Podcast: Download (Duration: 40:08 — 39.1MB)
PANALANGIN NG BAYAN
Ang Magdamagang Pagdiriwang sa Pasko ng Muling Pagkabuhay
Missalette (Tagalog)
Pinalakas ng presensya ng Panginoon sa ating piling at pinagbuklod ng Kanyang walang hanggang pag-ibig, magtapang tayong idulog ang ating mga kahilingan para sa pangangailangan ng sangkatauhan habang sabay-sabay nating sinasabi:
Panginoon, dinggin Mo Kami.
Upang ang buong Simbahan ay maranasan ang tunay na muling pagkabuhay at kalayaan mula sa lahat ng pagkatalo, kapintasan, at pagkaligaw sa buhay, manalangin tayo.
Upang ang Santo Papa at lahat ng mga pinunong espirituwal ay palakasin ng muling pagkabuhay ni Hesus at pagkalooban ng kagalakan sa kabila ng kanilang dinaranas na kahirapan, manalangin tayo.
Upang ang lahat ng bagong binyag ay manatiling tapat sa kanilang pangakong itakwil ang kasamaan at mamuhay ayon sa Mabuting Balita, manalangin tayo.
Upang ang lahat ng taong nasalanta ng digmaan at sakuna ng kalikasan ay makaranas ng kapayapaan at kagalakan ng muling pagkabuhay, manalangin tayo.
Panginoong Diyos, nawa’y ang kaluwalhatian ng muling pagkabuhay ng Iyong Anak ang magbigay-liwanag sa aming mga araw, pagtibayin kami sa gitna ng mga pagsubok, at gabayan kami patungo sa walang hanggang Pasko ng Pagkabuhay sa langit kung saan walang katapusan ang kagalakan. Ikaw ang nabubuhay at naghahari magpakailanman. Amen.
Pages: 1 2
« Biyernes, Abril 3, 2026
Linggo, Abril 5, 2026 »
{ 6 comments… read them below or add one }
Pagninilay: Ngayon ay ating ipinagdiriwang ang dakilang gabi ng ating kaligtasan. Ito ay tinatawag ni San Agustin na “ina ng lahat ng mga bihilya”. Sa gabing ito ay ipinagdiriwang natin ang pinakadakilang kapistahan ng ating Simbahan: ang Pasko ng Muling Pagkabuhay. Kaya ang Magdamagang Pagdiriwang na ito bagamat mahaba ay napakagandang makiisa. Makikita natin sa simula ang presensiya ng kadiliman. Sa kadilimang iyon ay inaalala natin ang Kamatayan sa Krus at Paglibing ni Hesus. Subalit mayroong isang apoy at ang Paschal candle na nagsasabi sa atin na may sumikat na liwanag sa dilim. Kaya’t iyan ang nais ipahayag ng Exsultet na tunay ngang si Kristo ay nabuhay, at siya ang ating liwanag na nagdulot sa atin ng kaligtasan. Ang mga mahahabang pagbasa at mga salmo ay nagsasalaysay sa kwento ng kaligtasan ng Diyos mula sa pagkalikha ng sangkatauhan hanggang sa Muling Pagkabuhay ng Panginoon. Ito’y isang paalala na katulad ni Hesus na tumawid mula sa kamatayan patungo sa buhay, tayo rin ay inaayahang tumawid mula sa kasalanan patungo sa grasya ng Diyos Ama. Kaya ang ikatlong bahagi ay paalala na tayo’y ginawang banal ng tubig ng binyag bilang kaisa ng Kamatayan at Pagkabuhay ni Kristo. Sinasariwain natin muli ang ating mga pangako sa binyag upang talikdan natin ang mga gawaing masama at tangkilikin natin ang mga dakila at mabuting gawain ng Diyos. Dahil natupad nga ang ating kaligtasan sa pamamagitan ng Misteryong Paskwal, tayong lahat ay nakiisa sa piging ng kanyang Katawan at Dugo upang pagsaluhan ang kanyang “sacramental presence” na nawa’y manahan ang kanyang liwanag sa ating buhay. Mga kapatid, ang kwento ng Misteryong Paskwal ni Hesus ay kwento rin ng ating buhay. Tunay ngang namatay ang Panginoon sa Krus upang tayo’y iligtas, subalit ang kanyang kamatayan ay nagsasabing hindi pa huli ang lahat. Ang kanyang sinapit na ito ay humantong sa kanyang Muling Pagkabuhay sa ikatlong araw, at siya’y nagtagumpay laban sa kasamaan at kamatayan. Dahil dito, tayo ay nagkaroon ng bagong buhay na nilikha tayo muli sa larawan at kaanyuan ng Ama. Kaya matapos nating gunitain ang mga Mahal na Araw, tayo ngayon ay pumapasok sa 50 araw ng Easter upang sariwain sa ating puso’t damdamin ang kanyang Pagkabuhay. Nawa’y tunay na manahan siya sa ating mga buhay na dala ang balitang siya’y tunay na nagtagumpay at nagligtas sa ating lahat. Nawa’y maging matatag tayo sa ating pananampalataya sa kanya upang isabuhay natin si Kristo sa ating paggawa ng kabutihan at katuwiran sa kapwa.
To God Be All The Glory…AMEN!
Pinupuri at pinasasalamatan ka namin Panginoong Hesuskristo, Ikaw ang pinaka makapangyarihan sa lahat ng sang sinukob at mapagpatawad sa lahat ng mga may kasalanan. PANGINOON KO AT DIYOS KO. AMEN
Pagninilay: Mamayang gabi ay ating ipagdiriwang ang dakilang gabi ng ating kaligtasan. Ito ay tinatawag ni San Agustin na “ina ng lahat ng mga bihilya”. Sa gabing iyon ay ipagdiriwang din natin ang pinakadakilang kapistahan ng ating Simbahan: ang Pasko ng Muling Pagkabuhay. Kaya ang Magdamagang Pagdiriwang na ito bagamat mahaba ay napakagandang makiisa. Makikita natin sa simula ang presensiya ng kadiliman. Sa kadilimang iyon ay inaalala natin ang Kamatayan sa Krus at Paglibing ni Hesus. Subalit mayroong isang apoy at ang Paschal candle na nagsasabi sa atin na may sumikat na liwanag sa dilim. Kaya’t iyan ang nais ipahayag ng Exsultet na tunay ngang si Kristo ay nabuhay, at siya ang ating liwanag na nagdulot sa atin ng kaligtasan. Ang mga mahahabang pagbasa at mga salmo ay nagsasalaysay sa kwento ng kaligtasan ng Diyos mula sa pagkalikha ng sangkatauhan hanggang sa Muling Pagkabuhay ng Panginoon. Ito’y isang paalala na katulad ni Hesus na tumawid mula sa kamatayan patungo sa buhay, tayo rin ay inaayahang tumawid mula sa kasalanan patungo sa grasya ng Diyos Ama. Kaya ang ikatlong bahagi ay paalala na tayo’y ginawang banal ng tubig ng binyag bilang kaisa ng Kamatayan at Pagkabuhay ni Kristo. Sinasariwain natin muli ang ating mga pangako sa binyag upang talikdan natin ang mga gawaing masama at tangkilikin natin ang mga dakila at mabuting gawain ng Diyos. Dahil natupad nga ang ating kaligtasan sa pamamagitan ng Misteryong Paskwal, tayong lahat ay nakiisa sa piging ng kanyang Katawan at Dugo upang pagsaluhan ang kanyang “sacramental presence” na nawa’y manahan ang kanyang liwanag sa ating buhay. Mga kapatid, ang kwento ng Misteryong Paskwal ni Hesus ay kwento rin ng ating buhay. Tunay ngang namatay ang Panginoon sa Krus upang tayo’y iligtas, subalit ang kanyang kamatayan ay nagsasabing hindi pa huli ang lahat. Ang kanyang sinapit na ito ay humantong sa kanyang Muling Pagkabuhay sa ikatlong araw, at siya’y nagtagumpay laban sa kasamaan at kamatayan. Dahil dito, tayo ay nagkaroon ng bagong buhay na nilikha tayo muli sa larawan at kaanyuan ng Ama. Kaya matapos nating gunitain ang mga Mahal na Araw, bukas Tayo ay papasok sa 50 araw ng Easter upang sariwain sa ating puso’t damdamin ang kanyang Pagkabuhay. Nawa’y tunay na manahan siya sa ating mga buhay na dala ang balitang siya’y tunay na nagtagumpay at nagligtas sa ating lahat. Nawa’y maging matatag tayo sa ating pananampalataya sa kanya upang isabuhay natin si Kristo sa ating paggawa ng kabutihan at katuwiran sa kapwa.
Genesis 1:1-31, 2:1-2
PAGNINILAY
Sa unang pagbasa, ipinahayag na nang pasimula bago ang anim na araw na paglikha, ang lupa ay walang anyo at walang laman at nababalutan ng kadiliman tulad ng puso ng tao na puno ng kasalanan kaya sa unang araw ay nilikha ang liwanag upang maihiwalay ang kadiliman tulad ng pagdating ni Jesus sa lupa upang bigyan liwanag ang puso ng mga tao sa pamamagitan ng kamatayan (gumabi) at muling pagkabuhay (nagkaumaga) ni Jesus.
“Nang simulang likhain ng Diyos ang lupa at ang langit, ang lupa ay wala pang hugis o anyo. Dilim ang bumabalot sa kalaliman at umiihip ang malakas na hangin sa ibabaw ng tubig. Sinabi ng Diyos: “Magkaroon ng liwanag!” At nagkaroon nga. Nasiyahan ang Diyos nang ito’y mamasdan. Pinagbukod niya ang liwanag at ang dilim. Ang liwanag ay tinawag niyang Araw, at ang dilim naman ay tinawag niyang Gabi. Dumaan ang gabi, at sumapit ang umaga – iyon ang unang araw.”
Genesis 22:1-18
Sa unang-pangalawang pagbasa, nang tawagin ng Dios na ialay ni Abraham ang kanyang anak na si Isaac sa bundok ng Moria ay may nakita si Abraham sa malayo pagkalipas ng tatlong araw. Itong nakita ni Abraham ay si Jesus na nabuhay muli pagkatapos ng tatlong araw na pagkalibing kung kaya’t nasabi ni Jesus ito :
“Natuwa ang inyong amang si Abraham nang malaman niyang makikita niya ang araw ng aking pagdating. Nakita nga niya ito at siya’y nagalak.” Dahil dito’y sinabi sa kanya ng mga Judio, “Wala ka pang limampung taong gulang, paano mo masasabing nakita mo na si Abraham?” Sumagot si Jesus, “Pakatandaan ninyo: bago pa ipinanganak si Abraham, ‘Ako ay Ako Na’.” (Juan 8:56-58).
Salmo 15:9-10
Sa Salmo, ipinapahiwatig dito ang pagkabuhay muli ni Jesus na hindi hinayaan malagak sa kanyang libingan ng higit sa 3 araw.
“Kaya’t ako’y nagdiriwang, ang diwa ko’y nagagalak,
ang lagi kong nadarama’y hindi ako matitinag.
Pagkat di mo tutulutang ang mahal mo ay malagak,
sa balon ng mga patay upang doon ay maagnas.
Exodo 14:15 – 15:1
Sa unang-ikatlong pagbasa, nang mapalaya ang mga Israelita sa pagkaalipin nila sa Ehipto ay sinundan sila ng mga kawal ni Faraon pero nalunod sila sa dagat na mapula habang ang mga Israelita ay nakaahon at nabuhay mula sa nasabing dagat. Ito ay anino ng pagkalibing ng mga kasalanan sa ilalim ng dagat sa kamatayan ni Jesus habang ang pagkaahon o pagkaligtas ng mga Israelita ay anino ng pagkabuhay muli ni Jesus mula 3 araw na pagkalibing.
“Sinabi ng Panginoon kay Moises, “Itapat mo ang iyong tungkod sa ibabaw ng dagat at tatabunan ng tubig ang mga Egipcio pati ang kanilang karwahe.” Ganoon nga ang ginawa ni Moises, at pagbubukang-liwayway, nanumbalik sa dati ang dagat. Ang mga Egipcio’y nagsikap makatakas ngunit pinalakas ng Panginoon ang dating ng tubig kaya’t sila’y nalunod na lahat. Nang manauli ang dagat, natabunan ang mga karwahe’t kabayo ng Faraon, pati ng kanyang mga kawal at walang natira isa man. Ngunit ang mga Israelita’y nakatawid sa dagat, na tuyo ang dinaanan, sa pagitan ng animo’y pader na tubig.Nang araw na yaon ang mga Israelita’y iniligtas ng Panginoon sa mga Egipcio; nakita nila ang bangkay ng mga Egipcio, nagkalat sa baybay-dagat. Dahil sa kapangyarihang ipinakita ng Panginoon laban sa mga Egipcio, nagkaroon sila ng takot sa kanya at sumampalataya sila sa kanya at sa alagad niyang si Moises.”
Exodo 15:1-2 (Salmong tugunan):
Sa Exodus 15:1-2, ipinahiwatig dito ang pagkalibing at muling pagkabuhay ni Jesus.
“Ang Panginoo’y atin ngayong awitan
sa kanyang kinamtang Dakilang tagumpay;
ang mga kabayo’t kawal ng kaaway
sa pusod ng dagat, lahat natabunan.
Ako’y pinalakas niya’t pinatatag,
Siya ang sa aki’y nagkupkop, nag-ingat,
Diyos ng magulang ko, aking manliligtas.”
Isaias 54:5-14
Sa unang-ikapat na pagbasa, sapagkat tinanggihan ng Israel si Jesus bilang Tagapagligtas at Hari nila kung kaya’t pinabayaan sila ng Dios na maikalat sa mga bansa subalit nangako ng Dios na ipapanumbalik o bubuhayin muli ang bayang Israel sa ikalawang pagbabalik ni Jesus .
Sinabi ng Panginoon, “O Jerusalem,
nagdurusang lungsod
na walang umaliw sa kapighatian,
muling itatayo ang mga pundasyon mo,
ang gagamitin ko’y mamahaling bato.
Gagamiti’y rubi sa mga tore mo,
batong maningning ang iyong pintuan,
at sa mga pader ay mga hiyas na makinang.
Ako ang magtuturo sa iyong mga anak.
Sila’y magiging payapa at buhay ay uunlad.
Patatatagin ka ng katarungan at katuwiran,
magiging malayo sa mananakop at sa takot.”
Salmo 29:2 at 4, 5-6, 11- 13
Sa Salmo, ipinapahiwatig ang pagbuhay muli kay Jesus mula sa Hades o libingan ng mga patay.
“O Panginoon ko,
sa iyong ginawa, kita’y pinupuri’t ako’y iniligtas.
Kaya ang kaaway ay di na nakuhang matuwa’t magalak.
Mula sa libingang daigdig ng patay, hinango mo ako at muling binuhay;
ako, na kasama nilang napabaon sa kailaliman.”
continuation:
Isaias 55:1-11
Sa unang-ikalimang pagbasa, ipinahayag dito ang libre at walang bayad na paraan upang magkaroon ng buhay na walang hanggan na dapat paglagakan ng buhay na ang kailangan lamang ay tenga na may panahong makinig ng plano, propesiya, pangako at utos ng Dios sa biblia upang mabatid ang dakilang pag-ibig niya sa paskal ni Jesus.
“Sinabi ng Panginoon, “Narito ang tubig, mga nauuhaw.
Ang mga walang salapi ay
kumuha rito at bumili ng pagkain.
Halikayo at bumili ng alak at gatas,
bumili kayo, ngunit walang bayad.
Bakit ginugugol ang salapi
sa mga bagay na hindi nakabubusog?
Bakit inuubos ang pera
sa mga bagay na walang halaga?
Makinig kayo sa akin at sundin ang utos ko
at matitikman ninyo ang pinakamasarap na pagkain.
Pumarito kayo,
kayo ay lumapit at ako’y pakinggan,
makinig sa akin nang kayo’y mabuhay;
ako’y may gagawing walang hanggang tipan,
at ipalalasap sa inyo ang pagpapalang
ipinangako ko kay David.
Ginawa ko siyang hari
at puno ng mga bansa
at sa pamamagitan niya’y ipinamalas ang aking kapangyarihan.
Iyong tatawagin ang mga bansang hindi mo kilala,
mga bansang di ka kilala’y sa iyo pupunta,
dahilan sa Panginoon,”
Baruc 3:9-15, 32–4:4
Sa unang-ikaanim na pagbasa ay inihula ni propeta Baruc ang mangyayari sa Israel na pagtakwil sa Karunungan ng Dios sa katauhan ni Jesus nang ipinako sa krus kung kaya’t sinakop, sinira at ikinalat sila ng Roma sa ibat ibang bansa ng 1900 taon na pinahirapan at pinagpapatay. Dahil sa pagtakwil nila sa Karunungan ng Dios upang magkaroon sila ng buhay na walang hanggan, nailipat ang biyayang kaligtasan sa kasalanan at buhay na walang hanggan sa mga gentil tulad natin. Tayo ang nakatuklas sa biyaya na nakay Jesus .
“Dinggin mo, Israel, ang mga kautusang nagbibigay-buhay; makinig ka at nang ikaw ay matuto. Israel, bakit ka nasa lupain ng iyong mga kaaway? Bakit ka tumanda sa ibang lupain? Bakit itinakwil kang parang patay at ibinilang na sa mga patay? Ang dahilan ay sapagkat itinakwil mo ang bukal ng Karunungan. Kung lumakad ka lang sa landas ng Diyos, sana’y namumuhay kang matiwasay sa habang panahon. Hanapin mo ang bukal ng pang-unawa, lakas at kaalaman, at malalaman mo kung nasaan ang mahabang buhay, ang liwanag na sa iyo’y papatnubay, at ang kapayapaan.May nakatuklas na ba kung saan nakatira ang Karunungan, o nakapasok sa kanyang taguan ng yaman? Ang Diyos na nakaaalam ng lahat ng bagay ang tanging nakakikilala sa Karunungan. Natatarok din niya ito sa pamamagitan ng kanyang kaalaman. Siya ang lumikha at naglagay dito ng lahat ng uri ng mga hayop. Nag-utos siya at lumitaw ang liwanag; nanginginig ito sa takot kapag siya’y tumatawag. Tinawag din niya ang mga tala at madali silang nagsitugon: “Narito po kami.” Lumagay sila sa kani-kanilang lugar at masayang nagniningning para bigyang lugod ang lumikha sa kanila. Ito ang ating Diyos! Walang makapapantay sa kanya. Alam niya ang daan ng Karunungan, at ito’y ipinagkaloob niya sa lingkod niyang si Jacob, kay Israel na kanyang minamahal. Mula noon, nakita na sa daigdig ang Karunungan, at nanatili sa sangkatauhan.”
Salmo 18:8-11
Sa Salmo, ipinahayag dito ang batas na walang kulang ng Dios na magbibigay ng buhay na walang hanggan at ito ay ang makapanampalaya o pagtanggap sa Karunungan ng Dios na si Jesus na itinakwil ng Israel (Juan 6:40) .
“Ang batas ng Panginoon ay batas na walang kulang,
ito’y utos na ang dulot sa tao ay bagong buhay;
yaong kanyang mga batas ay mapagtitiwalaan,
nagbibigay ng talino sa pahat ang kaisipan.Ang tuntuning ibinigay ng Poon ay wastong utos,
liligaya ang sinuman kapag ito ang sinunod;
ito’y wagas at matuwid pagkat mula ito sa Diyos,
pang-unawa ng isipan yaong bungang idudulot.”
Ezekiel 36: 16-17, 18-28
Sa unang-ikapito na pagbasa, inihula ni propeta Ezekiel ang pagpapanumbalik o pagbuhay muli sa bansang Israel matapos silang ikalat ng Dios sa mga bansa. Nangako ang Dios na ibabalik sila sa lupaing ipinangako sa kanila kaya noong 1948 ay naging bansa muli bilang inisyal na pagpapanumbalik sa kanila at malulubos sa ikalawang pagbabalik ni Jesus kung saan ay ibubuhos ang Espiritu ng Dios sa mga nagsisi at sumampataya kay Jesus bilang tunay na Tagapagligtas at Hari nila.
“Kaya sabihin mo sa Israel na ito ang ipinasasabi ko: Lahat ng ginagawa ko ay hindi dahil sa inyo, mga Israelita, kundi sa banal kong pangalan na inyong binigyan-daang hamakin sa mga lugar na pinagtapunan ko sa inyo. Ipakikita ko ang kabanalan ng dakila kong pangalan na nalapastangan sa harap ng mga bansa. Makikilala ng lahat na ako ang Panginoon kung maipakita ko na sa kanila ang aking kabanalan. Titipunin ko kayo mula sa iba’t ibang bansa upang ibalik sa inyong bayan. Wiwisikan ko kayo ng tubig na dalisay upang kayo’y luminis. Aalisin ko rin ang naging mantsa ninyo dahil sa inyong mga diyus-diyosan. Bibigyan ko kayo ng bagong puso at bagong espiritu. Ang masuwayin ninyong puso ay gagawin kong masunurin. Bibigyan ko kayo ng aking Espiritu upang makalakad kayo ayon sa aking mga tuntunin at masunod ninyong mabuti ang aking mga utos. Ititira ko kayo sa lupaing ibinibigay ko sa inyong mga ninuno. Kayo ay magiging bayan ko at ako ang inyong Diyos.”
Sa Salmo, ipinapahayag dito ang mangyayari sa ikalawang pagbabalik ni Jesus kung paano ipapanumbalik ang Israel sa Jerusalem (sa bundok ng Zion) kung saan ay naitayo muli ang templo at babaguhin ang mga puso nila sa pagtanggap nila ng Espiritu Santo.
“Ang totoo’t ang liwanag, buhat sa’yo ay pakamtan,
upang sa Sion ay mabalik, sa bundok mong dakong banal
sa bundok mong pinagpala, at sa templo mong tirahan. Sa dambana mo, O Diyos, ako naman ay dudulog,
yamang galak at ligaya ang sa aki’y iyong dulot;
sa saliw ng aking alpa’y magpupuri akong lubos
buong lugod na aawit ako sa Diyos na aking Diyos. Isang pusong tapat sa aki’y likhain,
bigyan mo, O Diyos, ng bagong damdamin.
Sa iyong harapa’y h’wag akong alisin;
ang Espiritu mo ang papaghariin.”
Roma 6: 3-11
Sa ikalawang pagbasa, ipinahayag ni apostol Pablo na ang nabinyagan o nakiisa kay Jesus sa pamamagitan ng paniniwala sa paskal niya ay may buhay na walang hanggan.
“Mga kapatid: Hindi ba ninyo nalalaman na tayong lahat na nabinyagan kay Kristo Hesus ay nabinyagan sa kanyang kamatayan? Samakatwid, tayo’y namatay at nalibing na kasama niya sa pamamagitan ng binyag upang kung paanong binuhay na muli si Kristo sa pamamagitan ng dakilang kapangyarihan ng Ama, tayo nama’y mabuhay sa isang bagong pamumuhay.
Sapagkat kung nakaisa tayo ni Kristo sa isang kamatayang tulad ng kanyang kamatayan, tiyak na makakaisa niya tayo sa isang muling pagkabuhay tulad ng kanyang pagkabuhay. Alam natin na ang dati nating pagkatao ay ipinakong kasama niya upang mamatay ang makasalanang katawan at nang hindi na tayo maalipin pa ng kasalanan. Sapagkat ang namatay na ay pinalaya mula sa kapangyarihan ng kasalanan. Ngunit tayo’y naniniwalang mabubuhay tayong kasama ni Kristo kung namatay tayong kasama niya. Alam nating si Kristo na muling binuhay ay hindi na muling mamamatay. Wala nang kapangyarihan sa kanya ang kamatayan. Nang siya’y mamatay, namatay siya nang minsanan para sa kasalanan, at ang buhay niya ngayo’y para sa Diyos. Kaya dapat ninyong ibilang ang inyong sarili na patay na sa kasalanan datapwa’t buhay naman para sa Diyos sa inyong pakikipag-isa kay Kristo Hesus.”
Sa Salmo, ipinahayag dito ang pagkabuhay muli ni Jesus .
“Ang lakas ng Poon,
ang siyang nagdulot ng ating tagumpay
sa pakikibaka sa ating kaaway.
Aking sinasabing
di ako papanaw, mabubuhay ako
upang isalaysay
ang gawa ng Diyos na Panginoon ko.”
Sa gospel reading, ipinahayag dito ang katuparan ng mga propesiya tungkol sa pagkabuhay muli ni Jesus matapos ng kanyang kahindik hindik na kamatayan .
“Makaraan ang Araw ng Pamamahinga, pagbubukang liwayway ng unang araw ng sanlinggo, pumunta sa libingan ni Hesus si Maria Magdalena at ang isa pang Maria. Biglang lumindol nang malakas. Bumaba mula sa langit ang isang anghel ng Panginoon, iginulong ang batong nakatakip sa libingan, at naupo sa ibabaw niyon. Ang kanyang mukha ay nakasisilaw na parang kidlat at kasimputi ng busilak ang kanyang damit. Nanginig sa takot ang mga bantay at nabulagtang animo’y patay nang makita ang anghel.Ngunit sinabi nito sa mga babae, “Huwag kayong matakot; alam kong hinahanap ninyo si Hesus na ipinako sa krus. Wala na siya rito, sapagkat siya’y muling nabuhay tulad ng kanyang sinabi. Halikayo, tingnan ninyo ang pinaglagyan sa kanya. Lumakad na kayo at ibalita sa kanyang mga alagad na siya’y muling nabuhay at mauuna sa Galilea. Makikita ninyo siya roon! Tandaan ninyo ang sinabi ko sa inyo.” At dali-dali silang umalis ng libingan. Pinagharian sila ng magkahalong takot at galak. At patakbong nagpunta sa mga alagad upang ibalita ang nangyari.Ngunit sinalubong sila ni Hesus at binati. At lumapit sila, niyakap ang kanyang paa at sinamba siya. Sinabi sa kanila ni Hesus, “Huwag kayong matakot! Humayo kayo at sabihin sa mga kapatid ko na pumunta sila sa Galilea at makikita nila ako roon!”
Kumusta naman tayo. May pag-asa ba na mabubuhay muli tayo tulad ni Jesus sa pagbabalik niya upang kunin ang mga banal (1 Tesalonica 4:15-17, 5:23)?