Podcast: Download (Duration: 6:03 — 2.9MB)
Ika-28 Linggo sa Karaniwang Panahon (K)
2 Hari 5, 14-17
Salmo 97, 1. 2-3ab. 3kd-4
Panginoong nagliligtas
sa tanang bansa’y nahayag.
2 Timoteo 2, 8-13
Lucas 17, 11-19
Subscribe to Awit at Papuri Communications YouTube Channel
Twenty-eighth Week in Ordinary Time (Green)
Indigenous Peoples’ Sunday
Extreme Poverty Day
UNANG PAGBASA
2 Hari 5, 14-17
Pagbasa mula sa ikalawang aklat ng mga Hari
Noong mga araw na iyon, si Naaman ay lumusong sa Ilog Jordan at lumubog ng pitong ulit. At tulad ng sinabi ni Eliseo, nanauli sa dati ang kanyang katawan at kuminis mula sa ketong ang kanyang balat, tulad ng balat ng sanggol.
Si Naaman at ang kanyang mga kasama ay nagbalik kay Eliseo. Sinabi niya, “Ngayo’y napatunayan kong walang ibang diyos sa ibabaw ng lupa kundi ang Diyos ng Israel. Narito, pagdamutan ninyo itong maliit kong nakayanan.”
Ngunit sinabi ni Eliseo, “Buhay ang Panginoong Diyos na aking pinaglilingkuran. Hindi ako tumatanggap kahit ano.” Pinilit siya ni Naaman ngunit nagpakatanggi-tanggi siya.
Dahil dito, sinabi ni Naaman, “Kung ayaw ninyo itong tanggapin, maari po ba namang kargahan ko ng lupa rito ang dalawa kong kabayo? Mula ngayon, hindi na ako maghahandog sa ibang diyos maliban sa Panginoon.”
Ang Salita ng Diyos.
SALMONG TUGUNAN
Salmo 97, 1. 2-3ab. 3kd-4
Panginoong nagliligtas
sa tanang bansa’y nahayag.
Umawit ng bagong awit at sa Poon ay ialay,
pagkat yaong ginawa n’ya ay kahanga-hanggang tunay!
Sa sariling lakas niya at taglay na kabanalan,
walang hirap na natamo yaong hangad na tagumpay.
Panginoong nagliligtas
sa tanang bansa’y nahayag.
Ang tagumpay niyang ito’y siya na rin ang naghayag,
sa harap ng mga bansa’y nahayag ang pagliligtas.
Ang pangako sa Israel lubos niyang tinutupad.
Panginoong nagliligtas
sa tanang bansa’y nahayag.
Tapat siya sa kanila at ang pag-ibig niya ay wagas.
Ang tagumpay ng ating Diyos kahit saan ay namalas!
Magkaingay na may galak, yaong lahat sa daigdig;
ang Poon ay buong galak na purihin sa pag-awit!
Panginoong nagliligtas
sa tanang bansa’y nahayag.
IKALAWANG PAGBASA
2 Timoteo 2, 8-13
Pagbasa mula sa ikalawang sulat ni Apostol San Pablo kay Timoteo
Pinakamamahal ko, alalahanin mo si Hesukristo, ang nagmula sa angkan ni David at ang muling nabuhay. Ito ang Mabuting Balitang ipinangangaral ko, ang dahilan ng aking pagdurusa hanggang sa magapos na tulad ng isang salarin. Ngunit hindi maigagapos ang salita ng Diyos. Pinagtitiisan ko ang lahat ng bagay alang-alang sa mga hinirang ng Diyos upang magtamo rin sila ng kaligtasang mula kay Kristo Hesus, at ng walang hanggang kaluwalhatian. Narito ang kasabihang mapananaligan:
“Kapag tayo’y namatay na kalakip ni Hesukristo,
walang salang mabubuhay na kasama niya tayo;
kung tayo man ay magtiis ng hirap sa mundong ito,
maghahari naman tayong kapiling ng ating Kristo;
kapag siya’y itinakwil sa harapan ng mga tao
pagdating ng takdang araw, itatakwil niya tayo.
Kung tayo ma’y hindi tapat, si Kristo ay tapat pa rin
sapagkat ang sa kanya ay hindi niya itatakwil.”
Ang Salita ng Diyos.
ALELUYA
1 Tesalonica 5, 18
Aleluya! Aleluya!
Ang D’yos Ama’y naghahangad
lagi tayong pasalamat
kaisa ng kanyang Anak.
Aleluya! Aleluya!
MABUTING BALITA
Lucas 17, 11-19
Ang Mabuting Balita ng Panginoon ayon sa San Lucas
Noong panahong iyon, sa paglalakbay ni Hesus patungong Jerusalem, nagdaan siya sa hangganan ng Samaria at Galilea. Nang papasok na siya sa isang nayon, siya’y sinalubong ng sampung ketongin. Tumigil sila sa malayu-layo at humiyaw ng: “Hesus! Panginoon! Mahabag po kayo sa amin!” Nang makita sila ay sinabi niya, “Humayo kayo at pakita sa mga saserdote.” At samantalang sila’y naglalakad, gumaling sila. Nang mapuna ng isa na siya’y magaling na, nagbalik siyang sumisigaw ng pagpupuri sa Diyos. Nagpatirapa siya sa paanan ni Hesus at nagpasalamat. Ang taong ito’y Samaritano. “Hindi ba sampu ang gumaling?” tanong ni Hesus. “Nasaan ang siyam? Wala bang nagbalik at nagpuri sa Diyos kundi ang dayuhang ito?” Sinabi ni Hesus sa kanya, “Tumindig ka’t humayo sa iyong lakad! Pinagaling ka dahil sa iyong pananalig.”
Ang Mabuting Balita ng Panginoon.
Pages: 1 2
« Sabado, Oktubre 8, 2022
Lunes, Oktubre 10, 2022 »
{ 3 comments… read them below or add one }
REFLECTION: In the First Reading (2 Kings 5:14-17), Naaman the Syrian Commander has been convinced to plunge himself seven times into the Jordan River. This is after he has refused to obey Elisha’s instructions that can cure his leprosy. After doing so, he is fully cleansed from the leprosy, so he goes to the prophet to thank him, to whom he is directed to thank the Lord for the gift of healing. Despite being a Gentile, considered an “outsider” at that time, Naaman is an example of how God’s grace is shown to everyone who asks for it and in return who is grateful for that blessing. In the Gospel (Luke 17:11-19), we see how Jesus cleanses ten lepers. Here, we can see that it is not a direct action of our Lord. He tells them to show themselves to the priests for the ritual cleansing. But on their way, they noticed that they were immediate cleansed, and they were happy. In life, there are many times we experience good things happening to us. So it is fitting that we should be grateful for them, especially to those who give them. Going back to the Gospel passage, only one leper returned to thank Jesus. The Lord was amazed that only one went back, but not the other nine, and this man was a Samaritan. But why a Samaritan, for in fact, the Jews hated the Samaritans because of the pagan rituals? It is because gratitude comes from the heart, regarding the race, religion, etc. That is why Christ commends the Samaritan for having faith, which is applying the miracle. Likewise, we should be grateful to God and to others for all the good things, gifts, and blessings they gave us. And the best way to do that is to devote ourselves in service to them. This is what gratitude should mean, that as we express our thanks for good things, we also become blessings for other people.
Ang tema ng mga pagbasa at ng ebanghelyo ay ukol sa pagsasalamat. Dahil meron silang natanggap na pagpapalaya at itong kanilang pinasasalamatan ang Diyos ang nagbigay noon at sa Diyos nagmula ang lahat ng pagpapala. Ibinabalik hindi yun ibigay nila uli sa Diyos o at sabi ng nagbabalik tayo Diyos at napapasalamat upang kilalanin at sambahin ang Diyos na pinamumulan ng lahat, Ang bumabalik sa Diyos na nagbigay nang pasasalamat ay mga taong nais muili makipagunayan sa Maylikha at pinamumulan ng lahat. Hindi hangad ng Diyos ay pasalamatan dahil siya’ Diyos nabukal ng kabutihan, Ang Pasasalamat na ibinibigay natin ay hindi para sa Diyos kundi para sa atin dahil ang taong nagpapasalamat ay taong napapakita at napapahiwatig nang kabutihan nang kalooban ng Tao, at kinikilala at tinatanggap ang Diyos muli, dahil muli itong ipagkakaloob ng Diyos sa atin sabi nga ang taong marunong magpasalamat at napupuno ng salat. ibig sabihin hindi siya maghihikayos. Amen kaya ng sabi ni Hesus nasaan yung siyam napinagaling bakit isa lang ang nagbalik para magpuri sa Diyos.
PAGNINILAY: Sa buong kasaysayan ng kaligtasan na nakatala sa Kasulatan, pinatunayan ng ating Diyos kung paano siya naging mabuti at naghangad ng ikabubuti ng sangkatauhan. Bagamat may mga pagkakataong sumuway ang mga tao sa utos ng Diyos at pinili na tumalikod sa kanya, patuloy pa rin siya ng paghangad ng anumang ikakaganda ng kanyang kalooban upang mas kilalanin natin siya sa ating buhay at maging tapat sa kanya. Kaya sa lahat ng pagkakataon na siya’y naging mabuti sa atin at sa kanyang kalooban bagamat may mga konting pagsubok, nararapat lang na ibalik natin sa kanya ang pagtatanaw ng utang na loob sa pamamagitan ng pagpapasalamat. Kaya iyan nga ang paalala ng ating bersikulo sa Aleluya mula kay San Pablo, na sa lahat ng mga pagkakataon ay magpasalamat sapagkat ito ang kalooban ng Diyos sa pamamagitan ng ating Panginoong Hesus.
Ang Unang Pagbasa ay ang pagtatagpo ni propeta Eliseo sa isang hepe ng mga taga-Siria na nangangalang Naaman. Isang araw, bigla siyang nagkasakit na ketongin, at humiling sa hari ng Aram na sumulat sa hari ng Israel upang pumunta doon at gumaling (bagamat nagalit mismo ang hari ng Israel, ngunit pinahinahon nito ni Eliseo). Sa lumang kapanahunan ng Israel ayon sa lumang Kautusan, ang itinuturing na ketong ay dapat itsapwera upang hindi mahawa ang sinumang ordinaryong malusog na tao, kaya ang ketong ay kinakailangang magsenyales ng babala. At isa pa: ang hepeng ito ay taga-labas, na pinaniniwalaan ng mga Hudyo na hindi maliligtas. Subalit patuloy pa rin ang paglalakbay ni Naaman papuntang Israel. Doo’y sumasakay siya sa kanyang karwahe at huminto sa pintuan ng bahay ni Eliseo. Hiniling niya sa propeta na pagalingin siya mula sa sakit na ketongin, at ang tugon naman ay ilublob niya ang kanyang sarili sa Ilog Jordan ng pitong beses. Subalit hindi sinunod nitong una ni Naaman ang utos, ngunit namagitan ang kanyang mga lingkod, na ang utos ni Eliseo ay mensahe ng Panginoong Diyos ng Israel tungo sa kanyang kagalingan. Kaya’t sinunod na ni Naaman ang utos ng Panginoon, at lumusong sa ilog ng pitong beses, hanggang sa nawala ang langib mula sa kanyang katawan. Nang makita niya si Eliseo, nagpasalamat siya sa kanya at nais sanang ibigay sa propeta ang kanyang handog na pangpalit. Subalit hindi ito tinanggap ni Eliseo, at natuntunan nga ng hepe na tanging ang Panginoong Diyos lamang ang kanyang susundan at sasambahin.
Ang Ebanghelyo ay ang pagtatagpo ni Hesus sa Sampung Ketongin. Si Hesus ay patungo sa Jerusalem at dumaan sa mga teritoryo ng Samaria at Galilea. At doo’y natagpuan niya ang sampung ketong, at kapansin-pansin na hindi kailanma’y nandiri siya nang sila’y nakita niya. Sa kanilang hiling na pagalingin siya, inutuos niya sa kanila na humayo at pumunta sa mga saserdote para sa ritwal na paglilinis. Subalit narinig natin na samantala sila’y lumalakbay, biglang gumaling sila mula sa pagkaketongin. Ngunit sa sampung gumaling, isa lang ang bumalik kay Hesus upang magpasalamat, at siya nga ay isang Samaritano, na noo’y itinuturing na kaaway ng mga Hudyo. Kaya natanggap ng taong ito ang biyaya ng kaligtasan sa pamamagitan ng pananampalataya na may tunay na pagtatanaw na utang na loob sa pagpapasalamat.
Maraming bagay na ang nangyari at mangyayari pa sa ating buhay. Kapwa mga kaginhawahan at pagdurusa ay maaaring dumating upang subukan ang katatagan ng ating pananampalataya. Ngunit ang mahalaga ay anumang mangyari, huwag natin kaligtaan na magpasalamat pa rin sa Diyos lalo na sa kanyang pinakamagandang regalo, ang buhay natin. Sa kabila ng ating mga pinagdadanan, naroon pa rin ang ating buhay. Bawat bagong paggising ay pasimula na ng bagong araw ng mga biyaya at pagpapala. Ito ang pagtatanaw na utang na loob na tanging pag-ibig lamang ang makakapagmalas ng ating tunay na pagpapasalamat. Tanging pag-ibig lamang ang maari nating ibalik sa Diyos sa pamamagitan ng pagiging mabuti at paghangad ng magandang kalooban para sa ating kapwa. Kaya’t magpasalamat at maging mga inspirasyon ng pag-ibig bilang tanda ng ating tunay na pagtanaw ng utang na loob sa mga biyaya na kanyang kaloob sa atin.