Podcast: Download (Duration: 6:25 — 8.3MB)
PANALANGIN NG BAYAN
Pebrero 11
Birhen ng Lourdes
Diyos ng hiwaga, nasa tabi ka namin at nalalaman mo kung ano ang bumabagabag sa amin. Kaisa ni Maria, ang Ina ng iyong Anak at amin ding Ina, tumatawag kami sa iyo.
Panginoon, dinggin Mo ang aming panalangin.
o kaya
Panginoon, umaasa kami sa Iyo.
Ang Santo Papa, mga obispo, mga pari, at mga relihiyoso nawa’y maging tapat sa kanilang pangako sa Diyos, manalangin tayo sa Panginoon.
Ang mga mananampalataya nawa’y palakasin ang kanilang pagtitiwala at pananalig sa iyong tulong at maging handa nawa silang sundin ang iyong kalooban, manalangin tayo sa Panginoon.
Ang mga pinahihirapan ng mga natatagong sakit nawa’y magpasan ng kanilang krus nang buong tapang lalo na kung walang nakahandang dagling panlunas, manalangin tayo sa Panginoon.
Ang mga maysakit nawa’y makatagpo ng kagalingan, manalangin tayo sa Panginoon.
Ang namayapa naming mga kaanak at mga kaibigan nawa’y tumanggap ng kanilang gantimpalang Langit, manalangin tayo sa Panginoon.
Panginoon, tulungan mo kami upang kami ay maging handang ipagkatiwala ang aming mga sarili sa iyo katulad ng ginawa ni Maria. Hinihiling namin ito sa pamamagitan ni Kristo na aming Panginoon. Amen.
Pages: 1 2
« Linggo, Pebrero 6, 2022
Linggo, Pebrero 13, 2022 »
{ 1 comment… read it below or add one }
Ang unang pagbasa ay nagbibigay sa atin ng pag-asa at katuparan ng mga pangako ng Diyos. Kasaganhan at pag-unlad ang ating sasapitin kung tayo lamang ay susunod sa kalooban nya. Kung sa palagay mo nman kapatid ay nasa kadiliman ka pa ngayon ay hindi pa huli ang lahat, magsisi ka at aminin ang mga makamundong gawain, kasunod ay ang paghingi ng kapatawaran sa Ama, ang huli ay pagsisikap na matalikuran na ang kasamaan at malabanan ang tukso. Sa gayon ay makakasama ka sa mga pangako sa atin ng ama.
Ang ating ebanghelyo ngayon ay isa na namang patotoo na si Hesus ang makapanhyarihang Diyos. Iniiwan din sa atin ang mensaheng walang imposible sa Diyos. Walang imposible sa iyong hinihiling sa kanya basta ito ay makabubuti sa iyo at sa iyong kapwa ay ipagkakaloob nya kung ikaw lamang ag maniniwala, mananalig at mananampalataya at susunod sa kalooban nya.