Mga Pagbasa – Lunes, Enero 20, 2020

by Jeric on January 20, 2020 · 4 comments

in Tagalog Mass Readings

Lunes ng Ikalawang Linggo sa Karaniwang Panahon (II)

1 Samuel 15, 16-23
Salmo 49, 8-9. 16bk-17. 21 at 23

Ang masunurin sa Diyos ay sasagipin n’yang lubos.

Marcos 2, 18-22

UNANG PAGBASA
1 Samuel 15, 16-23

Pagbasa mula sa unang aklat ni Samuel
(c) Awit at Papuri Communications - www.awitatpapuri.com
Noong mga araw na iyon, sinabi ni Samuel kay Saul, “Pakinggan mo ang sinabi sa akin ng Panginoon kagabi.”
(c) Awit at Papuri Communications - www.awitatpapuri.com
“Ano iyon?” tanong ni Saul.
(c) Awit at Papuri Communications - www.awitatpapuri.com
Sinabi ni Samuel, “Noong una, ikaw mismo ang nagpakilalang ikaw ay hamak. Ngayon, ikaw ang pangunahin sa Israel sapagkat hinirang ka ng Panginoon at pinahiran ng langis upang maging hari. Inutusan ka niyang lusubin ang masamang bayan ng Amalec at mahigpit na ipinagbiling puksain ang mga ito. Bakit mo sinuway ang utos ng Panginoon? Bakit mo pinag-imbutan ang ito? Hindi mo ba alam na ang ginawa mo’y malaking kasalanan sa Panginoon?”
(c) Awit at Papuri Communications - www.awitatpapuri.com
Sumagot si Saul, “Sinunod ko ang Panginoon. Pumunta ako sa pinapuntahan niya sa akin. Binihag ko si Agag na hari ng Amalec at nilipol ang mga Amalecita. Pinili ng mga tao ang pinakamaiinam sa mga tupa at baka at hindi namin pinatay na kasama ng iba, bagkus at iniuwi namin sa Gilgal upang ihandog sa Panginoon.”
(c) Awit at Papuri Communications - www.awitatpapuri.com
Sinabi ni Samuel, “Akala mo ba’y higit na magugustuhan ng Panginoon ang handog at hain kaysa pagsunod sa kanya? Ang pagsunod ka kanya ay higit sa handog, at ang pakikinig ay higit sa haing taba ng tupa. Ang pagsuway sa kanya ay kasinsama ng pangkukulam, at ang katigasan ng ulo’y tulad ng pagsamba sa diyus-diyusan. Pagkat sinuway mo ang Panginoon, aalisin ka sa pagiging hari ng kanyang bayan.”
(c) Awit at Papuri Communications - www.awitatpapuri.com
Ang Salita ng Diyos.

SALMONG TUGUNAN
Salmo 49, 8-9. 16bk-17. 21 at 23

Tugon: Ang masunurin sa Diyos ay sasagipin n’yang lubos.
(c) Awit at Papuri Communications - www.awitatpapuri.com
Hindi ako nagagalit dahilan sa inyong handog,
ni sa inyong mga haing sa dambana’y sinusunog,
bagaman ang mga toro’y hindi ko na kailangan,
maging iyang mga kambing at ang inyong mga kawan.
(c) Awit at Papuri Communications - www.awitatpapuri.com
Tugon: Ang masunurin sa Diyos ay sasagipin n’yang lubos.
(c) Awit at Papuri Communications - www.awitatpapuri.com
Bakit ninyo inuusal yaong aking mga utos?
At bakit ang paksa ninyo ay sa tipan natutungod?
Pag kayo ay tinutuwid, agad kayong napopoot,
at hi ayaw na tanggapin yaong aking mga utos.
(c) Awit at Papuri Communications - www.awitatpapuri.com
Tugon: Ang masunurin sa Diyos ay sasagipin n’yang lubos.
(c) Awit at Papuri Communications - www.awitatpapuri.com
Kahit ito ay ginawa hindi kayo alumana,
kaya naman ang akala, kayo’t ako’y magkaisa;
ngunit ngayon, panahon nang kayo’y aking pagwikaan
upang inyong maunawa ang ginawang kamalian.
Ang parangal na nais ko na sa aki’y ihahain,
ay handog ng pagsalamat, pagpupuring walang maliw;
akin namang ililigtas ang lahat na masunurin.
(c) Awit at Papuri Communications - www.awitatpapuri.com
Tugon: Ang masunurin sa Diyos ay sasagipin n’yang lubos.

ALELUYA
Hebreo 4, 12

Aleluya! Aleluya!
Buhay ang salita ng D’yos,
ganap nitong natalos
Tanang ating niloloob.
Aleluya! Aleluya!

MABUTING BALITA
Marcos 2, 18-22

Ang Mabuting Balita ng Panginoon ayon kay San Marcos
(c) Awit at Papuri Communications - www.awitatpapuri.com
Noong panahong iyon, nag-aayuno ang mga alagad ni Juan Bautista at ang mga Pariseo. May lumapit kay Hesus at nagtanong, “Bakit po nag-aayuno ang mga alagad ni Juan Bautista at ang mga alagad ng mga Pariseo, ngunit ang mga alagad ninyo’y hindi?” Sumagot si Hesus, “Makapag-aayuno ba ang panauhin sa kasalan samantalang kasama nila ang lalaking ikinasal? Hindi! Kapag wala na ang ikinasal, saka pa lamang sila mag-aayuni,
(c) Awit at Papuri Communications - www.awitatpapuri.com
“Walang nagtatagpi ng bagong kayo sa lumang kasuutan; pag urong ng bagong kayo, mababatak ang luma at lalong lalaki ang punit. Wala rin naman nagsisilid ng bagong alak sa lumang sisidlang-balat, sapagkat papuputukin ng alak ang balat. Kapwa masasayang ang alak at ang sisidlan. Bagong alak, bagong sisidlang-balat!”
(c) Awit at Papuri Communications - www.awitatpapuri.com
Ang Mabuting Balita ng Panginoon.

Previous post:

Next post:

{ 4 comments… read them below or add one }

Mark Jefferson Magno January 5, 2020 at 4:08 pm

Ngayon ay Lunes sa ikalawang linggo ng karaniwang panahon.
Salamat po sa Diyos at pinupuri ka namin, Panginoong Jesukristo.

Reply

Reynald Perez January 20, 2020 at 12:56 am

Pagninilay: Lubos na ipinapagalala ni Hesus sa Ebanghelyo tungkol sa mga bagay na lilipas at mga bagay na mabubuhay kailanman. Tinanong ng mga Pariseo at mga alagad ni San Juan Bautista kung bakit hindi nag-aayuno sina Hesus at ang mga Apostol. Kaya ang naging tugon ng Panginoon ay isang parabula tungkol sa piging ng isang kasalan, na kung saan ang mga panauhin ay hindi nag-aayuno hanggang nakapiling nila ang lalaking ikinasal. At kapag nakaalis na ang lalaking iyon ay saka sila maaring mag-ayuno. Ang talinghagang ito ay patungkol sa presensiya ni Hesus bilang Mesiyas ng Diyos na siyang isinugo upang tipunin ang tao sa iisang Simbahan, ang Sambayanan ng Diyos. At ito’y nagpapaalala sa atin na ang tanging disposiyon natin para maging matatag ang komunidad ay ang pagiging masunurin. Ito ang paalala ni Samuel kay Haring Saul sa Unang Pagbasa dahil sa pagsuway ng hari sa utos ng Diyos. Higit pa sa inaalay na mga hayop ng kalaban [Filisteo] ay ang pagsunod sa utos ng Panginoon, na dapat ang gawin ni Saul para sa tagumpay ng Israel. At ang pagiging masunurin sa Diyos ay ipinamalas ni Hesus nang akuin niya ang kanyang Krus, na nagdulot ng kaligtasan para sa sangkatauhan. At ang kanyang Muling Pagkabuhay ay ang tagumpay ng ating pagkatao na tayo ay balang araw makakapiling ang ating Diyos sa kaluwalhatian ng buhay na walang hanggan.At ito ang Tipan ng Diyos Ama na katulad ng pagtatahi ng bagong kayo mula sa lumang tela at ng pagsisilid ng bagong alak sa bagong sisidlan. Kaya ipinapaalala sa atin na sa Panginoo’y nagmumula ng mga bagong bagay, mga bagay na kinakailangan natin talaga sa buhay at hindi kailanma’y lilipas. Kaya nawa’y mapanibago ang ating puso’t isipan na maging matapat sa Diyos at sa kanyang dakilang kalooban.

Reply

Francisco Azupardo January 20, 2020 at 7:14 am

Salamat sa Diyos! Amen!

Reply

Dadong January 20, 2020 at 11:15 pm

Salamat hesucristo nazareno.

Reply

Leave a Comment



Previous post:

Next post: