Linggo, Enero 29, 2023

January 29, 2023

PANALANGIN NG BAYAN
Ika-4 na Linggo sa Karaniwang Panahon (A)
Patnubay sa Misa

TinitiyaksaatinngPanginoong Hesus na lubos ang pagkalinga ng Diyos sa mabababang-loob o hinahamak, at gagantimpalaan Niya ng Kaharian ang mga nagsasabuhay sa mga pagpapahalagang itinatampok sa “Mapapalad.” Idalangin natin ang biyayang maging tapat sa gayong mga pagpapahalaga:

Panginoon, pakinggan mo kami!

Nawa ang buong Simbahan, sa pamamatnubay ng kanyang mga pinuno, ay maging maningning na halimbawa ng pagtatangi sa moral at espirituwal na pagpapahalaga sa halip ng pagkahilig sa mga kayamanang materiyal. Manalangin tayo!

Nawa ang mga nagdadalamhati’t naghihirap alang-alang sa katarungan ay makatagpo sa mga pamayanang Kristiyano ng bukal ng lakas ng loob at kasiyahan. Manalangin tayo!

Nawa ang nagtataguyod ng kapayapaan sa kanilang kapaligiran kailanma’ y huwag panamlayan sanhi ng kahirapan sa kanilang pagsisikap. Manalangin tayo!

Nawa ang mga makapangyarihan at marunong ay maging mahabagin sa mga nagdarahop upang sila ma’y makalasap ng habag ng Diyos. Manalangin tayo!

Nawa ang kabataan, lalo na ng ating bayan, ay magpahalaga sa kalinisan ng puso sa isip, salita, at gawa. Manalangin tayo!

Nawa pahalagahan nating lahat ang Salita ng Diyos sa pamamamagitan ng pagbabasa’t pagsasa- buhay nito. Manalangin tayo!

Tahimik nating ipagdasal ang ating sariling mga kahilingan. (Manahimik sandali.) Manalangin tayo!

Panginoong Hesus, kinakatawan mo ang mga pagpapahalaga ng “Mapapalad” at ang kanilang kaganapan. Habang pinagsisika- pan naming pagtibayin sa aming buhay ang ganitong mga pagpa- pahalaga, biyayaan mo nawa kami hanggang sapitin namin ang iyong Kaharian kung saan ka nabubuhay at naghahari magpasawalang hanggan.

Amen!

Pages: 1 2

Mga Pagbasa Kahapon
«
Mga Pagbasa Bukas
»

{ 5 comments… read them below or add one }

Ruben Brogada January 26, 2023 at 10:01 pm

reference for Every Sunday mass.

Reply

Reynald Perez January 27, 2023 at 4:13 am

PAGNINILAY: Magkaiba po ang “kapalaran” doon sa “pagpapala”. Alam po natin na ang Ingles ng kapalaran ay “luck”, samantala ang Ingles ng pagpapala ay “blessing”. Minsan tinatrato natin ang buhay na parang kapalaran na itinataya natin ang ating sarili sa iba’t ibang kultura. At sa tingin natin na madali lang ilarawan ang magiging kinabukasan natin. Ngunit kung tayo ay naniniwala sa pagpapala, alam natin na hindi sa lahat ng pagkakataon ay parang magtitiwala tayo sa salamangka. Kaya minsan iniisip natin ang Diyos ay parang “magician” na awtomatikong akala natin may himala. Subalit hindi ganyan ang pamamaraan ng Diyos sa pagkakaloob sa atin ng pagpapala.

Ang Ebanghelyo ngayon ay ang simula ng isang sikat na pagpapahayag ng ating Panginoong Hesus, na kung tawagin ay Pangangaral sa Bundok. Tatlong kabanata ang inilaan ni San Mateo para sa katuruan ni Hesus sa mga tao sa kabundukuan (Mateo 5-7) upang ipakilala sa atin si Kristo na bagamat Diyos ay nakisalamuha sa damdamin ng tao upang bigyang liwanag ang tunay na buhay na nais iparating ng Diyos Ama sa atin. At nagsisimula ang pangangaral na ito sa pamamagitan ng Walong Pagpapala o mas kilala bilang “Eight Beatitudes”. Dito ipinahayag ni Hesus kung sino ang mga tunay na mapalad, at ang nag-uugnay sa kanilang pagpapala ay ang katotohanang sila’y itinuturing na sawimpalad, o kaya mga naghihikahos sa buhay. Narinig natin sa Unang Pagbasa mula kay Sofonias itanong grupo ng mga tao na kung tawagin ay “anawim,” sapagkat sa kabila ng kanilang pagsubok at paghihirap, patuloy sila nagtitiwala sa Diyos at nagiging tapat sa kanya nang buong kababaang-loob. Kaya ito nga ang sinasabi ng Diyos na ititira niya sa mundong ito, na ang mga tao ay maging matuwid, mapagkumbaba sa kanyang paningin, at nagiging masunurin at matapat sa kanya. Kaya sila ang mga taong itinuturing ni Kristo na mapalad sapagkat ang kanilang kakapusan at kahirapan ay simbolo ng pagpapalang nakalaan sa kanila matapos ang kanilang pagsisikap sa kanyang kalooban. Ngunit tandaan natin na hindi taliwas ang Panginoon sa pagkakaroon ng karangalan, kapangyarihan, at kayamanan, sapagkat ito’y mga biyaya ng Diyos na inaasahan nating gamitin sa mundong ito. Subalit ang babala lang ni Hesus ay ang paggamit sa mga ito para lamang makapagsamantala sa buhay ng ibang tao at ganun na rin ang panganib ng pagtuturing natin sa mga makamundong bigay bilang kapalit ng Diyos na siyang dapat bukal ng bawat pagpapala na ating tinatanggap. Kaya ang paalala ng Panginoong Hesukristo ay ang pagiging tunay na mapalad ay siyang patuloy na magiging mapagkumbaba sa kabila ng mga tagumpay o kabiguan sa buhay.

Sa ating buhay, dapat itrato natin ito hindi bilang isang “kapalaran”, kundi bilang isang “pagpapala”. At ang pinakadakilang pagpapala ay bagong buhay na ipinagkaloob sa atin ng Diyos Ama sa pamamagitan ng kanyang Anak na si Hesukristo. Ayon kay San Pablo sa Ikalawang Pagbasa, si Kristo ay naging karunungan ng Diyos para sa ating katubusan, pagpapabanal, at pagpapanibago. Kaya ang pagtawag ng Panginoon sa atin para sa misyong iniatas niya sa atin sa mundong ito ay pagkakaroon ng isang banal na pamumuhay tungo sa kanyang pagpapala. Sa kabila ng ating kahinaan at abang katauhan ay may mas higit pa na dahilan at hantungan ng ating pagmimisyon dito sa lupa, na nais makamtan natin balang araw sa kaluwalhatian ng langit. Kaya, mga minamahal, nawa’y tunay na mamuhay tayo bilang mga mapalad na nilalang ng Diyos, na ang lahat ng ating nakamit nang biyaya at ang mga nais pa nating makamit na tagumpay ay maging isang patakaran upang patuloy tayong mamuhay nang matapat at may kababang-loob na sundin ang kanyang kalooban at maging instrumento ng kanyang pagpapala para sa ibang tao.

Reply

Liza Clanor January 28, 2023 at 5:39 pm

isang malaking pagpapala po ang pagninilay na nabasa ko Fr. Perez makakabawas ng pagod ko and makakagaan sa aking mga sariling pag kukulang bsa aking sarili at pagkukulang ko sa aking kapwa ,sa aking PAMILYA ,GOD IS GOOD look at me sabi ng pari noong linngo hehe hindi daw all the time ,sa halip ay look at me GOD IS GOOD dahil kahawig or kamukha natin ang LORD

Reply

ervi January 29, 2023 at 1:18 am

Marami na akong natanggap na pagpapala pero ni hindi ako ngpapasalamat. Marami na akong nalampasan na pagsubok pero hanggang ngayun sinusubok. Gusto kong magkasala pero iniiwas Mo ako. Mahina ang aking sarili. Pero pinapalakas Mo. Hindi ako mgsasawa kahit minsan lang ako umusal sa Iyo. Patawad dahil hindi ko maibigay ang best ko dito sa lupa. Alam Mo ang kailangan ko para maging matagumpay dito. Malapit ng sumuko ang katawan ko. Ikaw na lang ang nagpapahaba nito. Ayoko na sa ganitong hirap. Hindi masaya ang mabuhay sa lupa. Sana marating ko ang kasiyahan sa piling Mo. Sa kahariaan na kasama ang mga nagpupuri sayo. Walang kalungkutan at kapighatian. Ikaw lamang ang makakapagalis ng aking kalungkutan.

Reply

Lilian M. Saltore January 29, 2023 at 5:53 pm

Pinupuri ka namin Panginoong Hesukristo.

Reply

Leave a Comment

{ 1 trackback }



Previous post:

Next post: