Podcast: Download (Duration: 8:53 — 10.5MB)
Paggunita kay Santa Cecilia, dalaga at martir
1 Macabeo 6, 1-13
Salmo 9, 2-3. 4 at 6. 16b at 19
Poon, pupurihin kita
sapagkat ako’y ligtas na.
Lucas 20, 27-40
Subscribe to Awit at Papuri Communications YouTube Channel
Memorial of St. Cecilia, Virgin and Martyr (Red)
Mga Pagbasa mula sa
Sabado ng Ika-33 Linggo sa Karaniwang Panahon (I)
UNANG PAGBASA
1 Macabeo 6, 1-13
Pagbasa mula sa Unang aklat ng Macabeo
Noong mga araw na iyon, naglalakbay ang Haring Antioco sa mga lalawigan sa loob ng bansa. Nabalitaan niya na may lungsod na tinatawag na Elimain sa Persia. Bantog ito sa kayamanan sa pilak at ginto. Hindi lamang iyon, pati ang templo roon ay maraming kayamanan, tulad ng mga gintong helmet, baluti, at mga sandata. Ang mga ito ay iniwan doon ni Alejandrong anak ni Haring Felipe ng Macedonia, ang kauna-unahang hari sa Grecia. Sa paghahangad ni Antiocong matamo ang mga kayamanang ito, binalak niyang lusubin ang lungsod. Ang balak na ito ay umabot sa kaalaman ng mga tagaroon. Nabigo ang kanyang panukala, sapagkat nilabanan siya ng mga tagaroon. Malungkot siyang umurong at nagbalik sa Babilonia.
Nasa Persia ang Haring Antioco nang may magbalita sa kanya na napipilan at umurong ang mga hukbong pinasalakay sa Judea. Nabalitaan din niya na si Lisias at ang malaking hukbo nito ay napaurong din ng mga Israelita. Anupat ang mga Israelita’y bantog na sa lakas dahil sa nabihag nilang mga tauhan at kagamitan ng mga hukbong kanilang nalupig. Umabot din sa kaalaman niya na inalis na ang tinatawag niyang Kalapastanganang Walang Kapantay na inilagay niya sa altar sa Jerusalem at ang templo ay pinaligiran ng mataas na pader; pati ang kanyang lungsod ng Bet-sur ay iginawa ng kuta.
Sa mga balitang ito’y natakot ang hari at lubhang nabahala. Bunga ng kanyang mga kabiguan siya’y nagkasakit at naratay sa banig ng karamdaman. Maraming araw na nanaig sa kanya ang matinding kalungkutan, hanggang sa maramdaman niyang malapit na siyang mamatay.
Dahil dito, tinawag niya ang lahat niyang mga kaibigan at ganito ang sinabi, “Matagal na akong di makatulog dahil sa pag-aalala. Naitatanong ko sa aking sarili kung bakit ko dinaranas ang ganitong kahirapan. Alam naman ninyong hindi ako mahigpit sa aking pamamahala. Ngunit naalaala ko ang aking masamang ginawa sa Jerusalem. Inalis kong lahat ang mga kagamitang pilak at ginto sa templo, at ipinapatay ko ang mga mamamayan ng Judea kahit walang dahilan. Alam kong ito ang dahilan ng aking mga kahirapan. Ngayon, ako’y mamamatay sa ibang lupain.”
Ang Salita ng Diyos.
SALMONG TUGUNAN
Salmo 9, 2-3. 4 at 6. 16b at 19
Poon, pupurihin kita
sapagkat ako’y ligtas na.
O Panginoon ko, buong puso kitang pasasalamatan,
ang kahanga-hangang ginawa mo, Poon, aking isasaysay;
dahilan sa iyo, ako ay aawit na may kagalakan,
pupurihin kita, Panginoon naming Kataas-taasan.
Poon, pupurihin kita
sapagkat ako’y ligtas na.
Makita ka lamang ay nagsisiurong ang aking kaaway,
dahilan sa takot, sila’y nadarapa, hanggang sa mamatay.
Iyong hinatulan yaong mga Hentil at mga balakyot,
alaala nila balat ng lupa’y pinawi mong lubos.
Poon, pupurihin kita
sapagkat ako’y ligtas na.
Itong mga Hentil, nahulog sa hukay na ginawa nila,
sa kanilang bitag na umang sa akin, ang nahuli’y sila.
Di habang panahon na pababayaan ang nangaghihirap,
maging mga api, may bagong pag-asa na muling sisikat.
Poon, pupurihin kita
sapagkat ako’y ligtas na.
ALELUYA
2 Timoteo 1, 10
Aleluya! Aleluya!
Si Kristo ay nagtagumpay
nalupig ang kamatayan
nagningning ang pagkabuhay.
Aleluya! Aleluya!
MABUTING BALITA
Lucas 20, 27-40
Ang Mabuting Balita ng Panginoon ayon kay San Lucas
Noong panahong iyon, may ilang Saduseo na lumapit kay Hesus. Ang Saduseo’y hindi naniniwala na muling bubuhayin ang mga patay. “Guro,” anila, “naglagda po si Moises ng ganitong batas para sa amin: ‘Kung mamatay ang isang lalaki at maiwang walang anak ang kanyang asawa, ang kapatid na lalaki’y dapat pakasal sa balo upang magkaanak sila para sa namatay.’ May pitong magkakapatid na lalaki. Nag-asawa ang panganay, at namatay na walang anak. Napakasal sa balo ang pangalawa, at namatay. Gayun din ang nangyari sa pangatlo hanggang sa pampito: isa-isang napangasawa ng babae at pawang namatay na walang anak. Sa kahuli-huliha’y namatay naman ang babae. Sa muling pagkabuhay, sino po sa pito ang kikilalaning asawa niya yamang napangasawa niya silang lahat?”
Sumagot si Hesus, “Sa buhay na ito, ang lalaki at mga babae’y nag-aasawa, ngunit ang lalaki’t babaing karapat-dapat na muling buhayin para sa kabilang buhay ay hindi na mag-aasawa. Hindi na sila mamamatay sapagkat matutulad sila sa mga anghel. At sila’y mga anak ng Diyos yamang muli silang binuhay. Maging si Moises ay nagpapatunay na muling binubuhay ang mga patay. Sapagkat sa kanyang kasaysayan hinggil sa nagliliyab na mababang punongkahoy, ang Panginoon ay tinawag niyang ‘Diyos ni Abraham, Diyos ni Isaac at Diyos ni Jacob.’ Ngunit ang Diyos ay hindi Diyos ng mga patay kundi ng mga buhay – sa kanya’y buhay ang lahat.” Sinabi ng ilan sa mga eskriba, “Magaling ang sagot ninyo, Guro!” At wala nang nangahas na magtanong sa kanya ng anuman.
Ang Mabuting Balita ng Panginoon.
Pages: 1 2
« Biyernes, Nobyembre 21, 2025
Linggo, Nobyembre 23, 2025 »
{ 7 comments… read them below or add one }
PAGNINILAY: Ang buong buwan ng Nobyembre ay inaalay para sa mga Yumaong Kristiyano, kasama na dito ang lahat ng ating mga mahal sa buhay na pumanaw na. Noong una at ika-2 ng buwang ito, inalala natin sila sa ating mga panalangin, ipinagmisa, at binista ang kanilang mga puntod dala ang mga kandila at bulaklak. Patuloy nating sila ginugunita sa buong Nobyembre dahil sa Panginoon na buhay. Ibig sabihin na may pag-asa pang naghihintay para sa atin matapos tayong papanaw sa mundong ito.
At ito’y pinatototoo ng Panginoong Hesus sa Ebanghelyo bilang pahayag na mayroon ngang “muling pagkabuhay,” na ito naman ay hindi pinaniniwalaan ng mga Saduceo. Kaya nagbanggit sila ng isang sitwasyon kung saan 7 magkapatid na lalaki ay nagpakasal sa iisang babae matapos mamatay ang isa, ngunit hindi nagkaanak. Kaya pagdatng ng “pagkabuhay na mag-uli”, kanino raw sa 7 magkapatid ang kikilaning asawa. Tugon ni Hesus na hindi kailanma’y sila’y kasal habambuhay kapag nasa kabilang buhay na. Kaya ang pagsasama ng babae at lalaki bilang mag-asawa ay hanggang sa mundo nito lamang. Subalit sa kabilang buhay, lahat ng tao ay magiging pantay na tatawaging anak ng Kataas-taasang Diyos. Ito’y patunay na mayroon talagang pag-asang naghihintay sa pamamagitan ng biyaya ng buhay na walang hanggan. At ito’y patotoo na ang Panginoon ay Diyos ng buhay, hindi ng patay, sapagkat ang lahat sa kanya ay tunay na buhay.
Kaya nga n’ung si Hesus ay namatay sa Krus at inilibing, siya’y nabuhay na mag-uli upang ipamalas sa atin na wala nang kamandag ang kamatayan na manatiling tapos ang ating buhay. Kaya huwag po tayong matakot sa kamatayan sapagkat lahat tayo ay papanaw sa daigdig na ito. Subalit lahat tayo ay muling mabubuhay at kakamtan ang kaligayan ng buhay na walang hanggan sa kalangitan.
Kaya nawa maging makabuluhan ang ating buhay dito sa lupa upang patuloy natin ang pagpapalaganap ng Paghahari ng Panginoon na nasa Langit.
May mga taong makasalanan dahil ang katwiran nila ay mamamatay din naman tayong lahat at matatapos kung anuman ang meron tayo ngayon. Oo tama mamamatay tayong lahat pero meron pang kabilang buhay na dadalawa lamang ang hantungan. Ang isa’y impyerno na walang katapusang pighati at gutom, uhaw at paghihirap ang daranasin mo. Ang isa nama’y paraiso, magiging isa ka sa mga anghel na kapiling ang mahal na inang birhen at si Hesus, puro kasiyahan, pagmamahalan at tunay na kaligayahan ang mararamdaman. Ang dalawang hantungan na ito ay nakabatay sa naging pamumuhay sa lupa nung ikaw ay nabubuhay pa. Kung sinunod mo ang mga kautusan o walng takot sa Diyos mong sinuway ang mga ito.
Kapatid, suriin mo ang iyong sarili ngayon, ikaw ba ay nararapat sa paraiso sa sususnod mong buhay o magtitiis kanng habang panahon sa napakainit at puro paghihirap ang daranasin. Kung ikaw nman sa palagay mo ay makasalanan ka hanggang ngayon ay hindi pa huli ang lahat. Umpisahan mo ngayon, magsisi ka na… humingi ng kapatawaran sa Ama… at sikapin ng matalikuran ang kasamaan. Manalig ka sapagkat kunalulugdan ng Diyos ang nagbabalik loob sa kanya. Matatandaang iniwan ng mabuting pastol ang siyamnaput syam na tupa upang hanapin ang isang naliligaw ng landas. At ng matagpuan nya ito ay sya ay nagdiwang.
Pagninilay sa Mabuting Balita:
Ano ang kahulugan ng buhay? Para sa mga walang pananampalataya kay Hesukristo, ito ay ang kakayahang makita, maramdaman, at may magawa tayong maaaring maging batayan na tayo ay buhay. Kung wala na lahat ito, tayo ay masasabing yumao na o namatay. At para sa ibang naniniwala na si Hesus ang Buhay, Daan, at nagsasabing ito ay totoo dahil siya mismo ang Katotohanan, at naniniwala na tayo ay na kay Kristo, at sa kadahilanang si Kristo ay hindi nagbago nuon, ngayon, at bukas, ito ay nangangahulugan ng walang katapusan. Sa ganang ito paano tayo mamatay kung ang mismong Buhay ay nasa atin? Mahirap intindihin ang mga bagay na ito kung wala sa atin ang Banal na Espiritu, siya lamang ang magbubukas ng ating puso at kaisipan, ng karunungan tungkol sa buhay. Pero mauuna muna ang ating pananalig o pananampalataya kay Hesus dahil siya ang taga sugo ng Espiritu. Ang nabubuhay sa Buhay kailanman ay hindi mamamatay. Ang buhay na walang Buhay bagama’t naniniwala na siya ay buhay ay matagal nang patay.
PAGNINILAY
Malinaw na ipinahayag ni Hesus na mayroon langit at ang mga karapat-dapat na namuhay sa lupa ay pupunta doon. At pinatunayan Niya ito sa pamamagitan ng pagbangon mula sa mga patay at pag-akyat sa langit. Ano pa ang magagawa ng Diyos para kumbinsihin tayo? Ang langit ay kasing totoo ng sahig na ating kinatatayuan. Ngunit ang buhay pagkatapos ng kamatayan ay isang ganap na naiibang kaharian. Malayo pa ito sa atin. Tiyak na hindi ito magiging katulad ng mundong ito. Gayunpaman, kung namumuhay tayo sa isang mapagmahal at buong pusong paraan, kung palagi tayong nagsusumikap na mahalin at tanggapin ang isa’t isa, hindi tayo dapat mag-alala tungkol sa kung ano ang naghihintay sa atin sa “kabilang panig”. Nawa’y itigil na natin ang pagiging malungkot, natatakot na mga Kristiyano at hayaan ang ating buhay na maging isang masaya, mapagmahal, walang takot na patotoo – sa sakit o sa kalusugan, para sa mas mayaman o mahirap, sa trabaho at sa paglalaro – na ang langit ay umiiral at ang Diyos ay mabuti, ngayon at magpakailanman .
Panginoong Hesus, dalangin namin na balang araw kami at ang aming mga mahal sa buhay ay makasama Mo sa buhay na walang hanggan. Amen.
***
PAGNINILAY: Ang buong buwan ng Nobyembre ay inaalay para sa mga Yumaong Kristiyano, kasama na dito ang lahat ng ating mga mahal sa buhay na pumanaw na. Noong una at ika-2 ng buwang ito, inalala natin sila sa ating mga panalangin, ipinagmisa, at binista ang kanilang mga puntod dala ang mga kandila at bulaklak. Patuloy nating sila ginugunita sa buong Nobyembre dahil sa Panginoon na buhay. Ibig sabihin na may pag-asa pang naghihintay para sa atin matapos tayong papanaw sa mundong ito.
At ito’y pinatototoo ng Panginoong Hesus sa Ebanghelyo para bukas bilang pahayag na mayroon ngang “muling pagkabuhay,” na ito naman ay hindi pinaniniwalaan ng mga Saduceo. Kaya nagbanggit sila ng isang sitwasyon kung saan 7 magkapatid na lalaki ay nagpakasal sa iisang babae matapos mamatay ang isa, ngunit hindi nagkaanak. Kaya pagdatng ng “pagkabuhay na mag-uli”, kanino raw sa 7 magkapatid ang kikilaning asawa. Tugon ni Hesus na hindi kailanma’y sila’y kasal habambuhay kapag nasa kabilang buhay na. Kaya ang pagsasama ng babae at lalaki bilang mag-asawa ay hanggang sa mundo nito lamang. Subalit sa kabilang buhay, lahat ng tao ay magiging pantay na tatawaging anak ng Kataas-taasang Diyos. Ito’y patunay na mayroon talagang pag-asang naghihintay sa pamamagitan ng biyaya ng buhay na walang hanggan. At ito’y patotoo na ang Panginoon ay Diyos ng buhay, hindi ng patay, sapagkat ang lahat sa kanya ay tunay na buhay.
Kaya nga n’ung si Hesus ay namatay sa Krus at inilibing, siya’y nabuhay na mag-uli upang ipamalas sa atin na wala nang kamandag ang kamatayan na manatiling tapos ang ating buhay. Kaya huwag po tayong matakot sa kamatayan sapagkat lahat tayo ay papanaw sa daigdig na ito. Subalit lahat tayo ay muling mabubuhay at kakamtan ang kaligayan ng buhay na walang hanggan sa kalangitan.
Kaya nawa maging makabuluhan ang ating buhay dito sa lupa upang patuloy natin ang pagpapalaganap ng Paghahari ng Panginoon na nasa Langit.
PAGNINILAY
Lucas 20:27–40
“Buhay”
Sa paglapit ng mga Saduseo kay Hesus, hindi nila intensiyong matuto, kundi silawin, lituhin, at subukin ang Panginoon. Ginamit nila ang batas ni Moises bilang bitag upang hamunin ang turo tungkol sa muling pagkabuhay. Ngunit sa halip na mahulog sa patibong, ibinukas ni Hesus ang isang napakalalim na katotohanan: Ang Diyos na ating sinasamba ay Diyos ng Buhay — at ang sinumang nasa Kanya ay hindi nagwawakas sa kamatayan.
Ang tagpong ito ay hindi lamang debate. Ito ay paghahayag:
May mas malawak, mas malalim, at mas gloriosong realidad ang buhay kaysa sa nakikita ng tao.
Upang mas maintindihan ang tensyon sa Ebanghelyo, mahalagang malaman kung sino ang mga Saduseo: Isa sila sa pangunahing sekta ng mga Hudyo noong panahon ni Hesus. Binubuo ng mayayaman, may impluwensya, at naglilingkod sa Templo—madalas ay mga pari at aristokrata. Naniniwala lamang sila sa Pentateuch (unang limang aklat ni Moises). Dahil dito, hindi sila naniniwala sa: muling pagkabuhay ng mga patay, anghel, espiritu,at buhay na walang hanggan. Sa madaling sabi, ang pananampalataya nila ay hanggang dito lamang sa lupa.Ito ang dahilan kung bakit lumapit sila kay Hesus na may kwentong gawa-gawa upang pagtawanan ang ideya ng resurrection.
THEOLOGICAL INSIGHT
1. Diyos ng mga Buhay.Nang tawagin ni Moises ang Diyos bilang “Diyos nina Abraham, Isaac, at Jacob,” ipinakita ni Hesus na ang Diyos ay Diyos ng mga umiiral. Ang Kanyang pag-ibig ay hindi natitinag ng kamatayan.
2. Ibang realidad ang buhay na walang hanggan.Sa kabilang buhay, hindi na kailangan ang mga institusyong panlupa tulad ng pag-aasawa; tayo’y magiging ganap sa presensya ng Diyos, tulad ng mga anghel.
3. Resurrection begins now.Ang muling pagkabuhay ay hindi lamang hinaharap — ito’y nagsisimula sa buhay na binabago ng biyaya araw-araw.
4. Ang totoong pananampalataya ay naghahanap ng liwanag.Habang ang Saduseo ay nagtatanong upang manalo sa argumento, ang alagad ni Kristo ay nagtatanong upang lumago sa katotohanan.
PAGSASABUHAY:
-Mamuhay bilang anak ng muling pagkabuhay. Iwaksi ang galit, inggit, at kayabangan, mga bagay na walang lugar sa langit.
-Maglingkod na may pananaw ng walang hanggan. Ang sakripisyo ay nagiging handog kapag ito’y para sa Diyos.
-Iwasan ang buhay na nakatali sa panlupa. Huwag maging katulad ng mga Saduseo na limitado ang pananaw.
-Magbigay pag-asa sa mga nagdadalamhati. Ang kamatayan ay hindi katapusan, kundi pintuan patungo sa Diyos na Buhay.
WORD OF THE DAY: “BUHAY”
Isang paalala na ang Diyos ay patuloy na nagpapabuhay — hindi lamang sa katawan, kundi pati sa puso, pag-asa, misyon, at relasyon. Walang “patay” na hindi kayang buhayin muli ng Panginoon.
PANALANGIN:
Amang Diyos na Buhay,buksan Mo ang aming isip at puso upang makita ang katotohanan ng muling pagkabuhay. Palalimin Mo ang aming pananampalataya, at buhayin Mo ang mga bahagi ng aming buhay na tila nauupos. Gawin Mo kaming saksi ng pag-asa at liwanag, upang makilala Ka namin bilang Diyos ng mga Buhay. Sa ngalan ni Hesus na Muling Nabuhay. Amen.
PAGNINILAY:
Ang muling pagkabuhay ay lohikal na bunga ng pag-ibig ng Diyos. Ano ang saysay ng lahat nating pagmamahal at pagsisilbi sa Diyos at sa kapwa kung sa huli’y mamatay lang tayo at maglalaho? Ang Diyos ay pag-ibig at ang pag-ibig ay nananatili. Buhay at buhay na di magwawakas ang tanging kaloob na nararapat sa pag-ibig. Nagmamahal tayo para mabuhay. Ang pag-ibig ang patunay na mayroong Diyos at mayroong buhay na walang hanggan.
Ang mga Saduseyong hindi naniniwala sa pagkabuhay ng mga patay dahil sinasabi nilang walang sinulat si Moses tungkol dito. Kung ipagtatanggol ni Jesus ang konsepto ng pagkabuhay, ang mga Saduseo ay magagalit; kung hindi ito gagawin ni Jesus, ang mga Pariseo ay magagalit. Kaya, tinanong nila si Jesus kung sino, sa Langit, ang magiging asawa ng babaing sunud-sunod na napangasawa ng pitong magkakapatid at namatay na walang anak. Ipinalaliwanag ni Jesus na ang kabilang buhay ay hindi pag-uulit ng buhay na ito. Mag-iiba ang mga bagay pagkatapos ng kamatayan (cf. Kadavil). TAYO ay mga tao ng PASKO NG MULING PAGKABUHAY! Kaya, inaanyayahan tayo na MAMUHAY ng masaya at mapayapang buhay. Nawa’y ito ay maging PATUNAY ng ating karanasan sa TUNAY na presensiya ng MULING NABUHAY NA PANGINOON, isang katiyakan na ang ating katawan ay muling bubuhayin. Nawa ang bawat kilos natin ay sumasalamin sa ating paniniwala sa BUHAY NG DIYOS.
GAWAIN: JESUS I TRUST IN YOU.
PANALANGIN:
Panginoong Jesus, Namatay Ka para sa atin upang magkaroon tayo ng buhay na walang hanggan. Itinuturo Mo sa akin na huwag aking ikabit ang aking puso sa mga bagay sa lupa, kundi itakda ang aking puso sa walang hanggan kung saan ako, isang araw ay makikita Ka nang harapan. Tulungan Mo akong pagnasaan Ka lamang upang maipokus ko ang aking lakas sa pag-ibig at paglilingkod sa Iyo.
Amen