Mga Pagbasa – Biyernes, Nobyembre 8, 2019

by Roxanne Pena on November 8, 2019 · 11 comments

in Tagalog Mass Readings

Biyernes ng Ika-31 Linggo sa Karaniwang Panahon (I)

Roma 15, 14-21
Salmo 97, 1. 2-3ab. 3kd-4

Panginoong nagliligtas sa tanang bansa’y nahayag.

Lucas 16, 1-8

UNANG PAGBASA
Roma 15, 14-21

Pagbasa mula sa sulat ni Apostol San Pablo sa mga taga-Roma
(c) Awit at Papuri Communications - www.awitatpapuri.com
Mga kapatid, lubos akong naniniwalang kayo’y puspos ng kabutihan, may sapat na kaalaman, at marunong magpaalalahanan. Gayunman, sa sulat na ito’y naglakas-loob akong paalalahanan kayo tungkol sa ilang bagay. Ginawa ko ito dahil sa kaloob ng Diyos sa akin na maging lingkod ni Kristo Hesus bilang saserdote sa mga Hentil. Ipinangangaral ko sa kanila ang Mabuting Balita ng Diyos upang sila’y maging handog na kalugud-lugod sa kanya, yamang pinabanal ng Espiritu Santo. Kaya’t bilang lingkod ni Kristo Hesus may katwiran akong ipagmapuri ang aking nagawa pa sa Diyos. Sapagkat ang pinangangahasan ko lamang banggitin ay ang ginawa ni Kristo upang maakit ang mga Hentil sa pamamagitan ng aking mga salita at gawa, sa tulong ng mga tanda at kababalaghan, at sa kapangyarihan ng Espiritu Santo. Kaya’t sa lahat ng lupain, mula sa Jerusalem hanggang sa Ilirico ay ipinangaral ko ang Mabuting Balita tungkol kay Kristo. Ang hangad ko’y ipangaral ito sa mga dakong hindi pa kilala si Kristo, upang hindi ako mangaral sa napangaralan na ng iba. Ganito ang sinasabi ng kasulatan,
(c) Awit at Papuri Communications - www.awitatpapuri.com
“Makakikilala ang hindi pa nakababalita tungkol sa kanya. Makauunawa ang hindi pa nakaririnig tungkol sa kanya.”
(c) Awit at Papuri Communications - www.awitatpapuri.com
Ang Salita ng Diyos.

SALMONG TUGUNAN
Salmo 97, 1. 2-3ab. 3kd-4

Tugon: Panginoong nagliligtas sa tanang bansa’y nahayag.
(c) Awit at Papuri Communications - www.awitatpapuri.com
Umawit ng bagong awit at sa Poon ay ialay,
pagkat yaong ginawa n’ya ay kahanga-hangang tunay!
Sa sariling lakas niya at taglay na kabanalan,
walang hirap na natamo yaong hangad na tagumpay.
(c) Awit at Papuri Communications - www.awitatpapuri.com
Tugon: Panginoong nagliligtas sa tanang bansa’y nahayag.
(c) Awit at Papuri Communications - www.awitatpapuri.com
Ang tagumpay niyang ito’y siya na rin ang naghayag,
sa harap ng mga bansa’y nahayag ang pagliligtas
Ang pangako sa Israel lubos niyang tinutupad.
(c) Awit at Papuri Communications - www.awitatpapuri.com
Tugon: Panginoong nagliligtas sa tanang bansa’y nahayag.
Tapat siya sa kanila at ang pag-ibig ay wagas.
Ang tagumpay ng ating Diyos kahit saan ay namalas!
Magkaingay na may galak, yaong lahat sa daigdig;
ang Poon ay buong galak na purihin sa pag-awit!
(c) Awit at Papuri Communications - www.awitatpapuri.com
Tugon: Panginoong nagliligtas sa tanang bansa’y nahayag.

ALELUYA
1 Juan 2, 5

Aleluya! Aleluya!
Lubos na magtatamasa
ng pag-ibig ng D’yos Ama
ang sumunod sa Anak n’ya.
Aleluya! Aleluya!

MABUTING BALITA
Lucas 16, 1-8

Ang Mabuting Balita ng Panginoon ayon kay San Lucas
(c) Awit at Papuri Communications - www.awitatpapuri.com
Noong panahong iyon, sinabi ni Hesus sa kanyang mga alagad, “May isang mayaman na may isang katiwala. Isinumbong sa kanya na nilulustay nito ang kanyang ari-arian. Kaya’t ipinatawag niya at tinatanong: ‘Ano ba itong naririnig ko tungkol sa inyo? Isulit mo sa akin ng buo ang pangangasiwa mo sa aking ari-arian pagkat mula ngayon ay hindi na ikaw ang katiwala ko.’ Nawika ng katiwala sa sarili, ‘Aalisin na ako ng aking panginoon sa pangangasiwa. Ano ang gagawin ko? Hindi ko kayang magbungkal ng lupa; nahihiya naman akong magpalimos. A, alam ko na ang aking gagawin! Maalis man ako sa pangangasiwa, may tatanggap din sa akin sa kanilang tahanan.’ Isa-isa niya ngayong tinawag ang mga may utanng sa kanyang panginoon. Tinanong niya ang una, ‘Gaano ang utang mo sa aking panginoon?’ Sumagot ito, ‘Sandaang tapayang langis po.’ ‘Heto ang kasulatan ng iyong pagkakautang. Dali! Maupo ka’t gawin mong limampu,’ sabi ng katiwala. At tinanong naman niya ang isa, ‘Ikaw, gaano ang utang mo?’ Sumagot ito, ‘Sandaang kabang trigo po.’ ‘Heto ang kasulatan ng iyong pagkakautang,’ wika niya. ‘Isulat mo, walumpu.’ Pinuri ng panginoon ang magdarayang katiwala dahil sa katalinuhang ipinamalas nito. Sapagkat ang mga makasanlibutan ay mas mahusay gumawa ng paraan kaysa mga maka-Diyos.”
(c) Awit at Papuri Communications - www.awitatpapuri.com
Ang Mabuting Balita ng Panginoon.

Previous post:

Next post:

{ 11 comments… read them below or add one }

Patrick Cu November 11, 2017 at 3:38 am

Salamat sa Diyos!

Reply

Mark Jefferson Magno November 3, 2019 at 7:29 am

Ngayon po ay araw ng Biyernes sa ika-31 linggo ng karaniwang panahon.
Salamat sa Diyos at pinupuri ka namin, Panginoong Hesukristo.

Reply

Genie Altamarino November 7, 2019 at 6:56 pm

Salamat sa Diyos!!

Reply

Edward Ramirez November 8, 2019 at 5:21 am

Pinupuri ka namin panginoong hesukristo

Reply

Aida November 8, 2019 at 5:42 am

Pinupuri ka namin Panginoong Hesukristo.Amen.

Reply

Liberty C.Baligod November 8, 2019 at 6:34 am

Pinupuri ka namin, Panginoong HesuKristo~

Reply

Mil November 8, 2019 at 7:07 am

Pinupuri ka namin Panginoong Hesukristo.

Reply

Mylene Farinas November 8, 2019 at 7:25 am

O my God, it is too difficult for me to understand why you praised a servant that cheats and earthly; and, would think of him as wiser than those who are godly. So, please help me, Lord, comprehend the meaning of this parable. in Jesus’ name, Amen.

Reply

tolz November 8, 2019 at 12:24 pm

Worldly or Heavenly Success?
It certainly does not tell us that we should enter into a worldly life striving to live by worldly standards and working toward worldly goals. In fact, by acknowledging this fact about the worldly, Jesus is presenting us with a strong contrast as to how we should think and act. We are called to be the children of light. Therefore, we should not be surprised at all if we are not as successful in worldly things as others are who are immersed in the secular culture.

Reply

Celine November 8, 2019 at 2:08 pm

PINUPURI KA NAMIN PANGINOON JESUS KRISTO. ALLELUIA!

Reply

Francisco Azupardo November 8, 2019 at 3:23 pm

Salamat sa Diyos! Amen!

Reply

Leave a Comment



Previous post:

Next post: