Martes, Hulyo 26, 2022

July 26, 2022

PANALANGIN NG BAYAN
Hulyo 26
San Joaquin at Santa Ana

Kasama nina San Joaquin at Santa Ana, magtiwala tayo sa Panginoon na nakaaalam ng mga pangangailangan ng ating mga pamilya at ng pamayanan ng Simbahan.

Panginoon, dinggin Mo ang aming panalangin.
o kaya
Ama ng mga salinlahi, maging mapagpala ka sa amin.

Ang Simbahan nawa’y patuloy na magtanggol sa kabanalan ng kasal at ang kahalagahan ng buhay pamilya, manalangin tayo sa Panginoon.

Ang mga magulang nawa’y maitanim sa isip at puso ng kanilang mga anak ang mga aral sa pagmamahalan at kabanalan, manalangin tayo sa Panginoon.

Ang mga anak nawa’y laging magmahal at gumalang sa kanilang mga magulang at mga ninuno, manalangin tayo sa Panginoon.

Ang mga mag-asawang nagkakalayo nawa’y muling matuklasan at pahalagahan ang isa’t isa sa diwa ng kapayapaan, pagpapatawad, at pagkakasundo, manalangin tayo sa Panginoon.

Sa mga yumaong miyembro ng ating pamilya, nawa’y ipagkaloob ng Diyos ang kapayapaan, manalangin tayo sa Panginoon.

Panginoong Diyos, basbasan mo ang aming mga tahanan. Pagbuklurin mo ang aming mga anak na lalaki at babae sa nag-iisang pamilya ng iyong Simbahan. Hinihiling namin ito sa pamamagitan ni Kristo na aming Panginoon. Amen.

Pages: 1 2

Mga Pagbasa Kahapon
«
Mga Pagbasa Bukas
»

{ 3 comments… read them below or add one }

Reynald Perez July 4, 2020 at 12:54 am

Pagninilay: Ipinapakita ng ating mga Pagbasa na dakila ang awa at pagmamahal ng Panginoong Diyos sa atin lahat.

Isang panalangin ng panunumbat ang ipinahayag ni Propetang Jeremias sa Unang Pagbasa dahil sa matinding tagtuyot na nararanasan sa Juda. Dahil sa malaking pagkakasala ginawa ng mga tao laban sa Panginoon, tila nga ba pinabayaan niyang magdurusa ang kanyang bayan. Kaya’t siya’y nagdasal nang buong pagtitiwala na kaawaan ng Diyos ang mga taong kanyang hinirang bilang kanyang bayan. At sa kabila ng napakaraming kataksilan at kasamaang ginawa ng Israel at Juda, patuloy pa rin nahabag ang Panginoon sa pagloloob ng planong pangkaligtasan para sa ating lahat.

Ang Ebanghelyo ay ipinahahayag ang paliwanag ni Hesus tungkol sa Parabula ng mga Masasamang Damo at ang mga Trigo. Ipinaliwanag dito na katulad ng pagsusunog ng mga masasamang damo sa apoy at pag-iimbak ng mga trigo sa kamalig, ang katapusan ng sanlibutan ay ang Huling Paghuhukom ng Diyos sa mga tao. Dito tayo’y ihahatol niya hindi ayon sa mga katangian natin, kundi ayon sa mga kabutihan at pagmamahal natin sa kapwa-tao. Habang hindi pang nangyayaring iyon, may panahon pang mamuhay tayo nang masagana ayon sa paninigin, katapatan, at kalooban ng Diyos. Itinuturo niya na ang Ama ay matuwid at maawaain.

Ang Panginoon ay mapagtiiis sa atin mga pagkukulang at pagkakasala. Subalit habang tayo’y nabubuhay sa daigdig na ito, kailangan nating yakapaing buong higpit ang kanyang awa at pag-ibig sa atin upang maranasan natin ang tunay na pagbabago mula sa ating mga puso. At ganun din, kailangan natin iparamdam at ipakita ang kadakilaang iyon sa ating kapwa-tao, lalung-lalo sa mga nangangailangan at makasalanan.

Reply

Mark Jefferson Criste May 27, 2022 at 9:37 pm

Salamat sa Diyos!

Reply

Pamela P. Sabio July 26, 2022 at 5:51 am

Pinupuri at sinasamba kita Panginoon sa walang hanggang pagmamahal,pagkalinga at pagiingat mo sa amin ilayo mo po kami sa mga tukso na maiwas po kami sa pagkakasala pagtibayin mo po ang aming pananampalataya at pagasa upang maipagpatuloy manin ang aming gawain sa aming comunidad,pagalingin mo po ang lahat na may sakit at karamdaman upang makapaglingkod muli sila sayo Ama.Patawad po sa mga kasalanang aming nagawa sanhi ng aming pagkukulang at kahinaan.Ito ang samut hiling sa pamamagitan ni Kristo kasama ng Inang Maria at nn Espiritu Santo,A M E N ??????

Reply

Leave a Comment



Previous post:

Next post: