Podcast: Download (Duration: 5:34 — 7.5MB)
Paggunita sa Mahal na Birheng Maria ng Bundok del Carmen
Zacarias 2, 14-17
Lucas 1, 46-47. 48-49. 50-51. 52-53. 54-55
D’yos ay Makapangyarihan,
Banal ang kanyang pangalan.
o kaya
Mahal na Birheng Maria,
Ina ng Anak ng Ama.
Mateo 12, 46-50
Subscribe to Awit at Papuri Communications YouTube Channel
Memorial of Our Lady of Mount Carmel (White)
UNANG PAGBASA
Zacarias 2, 14-17
Pagbasa mula sa aklat ni propeta Zacarias
Sinabi ng Panginoon, “Umawit ka sa kagalakan, bayan ng Sion, pagkat maninirahan na ako sa piling mo.”
Sa araw na yaon, maraming bansa ang sama-samang magpupuri sa Panginoon at pasasakop sa kanya. Siya’y maninirahan sa gitna ninyo. Sa gayun, malalaman ninyong sinugo ako ng Panginoon. Muli niyang kukupkupin, ituturing na kanyang sarili, at itatangi ang Jerusalem.
Manahimik sa harapan ng Panginoon ang lahat ng nilalang, pagkat siya’y tumindig mula sa kanyang templo.
Ang Salita ng Diyos.
SALMONG TUGUNAN
Lucas 1, 46-47. 48-49. 50-51. 52-53. 54-55
D’yos ay Makapangyarihan,
Banal ang kanyang pangalan.
o kaya
Mahal na Birheng Maria,
Ina ng Anak ng Ama.
Ang puso ko’y nagpupuri sa Panginoon,
at nagagalak ang aking espiritu dahil sa Diyos na aking Tagapagligtas.
D’yos ay Makapangyarihan,
Banal ang kanyang pangalan.
o kaya
Mahal na Birheng Maria,
Ina ng Anak ng Ama.
Sapagkat nilingap niya ang kanyang abang alipin!
At mula ngayon, ako’y tatawaging mapalad ng lahat ng salinlahi,
dahil sa mga dakilang bagay na ginawa sa akin ng Makapangyarihan —
Banal ang kanyang pangalan!
D’yos ay Makapangyarihan,
Banal ang kanyang pangalan.
o kaya
Mahal na Birheng Maria,
Ina ng Anak ng Ama.
Kinahahabagan niya ang mga may takot sa kanya, sa lahat ng sali’t saling lahi.
Ipinakita niya ang lakas ng kanyang mga bisig,
Pinangalat niya ang mga palalo ang isipan.
D’yos ay Makapangyarihan,
Banal ang kanyang pangalan.
o kaya
Mahal na Birheng Maria,
Ina ng Anak ng Ama.
Ibinagsak niya ang mga hari mula sa kanilang trono,
At itinaas ang mga nasa abang kalagayan.
Binusog niya ng mabubuting bagay ang mga nagugutom,
at pinalayas niyang wala ni anuman ang mayayaman.
D’yos ay Makapangyarihan,
Banal ang kanyang pangalan.
o kaya
Mahal na Birheng Maria,
Ina ng Anak ng Ama.
Tinulungan niya ang kanyang bayang Israel,
bilang pagtupad sa pangako niya sa ating mga magulang,
kay Abraham at sa kanyang lahi, magpakailanman!”
D’yos ay Makapangyarihan,
Banal ang kanyang pangalan.
o kaya
Mahal na Birheng Maria,
Ina ng Anak ng Ama.
ALELUYA
Lucas 11, 28
Aleluya! Aleluya!
Mapalad ang sumusunod
sa salitang buhat sa D’yos
at namumuhay nang angkop.
Aleluya! Aleluya!
MABUTING BALITA
Mateo 12, 46-50
Ang Mabuting Balita ng Panginoon ayon kay San Mateo
Noong panahong iyon, samantalang nagsasalita pa si Hesus sa mga tao, dumating ang kanyang ina at mga kapatid. Naghihintay sila sa labas at ibig siyang makausap. May nagsabi sa kanya, “Nasa labas po ang inyong ina at mga kapatid, at ibig kayong makausap.” Ngunit sinabi ni Hesus, “Sino ang aking ina, at sinu-sino ang aking mga kapatid? Itinuro niya ang kanyang mga alagad at sinabi, “Ito ang aking ina at mga kapatid! Sapagkat ang sinumang sumusunod sa kalooban ng aking Amang nasa langit ang siya kong ina at mga kapatid.”
Ang Mabuting Balita ng Panginoon.
Pages: 1 2
« Miyerkules, Hulyo 15, 2026
Huwebes, Hulyo 16, 2026 »
{ 2 comments… read them below or add one }
KAPATID isang salita ng Panginoong Hesukristo kung tayo ay sumusunod sa kalooban ng kanyang Ama na ating Ama. Si Maria na ating Ina na unang sumunod sa kalooban ng Diyos. Si Jose ang pangalawang ama sa pagsunod sa kalooban ng Diyos. Ang mga Alagad na namatay dahil sa pagsunod sa Ama. Kaya ang ating Ama sa langit kung karapat dapat tayong maging anak niya dapat tularan natin ang Panginooong Hesukristo upang mapabilang tayo na kanyang KAPATID at tawagin nating ina at ama ang kanyang magulang dito sa lupa para ng sa langit. Mahirap maunawaan ito kung walang pangunawa. Mabubuksan ang diwa ng mga taong magsisikap maging tunay na kapatid ni Kristo. Sa mga magshare nito handa ka na bang maging KAPATID NI kRISTO? Mawawala ang away, bangayan, kulto, manloloko,kung makikipag isa tayo sa ating KAPATID NA SI KRISTO. Sa pamamagitan ng Banal Na ESPIRITU maghahari ang KAPAYAPAAN, PAG-ASA, PANANAMPALATAYA AT PAG-IBIG NAGMUMULA SA SANTATLO.
MAGNILAY: Kung sino pa ang mga tunay na anak siya pang matigas ang ulo at hambog. Magdurusa sila kahit mga anak pa sila.
Ganito ang sitwasyon ng Corazin, Bethsaida at Capernaum na pawang mga Hudyong lunsod na kabilang sa bayan ng Diyos pero tumanggi sa pangaral ni Hesus. Kung nangaral siguro siya sa mga paganong lunsod ng Tiro, Sidon at Sodoma baka mas nakinig at nagbago pa sila. Tinagurian silang mga anak ng Diyos pero ayaw magsisi at magbago. Sinayang nila ang pagkakataon at pribilehiyo bilang mga anak ng Diyos. Aalisin at babawiin ito sa kanila.
Bilang mga Kristiyano pambihira din ang ating pribilehiyo mula sa Diyos. Pero tandaan natin kakambal ng pribilehiyo ang responsibilidad. Maging mas responsable tayo dapat kumpara sa mga hindi pa nakakilala sa kanya.
MANALANGIN: Panginoon, turuan mo ang pahalagahan ang pribilehiyo at biyayang kaloob mo sa akin.
GAWIN: Dahil anak ka ng Diyos maging mas responsable ka sa pagkakataong binigay sa iyo para magsisi at magbago.