Mga Pagbasa – Miyerkules, Pebrero 5, 2020

by Jeric on February 5, 2020 · 6 comments

in Tagalog Mass Readings

Paggunita kay Santa Agata, dalaga at martir
Miyerkules ng Ika-4 na Linggo sa Karaniwang Panahon (II)

2 Samuel 24, 2. 9-17
Salmo 31, 1-2. 5. 6. 7

D’yos ko, ako’y patawarin sa aking pagkasuwail.

Marcos 6, 1-6

UNANG PAGBASA
2 Samuel 24, 2. 9-17

Pagbasa mula sa ikalawang aklat ni Samuel
(c) Awit at Papuri Communications - www.awitatpapuri.com
Noong mga araw na iyon, inutusan ni David si Joab at lahat ng namumuno sa hukbo niya, “Gawin ninyo ang talaan ng bawat lipi ng Israel mula sa Dan hanggang Beer-seba, at dalhin ninyo agad sa akin.”
(c) Awit at Papuri Communications - www.awitatpapuri.com
Iniulat ni Joab sa hari ang kabuuan ng lahat ng mga lalaking maaaring maglingkod sa hukbo. Sa Israel ay walundaanlibo at sa Juda naman ay limandaanlibo.
(c) Awit at Papuri Communications - www.awitatpapuri.com
Matapos niyang ipatala ang mga tao, inusig siya ng kanyang budhi. Sinabi niya sa Panginoon, “Nagkasala ako nang malaki sa ginawa kong ito, patawarin po ninyo ako sa aking kahangalan.” Kinaumagahan, pagkagising ni david, sa utos ng Panginoon ay pumunta sa kanya si Propeta Gad.
(c) Awit at Papuri Communications - www.awitatpapuri.com
Sinabi nito kay David, “Ito po ang ipinasasabi sa inyo ng Panginoon, ‘Mamili ka kung alin sa tatlong parusang ito ang ibig mong gawin ko sa iyo: Tatking taong taggutom sa iyong lupain, tatlong buwang pag-uusig sa iyong mga kaaway o tatlong araw na salot!’ Alin ang gusto ninyo para masabi ko sa nagsugo sa akin?”
(c) Awit at Papuri Communications - www.awitatpapuri.com
Sumagot si David, “Hirap na hirap ang aking kalooban sa nangyaring ito. Yamang mahabagin ang Panginoon, ang pipiliin ko’y ang tuwirang parusa niya, kaysa ako’y mahulog pa sa kamay ng mga tao.
(c) Awit at Papuri Communications - www.awitatpapuri.com
Kaya’t ang Panginoon ay nagpadala ng salot sa Israel, anupa’t mula sa Dan hanggang Beer-seba, pitumpunlibong tao ang namatay. Nangyari ito mula nang umagang iyon hanggang sa taning na panahon. Nang iunat ng anghel ang kanyang kamay upang puksain ang mga taga-Jerusalem, sinaway siya ng Panginoon. Nagbago ang pasiya nito at sinabi, “Tama na! Huwag mo nang ituloy!” Ang anghel ng Panginoon ay nakatayo noon sa giikan ni Arauna, isang Jebuseo.
(c) Awit at Papuri Communications - www.awitatpapuri.com
Nang makita ni David ang anghel, sinabi niya sa Panginoon, “Napakalaki ng pagkakasalang nagawa ko sa inyo at ang walang malay na mga tupang ito ang nagdurusa. Ako at ang aking sambahayan ang parusahan ninyo.”
(c) Awit at Papuri Communications - www.awitatpapuri.com
Ang Salita ng Diyos.

SALMONG TUGUNAN
Salmo 31, 1-2. 5. 6. 7

Tugon: D’yos ko, ako’y patawarin sa aking pagkasuwail.
(c) Awit at Papuri Communications - www.awitatpapuri.com
Mapalad ang tao na pinatawad ng yaong kasalanan,
at nalimot na rin ang kanyang nagawang mga pagsalansang;
mapalad ang taong sa harap ng Poon ay di naparatangan
dahilan sa siya ay di nagkasala at hindi nanlinlang.
(c) Awit at Papuri Communications - www.awitatpapuri.com
Tugon: D’yos ko, ako’y patawarin sa aking pagkasuwail.
(c) Awit at Papuri Communications - www.awitatpapuri.com
Ako ay lumapit sa iyong harapan at sala’y inamin,
ang aking ginawang mga pagsalansang di ko inilihim;
pinagpasiyahan kong ang lahat ng ito sa iyo’y idaing,
at aking natamo ang iyong patawad sa sala kong angkin.
(c) Awit at Papuri Communications - www.awitatpapuri.com
Tugon: D’yos ko, ako’y patawarin sa aking pagkasuwail.
(c) Awit at Papuri Communications - www.awitatpapuri.com
Ang lahat ng tapat, sa panahong gipit dapat manalangin,
upang bumugso man ang malaking baha’y di sila abutin.
(c) Awit at Papuri Communications - www.awitatpapuri.com
Tugon: D’yos ko, ako’y patawarin sa aking pagkasuwail.
(c) Awit at Papuri Communications - www.awitatpapuri.com
Kublihan ko’y ikaw, ikaw ang sasagip kung nababagabag,
aking aawitin ang pagkakalinga at ‘yong pagliligtas.
(c) Awit at Papuri Communications - www.awitatpapuri.com
Tugon: D’yos ko, ako’y patawarin sa aking pagkasuwail.

ALELUYA
Juan 10, 27

Aleluya! Aleluya!
Ang tinig ko’y pakikinggan
ng kabilang sa ‘king kawan,
ako’y kanilang susundan.
Aleluya! Aleluya!

MABUTING BALITA
Marcos 6, 1-6

Ang Mabuting Balita ng Panginoon ayon kay San Marcos
(c) Awit at Papuri Communications - www.awitatpapuri.com
Noong panahong iyon, si Hesus ay nagtungo sa sariling bayan, kasama ang kanyang mga alagad. Pagdating ng Araw ng Pamamahinga, nagturo siya sa sinagoga. Nagtaka ang maraming nakarinig sa kanya at nagtanong, “Saan niya nakuha ang lahat ng iyan? Anong karunungan itong ipinagkaloob sa kanya? Paano siya nakagagawa ng mga kababalaghan? Hindi ba ito ang karpinterong anak ni Maria, at kapatid nina Santiago at Jose, Judas at Simon? Dito nakatira ang kanyang mga kapatid na babae, hindi ba?” At siya’y ayaw nilang kilanlin. Kaya’t sinabi ni Hesus sa kanila, “Ang propeta’y iginagalang ng lahat, liban lamang ng kanyang mga kababayan, mga kamag-anak, at mga kasambahay.” Hindi siya nakagawa ng anumang kababalaghan doon, maliban sa pagpapatong ng kanyang kamay sa ilang maysakit upang pagalingin ang mga ito. Nagtaka siya sapagkat hindi sila sumampalataya. At nilibot ni Hesus ang mga nayon sa paligid upang magturo.
(c) Awit at Papuri Communications - www.awitatpapuri.com
Ang Mabuting Balita ng Panginoon.

Previous post:

Next post:

{ 6 comments… read them below or add one }

Mark Jefferson Magno January 22, 2020 at 4:21 pm

Ngayon ay Miyerkules sa ikaapat na linggo ng karaniwang panahon.
Salamat sa Diyos at pinupuri ka namin, Panginoong Hesukristo.

Reply

Dong February 5, 2020 at 4:24 am

Pinupuri ka namin jesucristo nazareno salamat amen.

Reply

Arlin D. Mamales February 5, 2020 at 4:30 am

Pinupuri ka namin Panginoong Hesukristo

Reply

Francisco Azupardo February 5, 2020 at 8:14 am

Salamat sa Diyos! Amen!

Reply

ofrin mila February 5, 2020 at 1:29 pm

Thank you lord ! Amen !

Reply

Jerry February 6, 2020 at 11:01 pm

Salamat sa Diyos.Pinupuri ka namin Panginoong Hesucristo .Amen
Patawarin mo po kami sa aming mga kasalanan Panginoon.Amen

Reply

Leave a Comment



Previous post:

Next post: