghelyo ngayon ay isang kababalaghang ginawa ng Panginoong Hesukristo sa kabila ng mga banta ng paghahamak sa kanya ng mga Pariseo na nilalabag niya raw ang batas tungkol sa Araw ng Pamamahinga. Para sa mga Hudyo, ang Araw ng Pamamahinga o Sabat ay isang banal na araw na ipinagdiriwang tuwing ikapitong araw ng isang linggo (Sabado). Ito’y pag-aalaala at pagpupuri sa Diyos na Maylikha ng langit at lupa sa loob ng 6 na araw, at sa ika-7 ay nagpahinga matapos ang kanyang gawain. Kaya itong pista para sa mga Hudyo ay isang araw na kung saan sila’y magpapahinga at hindi maaaring magtrabaho. Kapag may isang mamamayang lalabag sa batas na ito, siya’y ihaharap sa sakdalan at maaaring mapahatol ng parusang kamatayan. Ngunit alam ni Hesus na mabigat ang interpretasyon ng mga pinuno ng Judaismo noong kapanahunan niya. Sa katunayan, mayroong 613 na batas ng mga Hudyo, ngunit mga ordinaryong tao lang ang sumusunod, at hindi mga pinuno. Kaya’t matapos pagbintangan ang kanyang mga alagad na namimitas ng mga trigo sa mismong Araw ng Pamamahinga, muli siyang napasailalim ng isa pang banta nang mapansin niya sa sinagoga ang isang lalaking tuyot ang kamay. Kaya’t pinatayo niya ang lalaki sa kanilang piling at binato ang tanong kung labag ba sa batas ang paggawa ng mabuti sa Araw ng Pamamahinga, ang pagliligtas ba o pagpapatay. Hindi sila makasagot hanggang hinawak ng Panginoon ang tuyot na kamay at sinabi sa lalaki na iunat nito. Kaya’t naunat niya ang kanyang kamay na patunay ito’y gumaling, ngunit binalak ng mga Pariseo at eskriba kung paano sila magbubunyi laban kay Hesus. Nakita natin sa Ebanghelyo ang isang pagpapagaling ni Kristo sa Araw ng Pamamahinga. Ngunit nais ipakita sa atin ni Hesus na bilang Panginoon ng Sabat, ang banal na araw na ito ay ginawa ng Diyos para sa tao, hindi ang tao ang lumikha ng Sabat para higpitin ito. Bilang mga Kristiyano, ang ating Araw ng Pagmamahinga ay Linggo/Sunday, ngunit hindi lang siya pisikal na pagpapahinga pagkatapos ang isang linggo ng pagtatrabaho. Nariyan rin ang espirituwalna pagpapahinga sa pamamagitan ng pagdiriwang sa Banal na Misa at paggawa ng tama at kabutihan sa kapwa. Ito’y paalala sa atin na ang bawat araw na Linggo ay isang araw ng Panginoon sapagkat inaalala natin ang kanyang Muling Pagkabuhay na nagdulot ng “dawning of a new creation”. Kaya nawa sa ating buhay na sa bawat pagsunod natin sa mga batas ng panahon ay huwag nating kalimutan na isabuhay ang mga diwa nito sa pagpapakita ng pagmamahal sa Diyos at pagmamahal sa kapwa-tao.
PAGNINILAY
Isang babae na abalang-abala sa pagpunta sa simbahan upang isagawa ang kanyang mga debosyon na hindi niya napapansin ang mga pulubi o mga bata sa daan na tumatawag sa kanya. Isang araw, dumating siya sa tamang oras para sa serbisyo, ngunit sarado ng mahigpit ang pinto ng simbahan. Sa kanyang pagkabalisa ay tumingala siya at nakita ang isang paunawa na nakaipit sa pinto. Sinasabi nito, ‘Nandiyan ako sa labas!’ Tunay na ginagawa natin ang mga kumikislap kung saan pinipili nating makita ang buhay. Batid ba natin ang panganib ng pagsasara ng ating sariling puso sa pagdurusa ng iba at maging sa presensya ng Diyos kay Hesus para sa katulad na mga kadahilanan?
Panginoong Hesus, bigyan Mo kami ng pusong mahabagin upang tumulong sa mga nangangailangan.? Amen.
***
sinabi ng Panginoon kapag nakikita mo ang iyong kapwa na nasa ilalim ng kasalanan at hindi mo pinagsabihan o pinaaalalahanan tayo din ay nagkakasala.
bilang tayo ay binyagan, tunay na kabahagi sa misyon ni Jesus sa pagkapari, propeta at hari, mahalaga at lakas loob natin kondenahin ang ating kapatid na gumagawa ng labag sa ating pananampalataya tulad ni San Pablo at lahat ng Apostol at mga propeta. Ganon din sa ating sambahayan ,sa ating comunidad, at sa mga namumuno sa ating bansa. dapat maipahayag natin ng may paninindigan ang liwanag na ipinagkaloob sa atin ng ating Panginoon sa pamamagitan ng social media at iba pang platforms.
sa ating ebanghelyo, ipinapakita ng ating Panginoong Jesus kung paano Niya ipinapahayag ang mabuting balita sa salita at gawa.
ganon din dapat tayo, every words we speak ay kaakibat nito ay gawa.
it is wrtten, without holiness no one will see God. Holiness is loving God and your neigbhors. this is inseparable. every gising is an opportunity to glorify God, love God through our neighbors- family, relatives, friends, community, country.
we must be an active contemplation of God’s love in all circumstances. AMEN
Dear Lord,we cannot be like you, imitate you withour your graces.
May we request to give us the strength, courage, and understanding to fulfill the mission given to us. Amen