Podcast: Download (Duration: 6:13 — 4.4MB)
PANALANGIN NG BAYAN
Ikawalong Linggo sa Karaniwang Panahon
Martes
Mulat sa panganib ng ating pagtitiwala sa mga layaw ng mundong ito, itinataas natin ang ating mga puso sa maalab na pananalangin sa Ama.
Panginoon, dinggin Mo ang aming panalangin.
o kaya
Ama, ikaw ang lahat-lahat sa amin.
Ang Simbahan sa buong sandaigdigan nawa’y maging matibay at tunay na tanda ng daan tungo sa walang katapusang kaligayahan at buhay na walang hanggan, manalangin tayo sa Panginoon.
Tayong lahat nawa’y matutong magtiwala sa mga espiritwal na pinahahalagahan na siyang nagpapayaman ng buo nating katauhan at hindi sa mga materyal na kayamanan na nagbibigay ng kawalang kasiyahan sa ating mga kaluluwa, manalangin tayo sa Panginoon.
Ang ating mga puso nawa’y hindi natin isara sa mga nangangailangan, at sa halip maging mulat tayo sa pakiisa sa mga gawain ni Kristo na nagpapagaling at nakapagbabalik-loob, manalangin tayo sa Panginoon.
Ang mga maysakit at mga may kapansanan nawa’y madama nila ang kalinga ng Panginoon sa pamamagitan ng pag-ibig ng kanilang mga kapitbahay at mga kaibigan, manalangin tayo sa Panginoon.
Ang mga pumanaw nating mga kamag-anak at mga kaibigan nawa’y humimlay sa makalangit na kapayapaan ng Diyos, manalangin tayo sa Panginoon.
Makalangit na Ama, tingnan mo nang may habag ang mga nangangailangan. Liwanagan mo ng iyong katotohanan ang aming buhay at bigyan kami ng biyaya na mamuhay ayon sa mataas na pagpapahalaga sa amin ng iyong Anak na si Jesu-Kristo, siya na nabubuhay at naghahari kasama mo at ng Espiritu Santo magpasawalang hanggan. Amen.
Pages: 1 2
« Lunes, Marso 3, 2025
Miyerkules, Marso 5, 2025 »
{ 7 comments… read them below or add one }
PAGNINILAY: Matapos ang mahabang panahon ng pagdiriwang ng Misteryong Paskwal sa mga Panahon ng Kuwaresma, Banal na Triduo, at Pasko ng Pagkabuhay, muli tayong bumabalik sa kulay na luntian, dahil sa isa na namang mahabang panahon hanggang dulo ng Nobyembre, tayo ay nasa tinatawag nating Karaniwang Panahon. Bagamat karaniwan dahil sa pag-alala sa Ministeryong Pampubliko ng Panginoon, ito ang nagpapakita sa ekstraordinaryong pag-ibig ng Diyos na nagpahayag ng kanyang presensiya sa pamamagitan ng kanyang Anak na nagaral ng Mabuting Balita at gumawa ng mga kababalaghan.
Ang Ebanghelyo ngayon ay ang kasunod ng pangyayari matapos ang hamon ni Hesus sa isang mayamang binata na ibenta ang lahat ng ari-arian at sumunod sa kanya upang magkaroon ng kayamanan sa langit. Itong lalaki ay umuwing malungkot dahil hindi niya kanyang ibenta ang lahat ng pinaghirapan niya. Subalit ‘di niya naunawaan ang nais ipahayag ni Hesus, kaya’t sinabi ng Panginoon na mas madali pa pumasok ang kamelyo sa butas ng karayom kaysa sa mga mayayamang hindi kumikilalang sa Diyos na nagbibigay sa kanila ng kanilang mga ari-arian. Kaya ang tugon ni San Pedro ngayon sa Ebanghelyo ay parang nais niyang patunayan na siya at ang mga kapwa niyang Apostol ay iniwan na ang lahat, at sumunod sa Panginoon. Subalit tugon ni Hesus ay hindi lang iyon ang kanilang gawain. Sila ay inaatasang matuto mula sa Guro at Panginoon nila. At ang handog ni Hesus sa ating lahat ay buhay na walang hanggan, na siyang makakamit kung ang tao ay magsisikap kahit mahirap.
Hindi naman literal na gusto ni Kristo na iwanan natin ang ating mga pamilya. Sa wikang Griyego, ang ginamit na salita ng Panginoon tungkol sa pakikitungo sa mga bagay ay “prayoridad”, na kung saan hinihikayat ni Hesus ang mga tagapakinig niya at alagad na gawing “numero uno” ang Diyos sa ating buhay. At hindi ito awtomatikong mangyayari kung walang partisipasyon bilang ating papel. Kaya ang hamon ng matuwid na lalaking si Sirac sa Unang Pagbasa ay sumunod sa mga utos ng Panginoon dahil ito’y kasingpantay ng pag-aalay ng mga handog noong panahon ng mga Israelita. At ang utos ng Diyos ay magmahal sa pamamagitan ng paggawa ng mabuti at pag-iiwas sa masama. Kung ganito ang ating kalakaran mula sa kapakumbabaan ng ating mga puso, makakamit natin ang gantimpala ng buhay na walang hanggan sa kalangitan.
Paano ka maghandog sa Diyos? Ang Diyos ay tumatanggap ng kahit na ano, basta mula sa puso. Kadalasan ang bigay natin sa Diyos ay yung labis lamang. Halimbawa, mas mahal ang ticket sa sinehan kesa limos sa simbahan. Mas mahal ang handog na bulaklak sa nililigawan kesa alay sa simbahan atbp. Ngunit ang Diyos kung maghandog ay lubos, maging Kanyang Anak ay ibinigay sa sanlibutan. Kaya nawa’y masuklian natin ng kabutihan ang bigay sa atin ng Diyos. Ang magsabuhay ng Kanyang salita ay mainam na regalo ng tao. Kaya, ano na nga ba, ang naihandog natin sa Diyos?
Ang buod ng unang pagbasa ay Umiwas ka sa masama at kalulugdan ka ng Panginoon, ang bawat pangungusap sa unang pagbasa ay hindi ginamitan ng malalalim na talinghaga, napakasarap pagnilayan. Maari mo itong i-copy paste at ishare sa mag GC nyo ng iyong pamilya at mga kaibigan ng sa gayon ay makaisa ka sa pagpapalaganap ng mabuting balita na isa din sa ating mga tungkulin bilang Kristyano.
Ang ebanhelyo ay nakatuon sa generosity at priority. Maging bukas palad tayo lalo na sa mga lubos na nangngailanagan, tumulong ng hindi nagbibilang, magbigay na wag ang sobra mo lang, at kapag naglimos ay wag ng ipagsabi kahit sa matalik mong kaibigan dahil kapag ginawa mo iyon ay tinanggap mo na ang iyong gantimpala ngunit kapag pinaglihim mo iyon, Aang Diyos sa langit ang magbibigay sayo ng gantimpala. Priority sapagkat sinasabi ng ebanghelyo na wag tayong magfocus sa mga materyal o mga bagay dito sa lupa bagkus ay unahin palagi si Hesus at kung ano man ang ibinigay mo ay makaisandaan ang balik nito galing sa langit.
AMANG NASA LANGIT PINUPURI’T PINASALAMATAN KA NAMIN SA MGA MINSAHI MONG ALAY ARAW2. LALO NA SA ARAW NA ITO. ANG MAGING BUKAS PALAD SA MGA NANGA2ILANGAN. AT PAGSUNOD SAYONG KALOOBAN.. SA IBANGHELYONG AMING NAPAGNILAYAN.. MULA SA ISANG BINATANG MAYAMAN NA NAGNANAIS MAKAPASOK SA KAHARIAN NG LANGIT.. SUBALIT NG MARINIG NIYANG KAILANGAN IPAGBILI NIYA ANG KANYANG KAYAMANAN AT IBAHAGI SA MGA DUKHA UPANG MAGKAROON SIYA NG BUHAY NA WALANG HANGGAN. HINDI NIYA MATANGGAP. BAKIT DAHIL SA SIYAY TANYAG SA MADLA
KADALASAN NAPALAYO ANG TAO SA GRASYA NG DIOS dahil sa posission mga katungkulan sa ibat-ibang kumunidad,o sabihin na natin siya ang source of income sa pamilya na kung kaya pag nagsalita astig very commanded at kapag hindi agad nasunod nagagamit at nanunumbat pa sa mga naitulong.. aminin man o hindi ito ang katutuhanan ayaw nating malamangan gusto laging bida at kapag napagsabihan sa tamang pag-uugali nagagalit at ayaw makinig sabay talikod na may pagkanti na salita.. katulad sa ating ebanghelyo umalis ang binatang mayaman matapos sabihin sa kanya ang katutuhanan. hindi niya matanggap. ganun din tayo.kaya ating idalangin sa2 DIOS na matutu tayong sumunod sa kanyang kalooban at ang handog na nais ng DIOS ay ang katapatan ng ating mga PUSO.handog pasasalamat at papuri sa kanyang banal na pangalan..
manalangin tayo:
lord JESUS patawarin mo po kami kung hindi parin namin natalikuran ang aming mga gawang lihis at paluktot na pag-iisip. mga kasalanang paulit2 .
tulongan mo kaming makapag bagong buhay at matutung sumunod sayong kaluoban..hindi namin kayang gawin ito kung wala ang iyong habag at awa. nanalig kami’y hindi mo bibiguin sapagkat ang sabi mo anuman ang hingin namin sa pawang ikabubuti namin ito’y ipagkaloob mo.. At sa tulong ng INANG Birhen Maria sa kanyang pamamagitan itoy aming makamtan sa ngalan ni JESUS Amen… ???
PAGNINILAY:
Ang Ebanghelyo sa araw na ito ay nagpapakita ng kahalagahan ng pagsunod kay Hesus nang walang pag-aalinlangan. Ang pag-iwan sa mga materyal na bagay at relasyon ng dahil sa Kanya ay hindi madaling desisyon kundi ito ay ang radikal na hakbang na paglimot ng sariling nasa, ngunit ipinapangako ni Hesus ang makasandaang ibayo o masaganang gantimpala sa mga handang magsakripisyo. Ang mga pagpapalang ito ay hindi lamang sa mundong ito kundi pati na rin sa buhay na walang hanggan.
Gayunpaman, binanggit din ni Hesus na ang mga pagpapalang ito ay may kalakip na pag-uusig, na nagpapaalala sa atin na ang pagsunod sa Kanya ay maaaring may kaakibat na mga pagsubok at hamon. Ang pahayag na “maraming nauuna na magiging huli, at maraming nahuhuli na magiging una” ay nagpapahiwatig na ang tunay na halaga ng isang tao sa kaharian ng Diyos ay hindi nakabatay sa makalupang tagumpay o posisyon, at estado sa buhay, kundi sa kanilang puso at dedikasyon sa pagsunod sa Kanya.
Sa Unang Pagbasa (Sirak 35:1-15), itinuro na ang pagsunod sa Kautusan, paggawa ng mabuti, at pagbibigay ng tapat na handog sa Diyos ay katanggap-tanggap sa Kanya. Pinapahalagahan ng Diyos ang taos-pusong pag-aalay at katarungan kaysa sa materyal na handog.
Ang dalawang pagbasa ay nagtuturo ng mahalagang aral tungkol sa tunay na halaga ng pagsunod sa Diyos. Sa ating pag-aalay ng sarili sa paglilingkod, maaaring may sakripisyong kaakibat, ngunit hindi ito lingid sa Panginoon. Alam Niya ang ating mga pagsisikap at tiniyak Niya na may gantimpalang naghihintay—hindi lamang sa buhay na ito kundi lalo na sa Kanyang kaharian. Gayundin, itinuro ng Sirak na hindi nasusukat sa dami o halaga ang ating handog sa Diyos kundi sa katapatan ng ating puso sa pagsunod sa Kanyang kautusan.
Ang mga pagbasa ay paalala na unahin at maging matapat tayo sa pagsunod sa Panginoon, at huwag tayong manghinayang sa anumang nawala sa atin para sa Kanya, sapagkat Siya mismo ang magpupuno at magbibigay ng higit pa sa ating inaasahan.
Hamon sa Ating Buhay Pananampalataya:
1. Pinapahalagahan ko ba ang pagsunod sa utos ng Diyos ng higit sa mga panlabas na handog?
2. Ang aking paglilingkod ba sa Diyos at kapwa ay mula sa isang pusong masaya at tapat?
3. Paano ko maisasabuhay ang pagiging bukas-palad sa pagbibigay hindi lamang ng materyal na bagay kundi pati ng oras, talento, at malasakit sa iba?
Manalangin tayo. Aming Ama, turuan Mo po kami na higit na pahalagahan ang pagsunod sa Iyong kalooban higit sa anumang panlabas na sakripisyo. Gawin Mo kaming bukas-palad sa pagbibigay at matapat sa aming paglilingkod sa Iyo at sa aming kapwa. Nawa’y ang aming mga buhay ay maging kalugod-lugod na handog sa Iyo. Amen.
Tumimo sa akin ang Mabuting balita, naalaala ko ito ng ang aking Ina ay namatay nakaburol siya., at kami ay may gawain sa simbahan, pumapasok ang simbahan sa pagdiriwang ng mahal na araw., sa daan ng Neo Cathuminado ay maraming pag hahanda, lalo na sa mga pagbasa., iniiwanan ko ang burol ng aking ina upang gawin ang para sa simbahan( at ito ay para sa ating mga kaluluwa uoang makakamit ng awa) marami daw ang naghahanap sa akin ayon sa aking mga kapatid, subalit alam ng mga kapatid ko na kami ay nag lilingkod sa simbahan, nauunawaan nila ang aming mga gawain, at sa awa ng Diyos, hindi kami napapahiwalay s kanya, patuloy pa rin kaming nag lilibgkod, may 10 taon ng mahigit pumanaw ang aking ina, at sa tuwing maririnig ko ito, ay naaalala ko ang tagpong ito…. mainam na iwan ang lahat para sa paglilingkod sa panginoon, ibayong ligaya at lakas ang matatamo., upang harapin ang mga pagsubok, Amen.
“Maghandog ka sa Panginoon nang ubos-kaya, maging bukas-palad ka sa Kanya, gaya ng ginawa Niya sa iyo.” Ang paalalang ito mula sa Aklat ng Sirak ay nag-aanyaya sa atin na ialay hindi lang ang ating kayamanan kundi pati ang ating puso at buhay sa Diyos. Ang tunay na handog ay hindi nasusukat sa halaga kundi sa pusong nagbibigay nang may pananampalataya at pagmamahal. Kapag inuna natin ang Diyos, Siya mismo ang magpupuno ng ating kakulangan.
Sa Ebanghelyo, sinabi ni Pedro, “Tingnan po ninyo, iniwan namin ang lahat at kami’y sumunod sa inyo.” Ito ay hamon sa atin na suriin kung ano ang handa nating isuko para sa Panginoon. Ang pagsunod kay Jesus ay nangangahulugan ng pagtitiwala sa Kanya nang buo at hindi pagkapit sa ating sariling kagustuhan. Handa ba akong iwan ang aking takot, pag-aalinlangan, at sariling plano upang ganap na sumunod sa Kanya?